Ravi Teja: ಟೈಗರ್ ನಾಗೇಶ್ವರ್ ರಾವ್ ಫಸ್ಟ್ ಲುಕ್! ಮಾಸ್ ಮಹಾರಾಜನ ಮಸ್ತ್ ಫೋಸ್ಟರ್ ರಿಲೀಸ್

ಟಾಲಿವುಡ್‌ನ ಮಾಸ್ ಮಹಾರಾಜ ರವಿ ತೇಜ ಅಭಿನಯದ ಟೈಗರ್ ನಾಗೇಶ್ವರ್ ರಾವ್ ಸಿನಿಮಾ ಫಸ್ಟ್ ಲುಕ್ ರಿಲೀಸ್ ಆಗಿದೆ. ಈ ಮೂಲಕ ಸಿನಿಮಾದ ನಾಯಕ ಟೈಗರ್ ನಾಗೇಶ್ವ ರಾವ್ ಪಾತ್ರವನ್ನ ಕನ್ನಡದಲ್ಲಿ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಇದೀಗ ತಮ್ಮ ವಿಶೇಷ ಕಂಠಸಿರಿ ಮೂಲಕ ಪರಿಚಯಿಸಿದ್ದಾರೆ.

ಟೈಗರ್ ನಾಗೇಶ್ವರ್ ರಾವ್ ಚಿತ್ರ ಬಹು ಭಾಷೆಯಲ್ಲಿ ರಿಲೀಸ್ ಆಗುತ್ತಿದೆ. ಈ ಹಿನ್ನೆಲೆಯಲ್ಲಿ ಆಯಾ ಭಾಷಾ ನಟರು ಚಿತ್ರದ ಫಸ್ಟ್ ಲುಕ್‌ಗೆ ಧ್ವನಿ ನೀಡಿ ಸಪೋರ್ಟ್ ಮಾಡಿದ್ದಾರೆ.

ಕನ್ನಡದಲ್ಲಿ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್, ಬಾಲಿವುಡ್‌ನಲ್ಲಿ ಜಾನ್ ಅಬ್ರಹಾಂ, ತೆಲುಗುವಿನಲ್ಲಿ ವೆಂಕಟೇಶ್, ತಮಿಳಿನಲ್ಲಿ ಕಾರ್ತಿ, ಮಲೆಯಾಳಂ ಭಾಷೆಯ ಫಸ್ಟ್ ಲುಕ್ ಗೆ ದುಲ್ಕರ್ ಸಲ್ಮಾನ್ ಧ್ವನಿಯಾಗಿದ್ದಾರೆ.

ಟೈಗರ್ ನಾಗೇಶ್ವರ್ ರಾವ್ ಸಿನಿಮಾ ಒಬ್ಬ ಕುಖ್ಯಾತ ಕಳ್ಳನ ಕಥೆಯನ್ನ ಆಧರಿಸಿದೆ. 70 ರ ದಶಕದಲ್ಲಿದ್ದ ಸ್ಟುವರ್ಟ್ ಪುರಂ ಹಳ್ಳಿಯ ಕಳ್ಳನ ಕಥೇನೆ ಇದಾಗಿದೆ.

ಅಕ್ಟೋಬರ್-22 ರಂದು ಟೈಗರ್ ನಾಗೇಶ್ವರ್ ರಾವ್ ಸಿನಿಮಾ ಎಲ್ಲೆಡೆ ರಿಲೀಸ್ ಆಗುತ್ತಿದೆ. ಸದ್ಯಕ್ಕೆ ಸಿನಿಮಾ ಫಸ್ಟ್ ಲುಕ್ ಟೀಸರ್ ರಿಲೀಸ್ ಆಗಿ ಭಾರಿ ಸೌಂಡ್ ಮಾಡುತ್ತಿದೆ.

ಚಿತ್ರದ ಫಸ್ಟ್ ಲುಕ್ ಅನ್ನ ರಾಜಮಂಡ್ರಿಯಲ್ಲಿರೋ ದೇಶದ ಅತಿ ಉದ್ದದ ಹ್ಯಾವ್ಲಾಕ್ ಸೇತುವೆ ಮೇಲೆ ಬಿಡುಗಡೆ ಮಾಡಲಾಗಿದೆ. ಈ ಸೇತುವೆಯನ್ನ ಗೋದಾವರಿ ನದಿಗೆ ಅಡ್ಡಲಾಗಿಯೇ ಕಟ್ಟಲಾಗಿದೆ.

ಟೈಗರ್ ನಾಗೇಶ್ವರ್ ರಾವ್ ಚಿತ್ರವನ್ನ ವಂಶಿ ಡೈರೆಕ್ಟ್ ಮಾಡಿದ್ದಾರೆ. ಈ ಮೂಲಕ ಪಂಚ ಭಾಷೆಯಲ್ಲಿ ನಟ ರವಿತೇಜ ಪರಿಚಯ ಅಗುತ್ತಿದ್ದಾರೆ.