HBD Thalapathy Vijay: ಕಾಲಿವುಡ್​ನ ‘ಮಾಸ್ಟರ್​‘ಗೆ ಜನ್ಮದಿನದ ಸಂಭ್ರಮ, ಸಿನಿರಂಗದಲ್ಲಿ ಹೀಗಿದೆ ನೋಡಿ ದಳಪತಿ ಆರ್ಭಟ

ತಮಿಳಿನ ಸೂಪರ್ ಸ್ಟಾರ್​ ದಳಪತಿ ವಿಜಯ್ ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ. ಸಾಲು ಸಾಲು ಹಿಟ್ ಚಿತ್ರಗಳನ್ನು ನೀಡುತ್ತಿರುವ ಅವರಿಗೆ ಇಂದು 48ನೇ ಜನ್ಮದಿನದ ಸಂಭ್ರಮದಲ್ಲಿದ್ದಾರೆ. ಈ ವೇಳೆ ಅವರ ಅಭಿಮಾನಿಗಳು  CDP ಬಳಸಿಕೊಂಡು ಟ್ವಿಟರ್​ನಲ್ಲಿ ಟ್ರೆಂಡ್​ ಮಾಡುತ್ತಿದ್ದಾರೆ. ಅಲ್ಲದೇ ಈ ಪೋಟೋವನ್ನು ನಟಿ ಪೂಜಾ ಹೆಗ್ಡೆ ಹಂಚಿಕೊಂಡಿದ್ದು, ಅಡ್ವಾನ್ಸ್ ಆಗಿ ತಳಪತಿಗೆ ಬರ್ತಡೇ ವಿಶ್ ಮಾಡಿದ್ದಾರೆ.

ಜೋಸೆಫ್ ವಿಜಯ್ ಚಂದ್ರಶೇಖರ್ ಆದರೆ ವೃತ್ತಿಪರವಾಗಿ ವಿಜಯ್ ಎಂದು ಕರೆಯಲಾ್ಗುತ್ತದೆ. ತಳಪತಿ ಎಂದೇ ಚಿತ್ರರಂಗದಲ್ಲಿ ಪ್ರಸಿದ್ದರಾದ ಇವರು 22 ಜೂನ್ 1974ರಲ್ಲಿ ತಮಿಳುನಾಡಿನ ಚೆನ್ನೈನಲ್ಲಿ ಜನಿಸಿದರು. ತಂದೆ ಎಸ್‌ಎ ಚಂದ್ರಶೇಖರ್ ತಮಿಳು ಚಲನಚಿತ್ರ ನಿರ್ದೇಶಕರು ಮತ್ತು ಅವರ ತಾಯಿ ಶೋಬಾ ಚಂದ್ರಶೇಖರ್ ಹಿನ್ನೆಲೆ ಗಾಯಕಿಯಾಗಿದ್ದರು.

ಇನ್ನು, 10 ನೇ ವಯಸ್ಸಿನಲ್ಲಿ, ವಿಜಯ್ ತಮ್ಮ ಚಲನಚಿತ್ರ ವೃತ್ತಿಜೀವನವನ್ನು ವೆಟ್ರಿ (1984) ಚಿತ್ರದ ಮೂಲಕ ಬಾಲ ನಟನಾಗಿ ಆರಂಭಿಸಿದರು. ನಂತರದಲ್ಲಿ ಕುಟುಂಬ (1984), ವಸಂತ ರಾಗಂ (1986), ಸತ್ತಂ ಒರು ವಿಲಾಯಾಟ್ಟು (1987) ಚಿತ್ರಗಳಲ್ಲಿ ಬಾಲ ನಟನಾಗಿ ಅಭಿನಯಿಸಿದರು.

ಆದರೆ ಇದೀಗ ತಮಿಳಿನ ಸೂಪರ್ ಸ್ಟಾರ್ ಆಗಿ ಮಿಂಚುತ್ತಿರುವ ವಿಜಯ್ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಅವರ ಬರ್ತಡೇ ಸಲುವಾಗಿ ಅವರ ಮುಂದಿನ ಚಿತ್ರದ ಹೆಸರನ್ನು ಚಿತ್ರತಂಡ ರಿವೀಲ್ ಮಾಡಿದೆ. ‘ವಾರಿಸು‘ ಎಂಬ ಹೆಸರಿನಲ್ಲಿ ವಿಜಯ್ ಮುಂದಿನ ಚಿತ್ರ ಬರಲಿದ್ದು, ಸಿನಿಮಾದ ಹೊಸ ಪೋಸ್ಟರ್ ಒಂದನ್ನು ಬಿಡುಗಡೆ ಮಾಡಲಾಗಿದೆ.

1990 ರ ದಶಕದ ಮಧ್ಯಭಾಗದಲ್ಲಿ ವಿಜಯ್ ಪೂರ್ಣ ಪ್ರಮಾಣದ ಹೀರೋ ಆಗಿ ಗುರುತಿಸಿಕೊಂಡರು. ನಂತರದಲ್ಲಿ ಅನೇಕ ಹಿಟ್ ಚಿತ್ರಗಳನ್ನು ನೀಡಿದ ಅವರಿಗೆ, ರಸಿಗನ್ ಚಿತ್ರದ ನಂತರ ಅವರಿಗೆ ದಳಪತಿ ಎಂಬ ಬಿರುದು ದೊರಕಿತು.

ಇನ್ನು, ವಿಜಯ್ ಅವರು ತಮ್ಮ ಸಂಗೀತಾ ಸೋರ್ನಲಿಂಗಂ ಅವರೊಂದಿಗೆ 25 ಆಗಸ್ಟ್ 1999ರಲ್ಲಿ ವಿವಾಹವಾಗುವ ಮೂಲಕ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಇವರಿಗೆ ಇಬ್ಬರು ಮಕ್ಕಳಿದ್ದು, ಒಬ್ಬ ಮಗ ಜೇಸನ್ ಸಂಜಯ್ 2000 ರಲ್ಲಿ ಮತ್ತು ಮಗಳು ದಿವ್ಯಾ ಶಶಾ 2005 ರಲ್ಲಿ ಜನಿಸಿದರು.

ಇನ್ನು, ವಿಜಯ್ ಬೀಸ್ಟ್, ಮರ್ಸೆಲ್, ಮಾಸ್ಟರ್​, ಥೇರಿ, ಸರ್ಕಾರ್, ಪುಲಿ, ಕತ್ತಿ, ಭೈರವಾ, ಖುಷಿ, ಸುರ, ಪ್ರೆಂಡ್ಸ್ ಸೇರಿದಂತೆ 50ಕ್ಕೂ ಹೆಚ್ಚಿನ ಚಿತ್ರಗಳಲ್ಲಿ ನಟಿಸಿದ್ದಾರೆ, ತಳಪತಿ ವಿಜಯ್ ಅವರಿಗೆ ಜನ್ಮದಿನದ ಶುಭಾಷಯಗಳು.