Prabhas: ಪ್ರಭಾಸ್​ ಅಭಿಮಾನಿಗಳಿಗೆ ಗುಡ್​ ನ್ಯೂಸ್, ಮತ್ತೆ ಒಂದಾಗಲಿದ್ದಾರಂತೆ ಈ ಸ್ಟಾರ್​ ಜೋಡಿ!

ಅನುಷ್ಕಾ ಶೆಟ್ಟಿ ದಕ್ಷಿಣ ಭಾರತದಲ್ಲಿ ಸಖತ್ ಹೆಸರು ಮಾಡಿರುವ ಟಾಪ್ ನಟಿ. ಸದ್ಯ ಅವರು ಸಾಲು ಸಾಲು ಸಿನಿಮಾಗಳ್ಲಲಿ ಬ್ಯುಸಿಯಾಗಿದ್ದಾರೆ. ಇದರ ನಡುವೆ ಟಾಲಿವುಡ್​ ನಲ್ಲಿ ಪ್ರಭಾಸ್ ಮತ್ತು ಅನುಷ್ಕಾ ಜೋಡಿಗೆ ಬೇರೆಯದೇ ಫ್ಯಾನ್ಸ್ ಫಾಲೋವರ್ಸ್ ಇದ್ದಾರೆ. ಈ ಜೋಡಿಯನ್ನು ತೆರೆಯ ಮೇಲೆ ನೋಡಲು ಅದೆಷ್ಟೋ ಅಭಿಮಾನಿಗಳು ಇಂದಿಗೂ ಕಾಯುತ್ತಿದ್ದಾರೆ ಎಂದರೂ ತಪ್ಪಾಗಲಾರದು.

ಬಾಹುಬಲಿ ಸರಣಿಯೊಂದಿಗೆ ಪ್ರಭಾಸ್ ಮತ್ತು ಅನುಷ್ಕಾ ಶೆಟ್ಟಿ ಪ್ಯಾನ್ ಇಂಡಿಯಾ ಸ್ಟಾರ್ ಆದರು. ಮೇಲಾಗಿ ಇವರಿಬ್ಬರ ಕೆಮಿಸ್ಟ್ರಿ ಸಿನಿಮಾ ಜಗತ್ತನ್ನೇ ಬೆಚ್ಚಿ ಬೀಳಿಸಿದೆ. ಇದರೊಂದಿಗೆ ಅನುಷ್ಕಾ ಮತ್ತು ಪ್ರಭಾಸ್ ಕಾಂಬಿನೇಷನ್ ಜನಪ್ರಿಯ ಜೋಡಿಯಾಯಿತು. ಈ ಹಿನ್ನೆಲೆಯಲ್ಲಿ ಮತ್ತೊಮ್ಮೆ ಈ ಜೋಡಿ ಒಟ್ಟಿಗೆ ತೆರೆಮೇಲೆ ಕಾಣಿಸಿಕೊಳ್ಳಲಿದೆಯಂತೆ.

ಈ ಕ್ರೇಜ್ ಜೊತೆಗೆ ಇವರಿಬ್ಬರು ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್ಸ್ ಕೂಡ ಆಗಿರುವುದರಿಂದ ಇವರಿಬ್ಬರ ನಡುವೆ ಲವ್ ಟ್ರಾಕ್ ನಡೆಯುತ್ತಿದ್ದು, ಇವರಿಬ್ಬರು ಮದುವೆಯಾಗಲಿದ್ದಾರೆ ಎಂಬ gಆಸಿಫ್​ಗಳೂ ಸಹ ಒಂದೊಮ್ಮೆ ಹಬ್ಬಿದ್ದವು. ಇದರ ಹೊರತಾಗಿಯೂ ಪ್ರಭಾಸ್-ಅನುಷ್ಕಾ ತಮ್ಮ ಸಿನಿಮಾಗಳ ಮೂಕ ಸದಾ ಸುದ್ದಿಯಲ್ಲಿರುತ್ತದೆ.

