HBD Shilpa Shetty: ಕುಡ್ಲದ ಬೆಡಗಿಗೆ ಜಸ್ಟ್ 47 ವರ್ಷವಂತೆ! ಈಕೆ ಕಡೆದಿಟ್ಟ ಶಿಲ್ಪವೋ, ಯೋಗಕನ್ನಿಕೆಯೋ?

ಕರಾವಳಿಯ ಬೆಡಗಿ ಶಿಲ್ಪಾ ಶೆಟ್ಟಿ ಬಾಲಿವುಡ್​ನಲ್ಲಿ ಮಿಂಚಿದ ಚೆಲುವೆ. 1993ರಲ್ಲಿ ಶಾರುಖ್ ಖಾನ್​ಗೆ ನಾಯಕಿಯಾಗಿ ಬಾಜಿಗರ್ ಮೂಲಕ ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟ ಕನ್ನಡತಿ, 90ರ ದಶಕದಲ್ಲಿ ಬಾಲಿವುಡ್​ನಲ್ಲಿ ಟಾಫ್ ನಟಿಯರ ಸಾಲಿನಲ್ಲಿ ನಿಂತಿದ್ದರು. ಆದರೆ ಈ ಕನ್ನಡದ ಬೆಡಗಿಯನ್ನು ಕನ್ನಡಕ್ಕೆ ಕರೆ ತಂದಿದ್ದು ಕ್ರೇಜಿಸ್ಟಾರ್ ರವಿಚಂದ್ರನ್. ಈ ಕರಾವಳಿ ಬೆಡಗಿಗೆ ಇಂದು ಜನ್ಮದಿನದ ಸಂಭ್ರಮ

ಶಿಲ್ಪ ಶೆಟ್ಟಿ ಅವರು ಮಹಾರಾಷ್ಟ್ರದ ಮುಂಬೈನಲ್ಲಿ ತುಳು ಬಂಟ್ ಕುಟುಂಬದಲ್ಲಿ ತಾಯಿ ಸುನಂದಾ ಮತ್ತು ದಿವಂಗತ ತಂದೆ ಸುರೇಂದ್ರ ಶೆಟ್ಟಿ ಅವರ ಪುತ್ರಿಯಾಗಿ 8 ಜೂನ್ 1975ರಂದು ಜನಿಸಿದರು. ಮಂಗಳೂರು ಮೂಲದವರಾಗಿದ್ದು, ಶಿಲ್ಪಾ ಮೂಲತಃ ಕರಾವಳಿಯ ಬೆಡಗಿಯಾಗಿದ್ದರೂ ಬಾಲಿವುಡ್​ನಲ್ಲಿ ಮಿಂಚುಹರಿಸಿದ್ದಾರೆ. ಶಮಿತಾ ಶೆಟ್ಟಿ ಅವರ ಕಿರಿಯ ಸಹೋದರಿ.

ಶೆಟ್ಟಿ ಅವರು ಥ್ರಿಲ್ಲರ್ ಬಾಜಿಗರ್ (1993) ನಲ್ಲಿ ತೆರೆಗೆ ಪಾದಾರ್ಪಣೆ ಮಾಡಿದರು, ಇದು ಅವರ ಎರಡು ಫಿಲ್ಮ್‌ಫೇರ್ ಪ್ರಶಸ್ತಿ ನಾಮನಿರ್ದೇಶನಗಳನ್ನು ಗಳಿಸಿತು.

ಹಿಂದಿ, ಕನ್ನಡ, ತಮಿಳು, ತೆಲುಗು ಚಿತ್ರರಂಗದಲ್ಲಿ ಹಿಟ್ ಸಿನಿಮಾಗಳನ್ನು ನೀಡಿದ್ದ ಶಿಲ್ಪಾ ಶೆಟ್ಟಿ ಮದುವೆ ಬಳಿಕ ಸಿನಿರಂಗದಿಂದ ದೂರ ಉಳಿದರು. ಶಿಲ್ಪಾ ಶೆಟ್ಟಿ ಉದ್ಯಮಿ ರಾಜ್​ ಕುಂದ್ರಾ ಅವರನ್ನು ವಿವಾಹವಾಗಿದ್ದಾರೆ.

