Actress Pragathi Mahavadi: ಸಿನಿಮಾಗಳಲ್ಲಿ ಸಾಫ್ಟ್ ಕ್ಯಾರೆಕ್ಟರ್ಸ್; ಜಿಮ್‌ನಲ್ಲಿ ಸಖತ್ ವರ್ಕೌಟ್​​, ಟಾಲಿವುಡ್​ ನಟಿಯ ಫೋಟೋಸ್​ ವೈರಲ್​

ಟಾಲಿವುಡ್ ನಟಿ ಪ್ರಗತಿ ವೈವಿಧ್ಯಮಯ ಪಾತ್ರಗಳ ಮೂಲಕ ಸಿನಿಮಾಗಳಲ್ಲಿ ನಟಿಸಿ ಪ್ರೇಕ್ಷಕರನ್ನು ರಂಜಿಸುತ್ತಿದ್ದಾರೆ. ಆದರೆ ಪ್ರಗತಿ ಅವರ ಅಭಿನಯ ಒಂದೆಡೆಯಾದರೆ, ಅವರ ಫಿಟ್ನೆಸ್ ಇನ್ನೊಂದೆಡೆ ಸಖತ್ ಸದ್ದು ಮಾಡುತ್ತಿವೆ. ನಟಿ ಪ್ರಗತಿ ಅವರು ವರ್ಕೌಟ್ ವೀಡಿಯೊಗಳು ಮತ್ತು ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಾರೆ.

ಹೊಸ ವರ್ಷವನ್ನು ಸ್ವಾಗತಿಸುವ ಈ ದಿನ ನೆಟ್ಟಿಗರು ಇತ್ತೀಚಿನ ಜಿಮ್ ವರ್ಕೌಟ್ ಫೋಟೋಗಳನ್ನು ಸಹ ನೆನಪಿಸಿಕೊಳ್ಳುತ್ತಿದ್ದಾರೆ. ಪ್ರಗತಿ ಅವರು ಟಾಲಿವುಡ್​​ನಲ್ಲಿ ಕ್ಯಾರೆಕ್ಟರ್ ಆರ್ಟಿಸ್ಟ್ ಆಗಿ ಹೆಸರು ಮಾಡಿದ್ದಾರೆ. ಸಿನಿಮಾಗಳಲ್ಲಿ ಹಲವು ಕ್ಯಾರೆಕ್ಟರ್ ಆರ್ಟಿಸ್ಟ್ ಗಳ ಜೊತೆ ಪ್ರಗತಿ ಅವರು ಪ್ರೇಕ್ಷಕರ ಗಮನಸೆಳೆಯುತ್ತಾರೆ.

ಹಲವು ಸಿನಿಮಾಗಳಲ್ಲಿ ಪ್ರಗತಿ ಅವರು, ಹೀರೋ, ಹೀರೋಯಿನ್​​ಗಳ ತಾಯಿಯಾಗಿ ಕಾಣಿಸಿಕೊಂಡಿದ್ದಾರೆ. ಅಲ್ಲದೇ ಹೀರೋಗಳಿಗೆ, ಚಿಕ್ಕಮ್ಮ, ಅಜ್ಜಿ, ಇತ್ಯಾದಿಯಾಗಿ ಪಾತ್ರಗಳಲ್ಲೂ ನಟಿಸಿ ಇಂಪ್ರೆಸ್ ಮಾಡಿದ್ದಾರೆ. ಈ ಕಾರಣದಿಂದಳೇ ಅವರಿಗೆ ಸಾಕಷ್ಟು ಮಹಿಳಾ ಅಭಿಮಾನಿಗಳೂ ಇದ್ದಾರೆ.

ಇನ್ನು, 19ನೇ ವಯಸ್ಸಿಗೆ ನಾಯಕಿಯಾಗಿ ಪಾದಾರ್ಪಣೆ ಮಾಡಿದ್ದ ಪ್ರಗತಿ ಅವರು, ಸಿನಿಮಾದ ಶೂಟಿಂಗ್​ ವೇಳೆ ಮಳೆಯಲ್ಲಿ ಹಾಡಿನ ಕಾಸ್ಟ್ಯೂಮ್ ವಿಚಾರದಲ್ಲಿ ರಾಜಿ ಮಾಡಿಕೊಳ್ಳದ ಕಾರಣ ಸಿನಿಮಾ ಬಿಟ್ಟಿದ್ದೇನೆ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದರು.

