Naga Chaitanya: ಸಮಂತಾ ಮೊದಲು ನಾಗ ಚೈತನ್ಯ ಇವರನ್ನು ಲವ್ ಮಾಡ್ತಿದ್ರಂತೆ, ಕಾಲೇಜ್​ ಲವ್​ ಸ್ಟೋರಿ ಬಿಚ್ಚಿಟ್ಟ ನಟ!

ಟಾಲಿವುಡ್ ನ ಮೋಸ್ಟ್ ಬ್ಯೂಟಿಫುಲ್ ಕಪಲ್ ಎಂದೇ ಖ್ಯಾತಿ ಪಡೆದಿರುವ ಚೈ-ಸ್ಯಾಮ್ ಜೋಡಿ ಅನಿರೀಕ್ಷಿತವಾಗಿ ಬೇರ್ಪಟ್ಟು ಎಲ್ಲರಲ್ಲೂ ಅಚ್ಚರಿ ಮೂಡಿಸಿದ್ದರು. ಅಂದಿನಿಂದ ಇವರಿಬ್ಬರ ಬಗ್ಗೆ ಸಾಕಷ್ಟು ಸುದ್ದಿಗಳು ವೈರಲ್ ಆಗುತ್ತಿವೆ. ಯಾವುದು ಸತ್ಯ, ಯಾವುದು ಸುಳ್ಳು ಎಂಬ ಗೊಂದಲಗಳು ಸಹ ಹುಟ್ಟಿಕೊಂಡಿವೆ.

ಈ ನಿಟ್ಟಿನಲ್ಲಿ ಇತ್ತೀಚೆಗೆ ನಾಗ ಚೈತನ್ಯ ಮಾಡಿರುವ ಕೆಲವು ಕಾಮೆಂಟ್ಗಳು ಜನಸಾಮಾನ್ಯರಲ್ಲಿ ಅನುಮಾನ ಹುಟ್ಟಿಸುತ್ತಿವೆ. ಸಮಂತಾಳನ್ನು ಪ್ರೀತಿಸಿ ಮದುವೆಯಾದ ಚೈತು ಕಾಲೇಜು ದಿನಗಳಲ್ಲಿ ನನಗೆ ಮತ್ತೊಂದು ಲವ್ ಸ್ಟೋರಿ ಇತ್ತು ಎಂದು ಹೇಳಿದ್ದು ಜನರಲ್ಲಿ ಹಾಟ್ ಟಾಪಿಕ್ ಆಗಿತ್ತು.

ಸಮಂತಾಳನ್ನು ಪ್ರೀತಿಸಿ, ಹಿರಿಯರ ಮನವೊಲಿಸಿ ಮದುವೆಯಾದ ನಾಗ ಚೈತನ್ಯ ಆಕೆಯೊಂದಿಗೆ ಕೇವಲ ನಾಲ್ಕು ವರ್ಷ ಸಂಸಾರ ನಡೆಸಿ ಆ ಬಾಂಧವ್ಯಕ್ಕೆ ಪೂರ್ಣವಿರಾಮ ಹಾಕಿದ್ದರು. ಅಂದಿನಿಂದ ಎಲ್ಲರ ಕಣ್ಣು ಅವರ ಲವ್ ಸ್ಟೋರಿಗಳ ಮೇಲಿತ್ತು. ಈ ಹಿನ್ನೆಲೆಯಲ್ಲಿ ಇತ್ತೀಚಿನ ಕೆಲವು ಕಾಮೆಂಟ್ಗಳು ವೈರಲ್ ಆಗುತ್ತಿವೆ.

