Meera Jasmine: ಮೀರಾ ಜಾಸ್ಮಿನ್ ಹಾಟ್​ ಲುಕ್​ಗೆ ಸುಸ್ತಾದ ನೆಟ್ಟಿಗರು, ಚಿತ್ರರಂಗಕ್ಕೆ ರೀ ಎಂಟ್ರಿ ಕೊಡ್ತಾರಾ ಅರಸು ಬೆಡಗಿ?

ನಾಯಕಿ ಮೀರಾ ಜಾಸ್ಮಿನ್ ಯಾರಿಗೆ ತಾನೇ ನೆನಪಿಲ್ಲ ಹೇಳಿ. ಅರಸು ಚಿತ್ರದಲ್ಲಿ ಅವರ ನಟನೆಯನ್ನು ಯಾರೂ ಮರೆತಿಲ್ಲ. ಬಹಳ ದಿನಗಳಿಂದ ಸಿನಿಮಾದಿಂದ ದೂರವಿದ್ದರೂ ಈ ನಟಿಗೆ ಅಭಿಮಾನಿಗಳು ಕಡಿಮೆಯಾಗಿಲ್ಲ. ಇನ್ನು ಇತ್ತೀಚೆಗೆ ಮೀರಾ ಜಾಸ್ಮಿನ್ ಫೋಟೋ ವೈರಲ್ ಆಗುತ್ತಿದ್ದು, ಆ ಫೋಟೋಗಳು ಇಲ್ಲಿದೆ.

ಒಂದು ಕಾಲದಲ್ಲಿ ದುಂಡುಮುಖವಾಗಿದ್ದ ಮೀರಾ ಜಾಸ್ಮಿನ್.. ಈಗ ಸಂಪೂರ್ಣ ಬದಲಾಗಿದ್ದಾರೆ. ಸ್ವಲ್ಪ ತೆಳ್ಳಗೆ ಮತ್ತು ನಿಯಮಿತವಾಗಿ ಸಾಮಾಜಿಕ ಮಾಧ್ಯಮದಲ್ಲಿ ಗ್ಲಾಮರ್ ಫೋಟೋಗಳನ್ನು ಹಂಚಿಕೊಳ್ಳುತ್ತಾರೆ. ಇತ್ತೀಚೆಗೆ, ಮೀರಾ ಜಾಸ್ಮಿನ್ ಹಂಚಿಕೊಂಡಿರುವ ಫೋಟೋಗಳು ಸಖತ್ ವೈರಲ್ ಆಗುತ್ತಿದೆ.

ಇತ್ತೀಚಿಗೆ ಮೀರಾ ಜಾಸ್ಮಿನ್ ಪ್ಯಾಂಟ್ ಇಲ್ಲದೆ ಹಂಚಿಕೊಂಡಿರುವ ಹಾಟ್ ಫೋಟೋಗಳು ವೈರಲ್ ಆಗುತ್ತಿವೆ. ಸೆಕೆಂಡ್ ಇನ್ನಿಂಗ್ಸ್‌ಗೆ ರೆಡಿಯಾಗಿರುವ ಮೀರಾ ಜಾಸ್ಮಿನ್ ತಮ್ಮ ಗ್ಲಾಮರ್ ಸೈಡ್ ಅನ್ನು ತೋರಿಸಿದ್ದಾರೆ. ನಾಯಕಿ ಮತ್ತು ನಿರ್ದೇಶಕರ ಪಾತ್ರಗಳಿಗೆ ನಾನು ಸಿದ್ಧ ಎಂದು ಈ ಮೂಲಕ ಹೇಳುತ್ತಿದ್ದಾರೆ.

ಅರಸು, ಹೂ, ದೇವರು ಕೊಟ್ಟ ತಂಗಿ, ಮೌರ್ಯ ಸೇರಿದಂತೆ ಹಲವಾರು ಚಿತ್ರಗಳಲ್ಲಿ ನಟಿಸಿ ಮೋಡಿ ಮಾಡಿದ್ದ ಸುಂದರಿ, ಕೊನೆಯದಾಗಿ ಮೋಕ್ಷ ಎಂಬ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ.

ತಮ್ಮ ವೃತ್ತಿಜೀವನದ ಆರಂಭದಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್, ತೆಲುಗಿನಲ್ಲಿ ಪವನ್ ಕಲ್ಯಾಣ್ ಅವರೊಂದಿಗೆ ನಾಯಕಿಯಾಗಿ ನಟಿಸುವ ಅವಕಾಶವನ್ನು ಪಡೆದಿದ್ದರು. ಅದರ ನಂತರ ಅವರು ಅನೇಕ ಟಾಲಿವುಡ್ ಹಾಗೂ ಸ್ಯಾಂಡಲ್ವುಡ್ ಸ್ಟಾರ್ ಹೀರೋಗಳ ಎದುರು ನಟಿಸಿ ಸೈ ಎನಿಸಿಕೊಂಡಿದ್ದಾರೆ.

ಮೀರಾ ಜಾಸ್ಮಿನ್ ಅವರು ಕನ್ನಡ ಜೊತೆಗೆ ತೆಲುಗು, ತಮಿಳು, ಮಲಯಾಳಂನಲ್ಲಿ ಮಿಂಚುತ್ತಿದ್ದ ಕಾಲದಲ್ಲೇ ಮದುವೆಯಾಗಿ ಸಿನಿಮಾದಿಂದ ದೂರ ಸರಿದಿದ್ದರು. 2014 ರಲ್ಲಿ, ಅವರು ದುಬೈನಲ್ಲಿ ಎಂಜಿನಿಯರ್ ಆಗಿದ್ದ ಅನಿಲ್ ಜಾನ್ ಟೈಟಸ್ ಅವರನ್ನು ವಿವಾಹವಾಗಿ ದುಬೈಗೆ ತೆರಳಿದ್ದರು.

ಮೀರಾ ಜಾಸ್ಮಿನ್ ತನ್ನ ಸೌಂದರ್ಯದಿಂದ ನಟ್ಟಿಗರ ಗಮನ ಸೆಳೆದಿದ್ದು, ಕಳೆದ ಕೆಲವು ತಿಂಗಳುಗಳಿಂದ ಅವರು ಶೇರ್ ಮಾಡುತ್ತಿರುವ ಫೋಟೋಗಳು ವೈರಲ್ ಆಗುತ್ತಿವೆ. ಈ ಫೋಟೋದಲ್ಲಿ ಮೀರಾ ತಮ್ಮ ಗ್ಲಾಮರ್ ಹೆಚ್ಚಿಸಿಕೊಂಡಿರುವುದನ್ನು ಕಂಡು ನೆಟ್ಟಿಗರು ಹುಬ್ಬೇರಿಸಿದ್ದಾರೆ.