Prabhas: ಕೊರೋನಾ ಭೀತಿಯ ನಡುವೆಯೇ ಮಾಸ್ಕ್​ ತೊಟ್ಟು ಯುರೋಪ್​ನತ್ತ ಪ್ರಯಾಣ ಬೆಳೆಸಿದ ಪ್ರಭಾಸ್​..!

ಒಂದು ಕಡೆ ಸ್ಯಾಂಡಲ್​ವುಡ್​ನ 'ರಾಬರ್ಟ್'​ ಹಾಗೂ 'ಯುವರತ್ನ' ಚಿತ್ರತಂಡ ಕರೋನಾ ಭೀತಿಯಿಂದಾಗಿ ವಿದೇಶದಲ್ಲಿ ಪ್ಲಾನ್​ ಮಾಡಿದ್ದ ತಮ್ಮ ಸಿನಿಮಾದ ಹಾಡುಗಳ ಚಿತ್ರೀಕರಣವನ್ನು ಸದ್ಯಕ್ಕೆ ನಿಲ್ಲಿಸಿದ್ದಾರೆ. ಆದರೆ ಪ್ರಭಾಸ್​ ಮಾತ್ರ ಚಿತ್ರೀಕರಣಕ್ಕಾಗಿ ಯುರೋಪ್​ನತ್ತ ತೆರಳಿದ್ದಾರೆ.

ನಟ ಪ್ರಭಾಸ್​ ನಿನ್ನೆ ಯುರೋಪ್​ನತ್ತ ಪ್ರಯಾಣ ಬೆಳೆಸಿದ್ದಾರೆ.

ಅವರ ಹೊಸ ಸಿನಿಮಾ 'ಜಾನ್​' ಚಿತ್ರೀಕರಣ ಯುರೋಪ್​ನಲ್ಲಿ ನಡೆಯುತ್ತಿದೆ.

ವಿಶ್ವದೆಲ್ಲೆಡೆ ಕರೋನಾ ವೈರಸ್​ ಕರಾಳ ಮುಖ ತೋರುತ್ತಿದ್ದು, ಇದರ ಭೀತಿಯ ನಡುವೆಯೇ ಪ್ರಭಾಸ್​ ತಮ್ಮ ಸಿನಿಮಾ ಚಿತ್ರೀಕರಣಕ್ಕಾಗಿ ತೆರಳಿದ್ದಾರೆ.

ವಿಮಾನ ನಿಲ್ದಾಣದಲ್ಲಿ ಪ್ರಭಾಸ್​ ಮುಖಕ್ಕೆ ಮಾಸ್ಕ್​ ತೊಟ್ಟು ಹೋಗುತ್ತಿರುವ ಚಿತ್ರಗಳು ಹಾಗೂ ವಿಡಿಯೋ ವೈರಲ್​ ಆಗುತ್ತಿದೆ.

ಪ್ರಭಾಸ್ ಅಭಿನಯದ 20ನೇ ಸಿನಿಮಾ ಇದಾಗಿದ್ದು, ಇದರಲ್ಲಿ ಪೂಜಾ ಹೆಗ್ಡೆ ನಾಯಕಿಯಾಗಿ ನಟಿಸಿದ್ದಾರೆ. ಜೊತೆಗೆ ಬಾಲಿವುಡ್​ ನಟಿ ಭಾಗ್ಯಶ್ರೀ ಸಹ ಪೋಷಕ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.