ನಾಗ ಚೈತನ್ಯ ಅವರ ಇತ್ತೀಚಿನ ಚಿತ್ರ ಥ್ಯಾಂಕ್ಯೂ ಬಿಡುಗಡೆಗೆ ಸಿದ್ಧವಾಗುತ್ತಿದ್ದು ಪ್ರಚಾರ ಕಾರ್ಯದಲ್ಲಿ ಬ್ಯುಸಿ ಇದ್ದಾರೆ. ಹೈದರಾಬಾದ್ ನ ಮಲ್ಲಾರೆಡ್ಡಿ ಕಾಲೇಜಿನಲ್ಲಿ ಹಾಡೊಂದನ್ನು ಬಿಡುಗಡೆ ಮಾಡಲಾಯಿತು. ಈ ಸಂದರ್ಭದಲ್ಲಿ ಮಾತನಾಡಿದ ನಾಗ ಚೈತನ್ಯ ತಮ್ಮ ಕಾಲೇಜ್ ಲವ್ ಸ್ಟೋರಿ ಬಗ್ಗೆ ಮಾತನಾಡಿದ್ದರು.

ಆ ಕಾಲೇಜ್ ದಿನಗಳನ್ನು ಎಂಜಾಯ್ ಮಾಡಿದ ಬಗೆ ಅಂದಿನ ಪ್ರೇಮ ಪ್ರಕರಣಗಳಂತಹ ಹಲವು ಕುತೂಹಲಕಾರಿ ವಿಷಯಗಳನ್ನು ಹಂಚಿಕೊಂಡಿದ್ದಾರೆ ನಾಗ ಚೈತನ್ಯ. ಈ ಮೂಲಕ ಅಭಿಮಾನಿಗಳಲ್ಲಿ ಹಲವಾರು ಪ್ರಶ್ನೆಗಳನ್ನು ಹುಟ್ಟಿ ಹಾಕಿದ್ದಾರೆ.

ಪ್ರತಿ ಬಾರಿ ಕಾಲೇಜಿನ ಕಾರ್ಯಕ್ರಮಕ್ಕೆ ಬಂದಾಗಲೂ ಹೊಟ್ಟೆಕಿಚ್ಚು ಪಡುತ್ತೇನೆ ಎಂದಿರುವ ನಾಗ ಚೈತನ್ಯ. ಕಾಲೇಜಿಗೆ ಬಂದಾಗಲೆಲ್ಲ ಕಾಲೇಜು ಜೀವನ ನೆನಪಾಗುತ್ತದೆ ಎಂದು ಹಳೆಯ ದಿನಗಳನ್ನು ಮೆಲುಕು ಹಾಕಿದ್ದಾರೆ.

ಆ ಸಮಯದಲ್ಲಿ ಹಾಗಾದರೆ ಅವನ ಜೀವನ ಯಾವಾಗ ಪ್ರಾರಂಭವಾಗಬೇಕು? ಕೆರಿಯರ್ ಶುರು ಮಾಡುವುದು ಹೇಗೆ. ಮನೆಯಲ್ಲಿ ಕಾಲೇಜು ಲವ್ ಸ್ಟೋರಿ ಹೇಳಿದರೆ ಹೇಗಿರುತ್ತದೆ? ಹೀಗೆಲ್ಲಾ ವಿಭಿನ್ನ ವಿಚಾರಗಳು ತಲೆಯಲ್ಲಿ ಬರುತ್ತಿದ್ದವು ಎಂದು ತಮ್ಮ ಕಾಲೇಜು ದಿನಗಳನ್ನು ನೆನಪಿಸಿಕೊಂಡಿದ್ದಾರೆ.

ಜನರಲ್ಲಿ ಒಮ್ಮೆಲೇ ಅನುಮಾನ ಶುರುವಾಗಿದೆ. ಅದೇನೆಂದರೆ, ಸಮಂತಾಗಿಂತ ಮೊದಲು ನಾಗ ಚೈತನ್ಯಗೆ ಬೇರೆ ಲವ್ ಇತ್ತು ಎಂಬ ಚರ್ಚೆಗಳು ಶುರುವಾಗಿವೆ. ಒಟ್ಟಾರೆಯಾಗಿ ಸಮಂತಾ ಹಾಗೂ ನಾಗ ಚೈತನ್ಯ ಏನೇ ಹೇಳಿದರೂ ಸುದ್ದಿಯಾಗುತ್ತಿದೆ.