ಆದರೆ ಇದೀಗ ಮತ್ತೊಮ್ಮೆ ಬಾಕ್ಸ್ ಆಫೀಸ್ ದಾಖಲೆ ಮುರಿದ ಈ ಜೋಡಿಯನ್ನು ಬೆಳ್ಳಿತೆರೆಯಲ್ಲಿ ನೋಡುವ ಕುತೂಹಲ ಪ್ರೇಕ್ಷಕರಿಗಿದೆ. ಅದಕ್ಕೆ ಮುಹೂರ್ತ ಸಹ ನಿಗದಿಯಾಗುತ್ತಿದ್ದು, ಅವರನ್ನು ಮತ್ತೊಮ್ಮೆ ಬೆಳ್ಳಿತೆರೆ ಮೇಲೆ ಮುದ್ದಾದ ಪ್ರೇಮಿಗಳನ್ನಾಗಿ ತೋರಿಸಲು ಹೊರಟಿದ್ದಾರೆ ಪ್ರತಿಭಾವಂತ ನಿರ್ದೇಶಕರು ಎಂಬ ಮಾತುಗಳು ಕೇಳಿಬರುತ್ತಿವೆ.

ಸದ್ಯ ನಟ ಪ್ರಭಾಸ್ ಸಲಾರ್​ ಮತ್ತು ಆಧಿಪುರುಷ್ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಅಲ್ಲದೇ ಕೆಲ ದಿನಗಳಿಂದ ಬ್ಯೂಟಿ ಅನುಷ್ಕಾ ಸಹ ಚಿತ್ರರಂಗದಿಂದ ಕೊಂಚ ಬ್ರೇಕ್​ ತೆಗೆದುಕೊಂಡಿದ್ದಾರೆ.

ಇದರ ನಡುವೆ ಅನುಷ್ಕಾ ಮತ್ತೊಮ್ಮೆ ತಮ್ಮ ಬೆಸ್ಟ್ ಪೇರ್ ಪ್ರಭಾಸ್ ಜೊತೆ ನಟಿಸುವ ಸಾಧ್ಯತೆ ಇದೆಯಂತೆ. ಪ್ರತಿಭಾವಂತ ನಿರ್ದೇಶಕ ಮಾರುತಿ ಈ ಇಬ್ಬರನ್ನು ಮತ್ತೊಮ್ಮೆ ಒಂದೇ ಪರದೆಯಲ್ಲಿ ತೋರಿಸಲು ಪ್ರಯತ್ನಿಸುತ್ತಿದ್ದಾರೆ ಎಂಬ ಮಾತುಗಳು ಟಾಲಿವುಡ್​ ಒಲಯದಲ್ಲಿ ಹರಿದಾಡುತ್ತಿವೆ.

ಪ್ರಭಾಸ್ ಜೊತೆ ನಿರ್ದೇಶಕ ಮಾರುತಿ ಸಿನಿಮಾ ಮಾಡಲು ಹೊರಟಿರುವುದು ಗೊತ್ತೇ ಇದೆ. ಹಾರರ್ ಕಾಮಿಡಿ ಹಿನ್ನಲೆಯಲ್ಲಿ ತಯಾರಾಗಲಿರುವ ಈ ಚಿತ್ರದಲ್ಲಿ ಅನುಷ್ಕಾಳನ್ನು ಭಾಗಿ ಮಾಡುವ ಸಖತ್ ಪ್ಲಾನ್ ಮಾಡಿದ್ದಾರೆ ಎನ್ನಲಾಗಿದೆ. ಈ ಸುದ್ದಿ ಒಮ್ಮೆಯಾದರೂ ನಿಜವಾಗಲೆಂದು ಪ್ರಭಾಸ್ ಮತ್ತು ಅನುಷ್ಕಾ ಅಭಿಮಾನಿಗಳು ಕೇಳಿಕೊಳ್ಳುತ್ತಿದ್ದಾರೆ.