Parvathamma Rajkumar Birthday: ಇಂದು ದೊಡ್ಮನೆ ಅಮ್ಮನ ಜನ್ಮ ದಿನ, ಪಾರ್ವತಮ್ಮ ಕುರಿತಾದ ಒಂದಷ್ಟು ಇಂಟರೆಸ್ಟಿಂಗ್ ವಿಚಾರಗಳು!

ಇಂದು ದೊಡ್ಮನೆ ಅಮ್ಮ ಪಾರ್ವತಮ್ಮ ರಾಜಕುಮಾರ್ ಅವರ ಹುಟ್ಟಿದ ದಿನ. ಇಂದು ಅವರು ನಮ್ಮೊಂದಿಗೆಇದ್ದಿದ್ರೇ, 83 ನೇ ವರ್ಷದ ಜನ್ಮ ದಿನ ಆಚರಿಸಿಕೊಳ್ಳುತ್ತಿದ್ದರು.

ಪಾರ್ವತಮ್ಮ ರಾಜಕುಮಾರ್ 1939 ರಲ್ಲಿ ಮೈಸೂರು ರಾಜ್ಯದ ಸಾಲಿಗ್ರಾಮದಲ್ಲಿ ಹುಟ್ಟಿದರು. ಅವರು ತಮ್ಮ ಜೀವನದಲ್ಲಿ ಕಷ್ಟ ಮತ್ತು ಸುಃಖ ಎರಡನ್ನೂ ಕಂಡು ಮೇಲೆ ಬಂದವರು.

ಪಾರ್ತವಮ್ಮ ರಾಜಕುಮಾರ್ ಅವಿಭಕ್ತ ಕುಟುಂಬದಲ್ಲಿಯೇ ಬೆಳೆದವರು. ಡಾಕ್ಟರ್ ರಾಜಕುಮಾರ್ ಮನೆಯೂ ದೊಡ್ಡ ಫ್ಯಾಮಿಲಿನೇ ಆಗಿತ್ತು. ಮುಂದೆ ಡಾಕ್ಟರ್ ರಾಜ್ ಬೆಳವಣಿಗೆಗೆ ನೆರವಾಗುತ್ತಲೇ ಇದ್ದವರು.

ಡಾಕ್ಟರ್ ರಾಜಕುಮಾರ್ ಮೊದಲೆಲ್ಲ ಬೇರೆ ನಿರ್ಮಾಪಕರ ಸಿನಿಮಾಗಳಿಗೆ ಕೆಲಸ ಮಾಡುತ್ತಿದ್ದರು. ಆದರೆ ಯಾವಾಗ ಸಿನಿಮಾಗಳು ಸೋಲ್ತಿವೆ ಎಂದು ಪಾರ್ವತಮ್ಮ ರಾಜಕುಮಾರ್ ಮುಂದೆ ನಿರ್ಮಾಪಕರು ಹೇಳಿದರೋ ಆಗಲೇ ಪಾರ್ವತಮ್ಮ ರಾಜಕುಮಾರ್ ಒಂದು ನಿರ್ಧಾರ ತೆಗೆದುಕೊಂಡರು

ಶ್ರೀವಜ್ರೇಶ್ವರಿ ಕಂಬೈನ್ಸ್ ಮತ್ತು ಪೂರ್ಣಿಮಾ ಎಂಟರಪ್ರೈಸಸ್​ನ್ನು ಪಾರ್ವತಮ್ಮ ಹುಟ್ಟು ಹಾಕಿದರು. ಈ ಸಂಸ್ಥೆ ಮೂಲಕವೇ ಪಾರ್ವತಮ್ಮ ರಾಜಕುಮಾರ್ ಸಿನಿಮಾ ನಿರ್ಮಿಸಲು ಆರಂಭಿಸಿದರು.

ರಾಜ್ ಫ್ಯಾಮಿಲಿಯ ನಿರ್ಮಾಣ ಸಂಸ್ಥೆಯಿಂದ ತ್ರಿಮೂರ್ತಿ ಸಿನಿಮಾ ನಿರ್ಮಾಣಗೊಂಡಿತು. ಈ ಸಿನಿಮಾ ಬಿಗ್ ಹಿಟ್ ಆಯಿತು. ಅಂದಿನಿಂದ ರಾಜ್ ಫ್ಯಾಮಿಲಿಯ ಈ ಸಂಸ್ಥೆಯಿಂದಲೇ ರಾಜ್ ಸಿನಿಮಾಗಳು ನಿರ್ಮಾಣಗೊಳ್ಳುತ್ತಿದ್ದವು.