ಸದ್ಯ ಪ್ರಗತಿ ಅವರು ಪತಿಯಿಂದ ಬೇರ್ಪಟ್ಟು ಒಂಟಿಯಾಗಿ ವಾಸಿಸುತ್ತಿದ್ದಾರೆ. ಕಳೆದ ಹಲವು ವರ್ಷಗಳಿಂದ ತಮ್ಮ ಇಬ್ಬರು ಮಕ್ಕಳನ್ನ ನೋಡಿಕೊಳ್ಳುತ್ತಿದ್ದಾರೆ. ಪ್ರಗತಿ ಅವರು, ಇತ್ತೀಚೆಗೆ ನೀಡಿದ್ದ ಸಂದರ್ಶನವೊಂದರಲ್ಲಿ ಹಲವು ಆಸಕ್ತಿದಾಯಕ ವಿಷಯಗಳನ್ನು ಬಿಚ್ಚಿಟ್ಟಿದ್ದರು.

ಚಿಕ್ಕ ವಯಸ್ಸಿನಲ್ಲಿ ಮದುವೆಯಾಗಿ ಜೀವನದಲ್ಲಿ ದೊಡ್ಡ ತಪ್ಪು ಮಾಡಿದೆ. ಪತಿಯಿಂದ ಬೇರ್ಪಟ್ಟ ನಂತರ ಹಣವಿಲ್ಲದಿದ್ದಾಗ ನಿರ್ಮಾಪಕರೊಬ್ಬರು ಕರೆ ಮಾಡಿ ಧಾರಾವಾಹಿಯಲ್ಲಿ ನಟಿಸುವ ಅವಕಾಶ ನೀಡಿದ್ದರು ಎಂದು ತಮಗೆ ಸಿನಿಮಾಗಳಲ್ಲಿ ಮತ್ತೆ ಅವಕಾಶ ಹೇಗೆ ಸಿಕ್ತು ಎಂಬುವುದನ್ನು ತಿಳಿಸಿದ್ದರು. ಇನ್ನು, ಪಗ್ರತಿ ಅವರು, ಒಂದು ದಿನದ ಕಾಲ್ ಶೀಟ್ ಗೆ ಪ್ರಗತಿ ಸುಮಾರು 50 ರಿಂದ 70 ಸಾವಿರ ಬೇಡಿಕೆ ಇಟ್ಟಿದ್ದಾರಂತೆ. ಆದರೆ ಇದು ಎಲ್ಲಾ ಸಿನಿಮಾಗಳಿಗೂ ಒಂದೇ ರೀತಿ ಇರೋದಿಲ್ಲ. ದೊಡ್ಡ ಸಿನಿಮಾಗಳಿಗೆ ಒಂದೊಂದು ರೀತಿ, ಕಡಿಮೆ ಬಜೆಟ್ ಸಿನಿಮಾಗಳಿಗೆ ಒಂದೊಂದು ರೀತಿ. ಇಲ್ಲ ಎಂದರೇ, ಪಾತ್ರ ಪ್ರಾಮುಖ್ಯತೆಯ ಮೇಲೆ ಬದಲಾಗಬಹುದು ಎಂದಿದ್ದಾರೆ.

ಸಿನಿಮಾದಲ್ಲಿ ಎಷ್ಟೇ ಬ್ಯುಸಿಯಾಗಿದ್ದರೂ ದೈಹಿಕ ಕ್ಷಮತೆ ಕಾಯ್ದುಕೊಳ್ಳುವ ಪ್ರಗತಿ ಸದಾ ಮುಂದು. ಸಮಯ ಬಿಡುವು ಮಾಡಿಕೊಂಡು ಜಿಮ್​​​ನಲ್ಲಿ ವರ್ಕೌಟ್​ ಮಾಡುವ ಪ್ರಗತಿ ಅವರು, ಆ ಸಂದರ್ಭದ ಫೋಟೋ, ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್​ ಮಾಡ್ತಾ ಇರ್ತಾರೆ.

ಇನ್ನು, ತಮ್ಮ ಮಕ್ಕಳೊಂದಿಗೆ ಸಂತೋಷದಿಂದ ಸಮಯ ಕಳೆಯುವ ಅವರು, ಆಗಾಗ ಅವರೊಂದಿಗೂ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡ್ತಾರೆ. ಸಿನಿಮಾಗಳಲ್ಲಿ ಭಿನ್ನ ಪಾತ್ರಗಳ ಮೂಲಕ ಗಮನ ಸೆಳೆಯುವ ಪಗ್ರತಿ ಅವರು, ನಿಜ ಜೀವನದಲ್ಲೂ ವಿಶೇಷ ವ್ಯಕ್ತಿವಾಗಿ ಕಾಣ್ತಾರೆ.