Tipu Movie: 'ಟಿಪ್ಪು' ಸಿನಿಮಾ ಫಸ್ಟ್ ಲುಕ್ ರಿಲೀಸ್; ರಿವೀಲ್ ಆಗುತ್ತಂತೆ 'ಮೈಸೂರು ಹುಲಿ' ಅಸಲಿ ಮುಖ!

ಬೆಳ್ಳಿ ಪರದೆ ಮೇಲೆ ಟಿಪ್ಪು ಸುಲ್ತಾನ್ ಕಥೆ ಬರ್ತಿದೆ. ಸಿನಿಮಾ ರೂಪದಲ್ಲಿ ಬರ್ತಿರೋ ಈ ಚಿತ್ರಕ್ಕೆ 'ಟಿಪ್ಪು' ಅಂತ ಶೀರ್ಷಿಕೆ ಇಡಲಾಗಿದೆ. ಈ ಚಿತ್ರದ ಫಸ್ಟ್ ಲುಕ್ ಇದೀಗ ರಿಲೀಸ್ ಆಗಿದೆ.

ಟಿಪ್ಪು ಚಿತ್ರ ಕೇವಲ ಒಂದೇ ಭಾಷೆಯಲ್ಲಿ ರಿಲೀಸ್ ಆಗುತ್ತಿಲ್ಲ. ಈ ಚಿತ್ರ ಬಹು ಭಾಷೆಯಲ್ಲಿ ತೆರೆಗೆ ಬರ್ತಿದೆ. ಈ ಹಿನ್ನೆಲೆಯಲ್ಲಿ ಎಲ್ಲ ಭಾಷೆಯ ಪೋಸ್ಟರ್ ಈಗ ರಿಲೀಸ್ ಆಗಿವೆ.

ಟಿಪ್ಪು ಚಿತ್ರವನ್ನ ಕನ್ನಡ, ಹಿಂದಿ, ತೆಲುಗು, ತಮಿಳು, ಮಲೆಯಾಳಂ ಹೀಗೆ ಉತ್ತರ ಭಾರತ ಮತ್ತು ದಕ್ಷಿಣದ ಭಾರತದ ಅಷ್ಟೂ ಭಾಷೆಯಲ್ಲಿ ತರಲಾಗುತ್ತಿದೆ.

ಟಿಪ್ಪು ಸಿನಿಮಾವನ್ನ ಪವನ್ ಶರ್ಮಾ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರದಲ್ಲಿ ಟಿಪ್ಪು ಸುಲ್ತಾನ್ ನೈಜ ರೂಪವನ್ನೆ ತೋರಿಸುತ್ತಿದ್ದಾರಂತೆ ಈ ಮೂಲಕ ಟಿಪ್ಪು ಅಸಲಿ ಮುಖ ಇಲ್ಲಿ ಅನಾವರಣಗೊಳ್ಳಲಿದೆ ಅಂತಿದೆ ಚಿತ್ರತಂಡ.

ಟಿಪ್ಪು ಸುಲ್ತಾನ್ ಪಾತ್ರದಲ್ಲಿ ನಟ ಸಂದೀಪ್ ಸಿಂಗ್ ಅಭಿನಯಿಸಿದ್ದಾರೆ. ಇದರ ಜೊತೆಗೆ ಚಿತ್ರಕ್ಕೆ ಸಂದೀಪ್ ಸಿಂಗ್ ಬಂಡವಾಳ ಹೂಡಿ ಟಿಪ್ಪು ಅಸಲಿ ಕಥೆ ಹೇಳೋಕೆ ಬರ್ತಿದ್ದಾರೆ.

ಟಿಪ್ಪು ಬಗ್ಗೆ ಇಲ್ಲಿವರೆಗೂ ಒಂದು ಕಲ್ಪನೆ ಇತ್ತು. ಟಿಪ್ಪು ಒಬ್ಬ ವೀರ ಅನ್ನೋ ನಂಬಿಕೆ ಇತ್ತು. ಆದರೆ, ಬಹು ಭಾಷೆಯಲ್ಲಿ ಬರ್ತಿರೋ ಈ ಟಿಪ್ಪು ಚಿತ್ರದಲ್ಲಿ ಟಿಪ್ಪು ಸುಲ್ತಾನ್‌ನ ಇನ್ನೂ ಒಂದು ಮುಖದ ಚಿತ್ರಣ ಇರಲಿದೆಯಂತೆ!

ಟಿಪ್ಪು ಸಿನಿಮಾದ ಫಸ್ಟ್ ಲುಕ್ ಜೊತೆಗೆ ಮೋಷನ್ ಪೋಸ್ಟರ್ ಕೂಡ ರಿಲೀಸ್ ಆಗಿದೆ. ಈ ಮೋಷನ್ ಪೋಸ್ಟರ್‌ನಲ್ಲಿ ಟಿಪ್ಪು ಪಾತ್ರದ ಸಂಕ್ಷಿಪ್ತ ಚಿತ್ರಣ ಸಾಲುಗಳಲ್ಲಿ ಇದೆ.