ರಾಜ್ ಕುಮಾರ್ ಸಿನಿ ಜರ್ನಿಯಲ್ಲಿ ಯಶಸ್ವಿ ಪಯಣದಲ್ಲಿ ಪಾರ್ವತಮ್ಮನವರ ಪಾಲು ಬಹು ದೊಡ್ಡಮಟ್ಟದಲ್ಲಿಯೇ ಇದೆ. ಇವರ ಒಂದೊಂದು ಯೋಚನೆನೂ ಡಾಕ್ಟರ್ ರಾಜ್ ಅವರ ಪಯಣವನ್ನ ಸುಗಮಗೊಳಿಸಿವೆ.

ಡಾಕ್ಟರ್ ರಾಜಕುಮಾರ್ ಸಿನಿ ಜರ್ನಿಯಲ್ಲಿ ಬಂದ ತ್ರಿಮೂರ್ತಿ, ಹಾಲು ಜೇನು, ಕವಿರತ್ನ ಕಾಳಿದಾಸ ಸಿನಿಮಾಗಳು ಬಿಗ್ ಸಕ್ಸಸ್ ಆಗಿವೆ. ಹಾಗೆ ಕಾದಂಬರಿ ಓದುವ ಹವ್ಯಾಸ ಹೊಂದಿದ್ದ ಪಾರ್ವತಮ್ಮ ರಾಜಕುಮಾರ್, ಸಿನಿಮಾ ಕಥೆಗಳನ್ನ ಕೇಳಿ ತಮ್ಮ ಅಭಿಪ್ರಾಯವನ್ನೂ ವ್ಯಕ್ತಪಡಿಸುತ್ತಿದ್ದರು.

ಕನ್ನಡ ಚಿತ್ರರಂಗದಲ್ಲಿ ದೊಡ್ಮನೆ ಅಮ್ಮ ಅಂತಲೇ ಗುರುತಿಸಿಕೊಂಡ ಪಾರ್ವತಮ್ಮ ರಾಜಕುಮಾರ್, ಸುಮಾರು 80 ಚಿತ್ರಗಳನ್ನ ನಿರ್ಮಿಸಿದ್ದಾರೆ. ತಮ್ಮ ಮೂವರು ಮಕ್ಕಳನ್ನೂ ಸ್ಟಾರ್ ಮಾಡಿದ ಖ್ಯಾತಿನೂ ಪಾರ್ವತಮ್ಮನಿಗೆ ಸಲ್ಲುತ್ತದೆ.

ಡಾಕ್ಟರ್ ರಾಜಕುಮಾರ್ ರೀತಿನೇ ಮಕ್ಕಳ ವಿಷಯದಲ್ಲೂ ಪಾರ್ವತಮ್ಮ ರಾಜಕುಮಾರ್ ಒಳ್ಳೆ ಕಥೆಗಳನ್ನ ಆಯ್ಕೆ ಮಾಡುತ್ತಿದ್ದರು. ಈ ಹಿನ್ನೆಲೆಯಲ್ಲಿ ಶಿವರಾಜಕುಮಾರ್ ಅವರಿಗಾಗಿ ಆನಂದ್, ಓಂ, ಜನುಮದ ಜೋಡಿ ಸಿನಿಮಾ ಮಾಡಿದರು. ರಾಘವೇಂದ್ರ ರಾಜಕುಮಾರ್ ಅವರಿಗಾಗಿ ನಂಜುಂಡಿ ಕಲ್ಯಾಣದಂತ ಚಿತ್ರ ಕೊಟ್ಟರು. ಅಪ್ಪುಗಾಗಿ ಅಪ್ಪು, ಅಭಿ, ಹುಡುಗರು ಇಂತಹ ಸಿನಿಮಾಗಳು ಬಂದವು. ಹೀಗೆ ಪಾರ್ವತಮ್ಮ ರಾಜಕುಮಾರ್, ರಾಜ್ ಫ್ಯಾಮಿಲಿಯ ಸರ್ವತೋಮುಖ ಅಭಿವೃದ್ಧಿಗೆ ಸದಾ ಬೆನ್ನೆಲುಬಾಗಿಯೇ ಇದ್ದವರು. ಈಗ ಅವರಿಲ್ಲ ಅನ್ನೋ ನೋವು ಮನೆ ಮಂದಿಯನ್ನ ಕಾಡುತ್ತಲೇ ಇರುತ್ತದೆ.