Allu Ramesh: ಖ್ಯಾತ ಹಾಸ್ಯ ನಟ ಅಲ್ಲು ರಮೇಶ್ ಇನ್ನಿಲ್ಲ

ತೆಲುಗು ಚಿತ್ರರಂಗದ ಖ್ಯಾತ ನಟ ಅಲ್ಲು ರಮೇಶ್ ಅವರು ಮೃತಪಟ್ಟಿದ್ದಾರೆ. ತೆಲುಗಿನ ಖ್ಯಾತ ನಟ, ಹಾಸ್ಯ ಕಲಾವಿದ ಅಲ್ಲು ರಮೇಶ್ ಅವರು ಮಂಗಳವಾರ ಸಂಜೆ ಅವರ ಊರು ವಿಶಾಖಪಟ್ಟಣಂನಲ್ಲಿ ಮೃತಪಟ್ಟಿದ್ದಾರೆ. ನಟನಿಗೆ 52 ವರ್ಷ ವಯಸ್ಸಾಗಿತ್ತು.

ಸಿನಿಮಾ ನಿರ್ದೇಶಕ ಆನಂದ್ ರವಿ ಅವರು ಸೋಷಿಯಲ್ ಮೀಡಿಯಾದಲ್ಲಿ ಸಡನ್ ಆಗಿ ಪೋಸ್ಟ್ ಹಾಕಿದ್ದ ಖ್ಯಾತ ಹಾಸ್ಯ ನಟ ನಿಧನರಾದ ಸುದ್ದಿಯನ್ನು ತಿಳಿಸಿದ್ದಾರೆ.

ರಮೇಶ್ ಅವರು ಮೊದಲು ರಂಗಭೂಮಿಯಿಂದ ನಟನೆ ಶುರು ಮಾಡಿದರು. ಚಿರುಜಲ್ಲು ಸಿನಿಮಾದ ಮೂಲಕ ಅವರು ಟಾಲಿವುಡ್​ಗೆ ಎಂಟ್ರಿ ಕೊಟ್ಟರು. ತೊಲು ಬೊಮ್ಮಲಾಟ, ಮಥುರಾ ವೈನ್ಸ್, ವೀದಿ, ಬ್ಲೇಡ್ ಬಾಬ್ಜಿ, ನೆಪೊಲೀಯನ್ ಸಿನಿಮಾದಲ್ಲಿ ನಟಿಸಿದ್ದರು. ಕೊನೆಯಬಾರಿಗೆ ಅನುಕೊನಿ ಪ್ರಣಯಂ ಸಿನಿಮಾದಲ್ಲಿ ನಟಿಸಿದ್ದರು.

ನಟ ಮಾ ವಿದಕು ಎನ್ನುವ ವೆಬ್ ಸಿರೀಸ್​ನಲ್ಲಿಯೂ ನಟಿಸಿದ್ದರು. ಚಿಕ್ಕ ಪುಟ್ಟ ರೋಲ್ ಮಾಡುತ್ತಿದ್ದರೂ ತಮ್ಮ ಅಭಿನಯದಿಂದ ಅಪಾರ ಅಭಿಮಾನಿಗಳನ್ನು ಗಳಿಸಿದ್ದಾರೆ ನಟ.

ತಮ್ಮ ಅಭಿನಯದಿಂದ ಅಪಾರ ಅಭಿಮಾನಿಗಳನ್ನು ಗಳಿಸಿರುವ ನಟನ ಅಗಲಿಕೆ ಅಭಿಮಾನಿಗಳು ಸಂತಾಪ ವ್ಯಕ್ತಪಡಿಸಿದ್ದಾರೆ.

ನಟ ಅಲ್ಲು ರಮೇಶ್ ಅವರು ಸಣ್ಣಪುಟ್ಟ ರೋಲ್ ಮಾಡಿ ಪ್ರೇಕ್ಷಕರನ್ನು ರಂಜಿಸುತ್ತಿದ್ದರು. ನಟನ ಸಾವಿನ ಕುರಿತು ನೆಟ್ಟಿಗರು ಸಂತಾಪ ವ್ಯಕ್ತಪಡಿಸಿದ್ದಾರೆ.

ಇತ್ತೀಚಿನ ವರ್ಷಗಳಲ್ಲಿ ಯುವ ನಟರೂ ಕೂಡಾ ಹೃದಯಾಘಾತದಿಂದ ಮೃತಪಟ್ಟ ಘಟನೆ ನಡೆದಿದೆ. ಚಿಕ್ಕ ವಯಸ್ಸಿನವರೂ ಹೃದಯಾಘಾತದಿಂದ ನಿಧನರಾಗುತ್ತಿದ್ದಾರೆ.