ಈಗಲೂ ತಮ್ಮ ಮಾದಕ ಮೈಮಾಟವನ್ನು ಉಳಿಸಿಕೊಂಡಿರುವ ಕರಾವಳಿ ಚೆಲುವೆ ಯೋಗಾ ಮತ್ತು ಅಡುಗೆ ಕಾರ್ಯಕ್ರಮ ಹಾಗೂ ರಿಯಾಲಿಟಿ ಶೋ ಜಡ್ಜ್​ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅಂದಹಾಗೆ ಇಂದು ಶಿಲ್ಪಾ ಶೆಟ್ಟಿ ಅವರು 47ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ.

1998ರಲ್ಲಿ ರವಿಚಂದ್ರನ್ ನಿರ್ದೇಶಿಸಿ, ನಟಿಸಿದ್ದ ಪ್ರೀತ್ಸೋದ್ ತಪ್ಪಾ ಚಿತ್ರದ ಮೂಲಕ ಶಿಲ್ಪಾ ಶೆಟ್ಟಿ ಸ್ಯಾಂಡಲ್​ವುಡ್​ಗೆ ಎಂಟ್ರಿ ಕೊಟ್ಟಿದ್ದರು. ಈ ಚಿತ್ರದ ಸೂಪರ್ ಡೂಪರ್ ಹಿಟ್ ಆಗುತ್ತಿದ್ದಂತೆ ಮತ್ತೆ ಬಾಲಿವುಡ್​ಗೆ ಮರಳಿದ್ದರು ಕರಾವಳಿ ಚೆಲುವೆ. ಆ ಬಳಿಕ ಅವರನ್ನು ಮತ್ತೆ ಕರೆ ತರುವ ಪ್ರಯತ್ನ ಮಾಡಿದ್ದೂ ಕೂಡ ಕ್ರೇಜಿಸ್ಟಾರ್ ಎಂಬುದು ವಿಶೇಷ. 2003ರಲ್ಲಿ ಬಿಡುಗಡೆಯಾಗಿದ್ದ ಒಂದಾಗೋಣ ಬಾ ಚಿತ್ರದಲ್ಲಿ ಶಿಲ್ಪಾ-ರವಿ ಮತ್ತೆ ಒಂದಾಗಿದ್ದರು. ಈ ಬೆನ್ನಲ್ಲೇ 2005ರಲ್ಲಿ ಉಪೇಂದ್ರ ಅವರೊಂದಿಗೆ ಆಟೋ ಶಂಕರ್ ಸಿನಿಮಾದಲ್ಲಿ ಬಾಲಿವುಡ್ ಬೆಡಗಿ ರಗಡ್ ಅವತಾರದಲ್ಲಿ ಕಾಣಿಸಿಕೊಂಡಿದ್ದರು.

ಶಿಲ್ಪಾ ಶೆಟ್ಟಿ ಅವರು ಈವರೆಗೆ ಸರಿಸುಮಾರು 50ಕ್ಕೂ ಹೆಚ್ಚಿನ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಶಿಲ್ಪಾ ಶೆಟ್ಟಿ ಅವರು ಕನ್ನಡದಲ್ಲಿ, ಪ್ರಿತ್ಸೋದ್ ತಪ್ಪಾ, ಒಂದಾಗೋಣ ಬಾ, ಆಟೋ ಶಂಕರ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇದಲ್ಲದೇ ಬಾಲಿವುಡ್​ ನಲ್ಲಿ ಶಾರುಖ್ ಖಾನ್, ಸಲ್ಮಾನ್ ಖಾನ್ ಸೇರಿದಂತೆ ಸ್ಟಾಋ್ ನಟರುಗಳ ಜೊತರೆ ಬೆಳ್ಳಿತೆರೆ ಹಂಚಿಕೊಂಡಿದ್ದಾರೆ.