HBD Ranveer Singh: 37ರ ಹರೆಯಕ್ಕೆ ಕಾಲಿಟ್ಟ ಗಲ್ಲಿಬಾಯ್, ಈ ಬಾರಿಯಾದ್ರೂ ಗುಡ್‌ ನ್ಯೂಸ್‌ ಕೊಡ್ತಾರಾ ರಣ್‌ವೀರ್-ದೀಪಿಕಾ?

ಇಂದು ಬಾಲಿವುಡ್ ಕ್ರೇಜಿ ಹೀರೋ ರಣವೀರ್ ಸಿಂಗ್ ಅವರ ಜನ್ಮದಿನ. 37ನೇ ವಸಂತಕ್ಕೆ ಕಾಲಿಟ್ಟ ರಣವೀರ್ ಸಿಂಗ್, ತಮ್ಮ ವಿಭಿನ್ನ ಮ್ಯಾನರಿಸಂನಿಂದಾಗಿಯೇ ಹೆಚ್ಚು ಸುದ್ದಿಯಲ್ಲಿರುತ್ತಾರೆ. ಅಲ್ಲದೇ ತಮ್ಮ ವಿಶಿಷ್ಟ ಸಿನಿಮಾಗಳ ಮೂಲಕವೂ ಹೆಚ್ಚು ಖ್ಯಾತಿ ಪಡೆದುಕೊಂಡಿದ್ದಾರೆ.

ರಣವೀರ್ ಸಿಂಗ್ ಭಾವನಾನಿ ಅವರು 6 ಜುಲೈ 1985ರಂದು ಜನಿಸಿದರು. ಬಾಂಬೆಯಲ್ಲಿ ಈಗ ಮುಂಬೈ ಸಿಂಧಿ ಹಿಂದೂ ಕುಟುಂಬದಲ್ಲಿ ಅಂಜು ಮತ್ತು ಜಗಜಿತ್ ಸಿಂಗ್ ಭಾವನಾನಿ ದಂಪತಿಗೆ ಜನಿಸಿದರು.ಅವರಿಗೆ ರಿತಿಕಾ ಭಾವನಾನಿ ಎಂಬ ಅಕ್ಕ ಇದ್ದಾರೆ. ರಣವೀರ್​ ಮುಂಬೈನ HR ಕಾಲೇಜ್ ಆಫ್ ಕಾಮರ್ಸ್ ನಲ್ಲಿ ವಿಧ್ಯಾಭ್ಯಾಸ ಮಾಡಿದ್ದಾರೆ.

2010 ರಲ್ಲಿ, ನಿರ್ಮಾಣ ಕಂಪನಿ ಯಶ್ ರಾಜ್ ಫಿಲ್ಮ್ಸ್‌ನ ರೊಮ್ಯಾಂಟಿಕ್ ಹಾಸ್ಯ ಚಿತ್ರವಾದ ಮನೀಶ್ ಶರ್ಮಾ ಅವರ ಬ್ಯಾಂಡ್ ಬಾಜಾ ಬಾರಾತ್‌ ಮೂಲಕ ರಣವೀರ್​ ಸಿಂಗ್​ ಬಾಲಿವುಡ್​ಗೆ ಪಾದಾರ್ಪಣೆ ಮಾಡಿದರು. ವಾರ್ಷಿಕ ಫಿಲ್ಮ್‌ಫೇರ್ ಪ್ರಶಸ್ತಿಗಳಲ್ಲಿ ಸಿಂಗ್ ಅತ್ಯುತ್ತಮ ಪುರುಷ ಚೊಚ್ಚಲ ಪ್ರಶಸ್ತಿಯನ್ನು ಗೆದ್ದರು .

ಅಕ್ಟೋಬರ್ 2018 ರಲ್ಲಿ ರಣವೀರ್​ ಸಿಂಗ್​ ಮತ್ತು ಬಾಲಿವುಡ್​ ನಟಿ ದೀಪಿಕಾ ಪಡುಕೋಣೆ ವಿವಾಹವಾಗುವ ಮೂಲಕ ಇಬ್ಬರೂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಸದ್ಯ ಈ ಜೋಡಿ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.

ರಣವೀರ್ ಸಿಂಗ್​ ಅವರು ಕಬೀರ್ ಖಾನ್​ ನಿರ್ದೇಶನದ 83 ಸಿನಿಮಾದಲ್ಲಿ ನಟಿಸಿದ್ದಾರೆ. ಇದರ ಜೊತೆಗೆ ರೋಹಿತ್ ಶೆಟ್ಟಿಯ ಸರ್ಕಸ್​, ದಿವ್ಯಾಂಗ್​ ಟಕ್ಕರ್​ ನಿರ್ದೇಶನದ ಜಯೇಶ್​ಭಾಯ್​ ಜೋರ್ದಾರ್​ ಚಿತ್ರದಲ್ಲೂ ಅಭಿನಯಿಸಿದ್ದಾರೆ.

ನಟ ರಣವೀರ್​ ಸಿಂಗ್​ ತಮ್ಮ ಹಾಸ್ಯ, ಉತ್ಸಾಹಭರಿತ ವರ್ತನೆ ಹಾಗೂ ಫಂಕಿ ಸ್ಟೈಲ್​ಗೆ ಹೆಸರಾದವರು. ರಣವೀರ್​ ಸಿಂಗ್​ ಸ್ಟೈಲ್​ನಿಂದಾಗಿಯೇ ತುಂಬಾ ಮಂದಿ ಅವರನ್ನು ಇಷ್ಟ ಪಡುತ್ತಾರೆ.ರಣವೀರ್​ ಸಿಂಗ್​ ಮಾಡುವ ಫಂಕಿ ಸ್ಟೈಲ್​ನ ಚಿತ್ರಗಳು ಆಗಾಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಲೇ ಇರುತ್ತವೆ.

ರಣವೀರ್​ ಸಿಂಗ್​ ಈವರೆಗೆ ಬಾಲಿವುಡ್​ನಲ್ಲಿ ಅನೇಕ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಸ್ಟಾರ್​ ನಟರ ಪಟ್ಟಿಯಲ್ಲಿ ಟಾಫ್​ ಲಿಸ್ಟ್ ನಲ್ಲಿ ಇದ್ದಾರೆ. ಅವರು, 83, ಪಧ್ಮಾವತ್, ಬಾಜಿರಾವ್ ಮಸ್ತಾನಿ, ಸಿಂಬಾ, ರಾಮ್​ಲೀಲಾ, ಗಲ್ಲಿಬಾಯ್ ಸೇರಿದಂತೆ ಭರ್ಜರಿ ಹಿಟ್​ ಚಿತ್ರಗಳನ್ನು ನೀಡಿದ್ದಾರೆ. ರಣವೀರ್ ಸಿಂಗ್​ಗೆ ನ್ಯೂಸ್ ​18 ಕನ್ನಡದಿಂದ ಹುಟ್ಟುಹಬ್ಬದ ಶುಭಾಷಯಗಳು.