OTT Movies: ಈ ವಾರ ಒಟಿಟಿ ಪ್ರೀಮಿಯರ್‌ನಲ್ಲಿ ಬಿಡುಗಡೆಗೊಳ್ಳುತ್ತಿದೆ 6 ಚಿತ್ರಗಳು, ಇಲ್ಲಿದೆ ಪುಲ್‌ ಡೀಟೈಲ್ಸ್‌

'ಕೆಜಿಎಫ್ 2' ಸಿನಿಮಾ ಅಮೆಜಾನ್ ಪ್ರೈಂನಲ್ಲಿ ಪೇ ಪರ್ ವ್ಯೂ ಆಧಾರದಲ್ಲಿ ರಿಲೀಸ್ ಆಗಿತ್ತು. ಈಗ ಹಣ ಕೊಟ್ಟು ಸಿನಿಮಾ ವೀಕ್ಷಿಸುವ ಹಂತ ಮುಗಿದಿದ್ದು ಎಲ್ಲರೂ ಫ್ರೀಯಾಗಿ ನೋಡಬಹುದಾಗಿದೆ. 'ಕೆಜಿಎಫ್ 2' ಜೂನ್ 3 ರಿಂದ ಅಮೆಜಾನ್ ಪ್ರೈಂ ವಿಡಿಯೋದಲ್ಲಿ ರಿಲೀಸ್ ಆಗುತ್ತಿದೆ.

ಪೃಥ್ವಿರಾಜ್ ಸುಕುಮಾರನ್ ನಟನೆಯ ಮಲೆಯಾಳಂ ಚಿತ್ರವಾದ ‘ಜನ ಗಣ ಮನ‘ ಚಿತ್ರವು ಈ ವಾರ ಓಟಿಟಿ ಅಲ್ಲಿ ರಿಲೀಸ್ ಆಗುತ್ತಿದ್ದು, ನೆಟ್​ಫ್ಲಿಕ್ಸ್ ನಲ್ಲಿ ಚಿತ್ರ ಬಿಡುಗಡೆಯಾಗುತ್ತಿದೆ.

ತೆಲುಗಿನ 'ಅಶೋಕ ವಾನಮ್ ಲೋ ಅರ್ಜುನ ಕಲ್ಯಾಣಂ' ಸಿನಿಮಾ ಆಹಾ ಒಟಿಟಿ ಯಲ್ಲಿ ಬಿಡುಗಡೆಯಾಗುತ್ತಿದೆ. ಆಹಾದಲ್ಲಿ ಜೂನ್ 03ರಂದು ಬಿಡುಗಡೆಯಾಗುತ್ತಿದೆ. ಚಿತ್ರಮಂದಿರದಲ್ಲಿ ಅಷ್ಟಾಗಿ ಸದ್ದು ಮಾಡದ ಚಿತ್ರ ಬಹುಬೇಗ ಓಟಿಟಿ ಅತ್ತ ಮುಖಮಾಡಿದೆ.

ಬಾಲಿವುಡ್‌ನಲ್ಲಿ ಸಾಕಷ್ಟು ಚರ್ಚೆಗೆ ಗ್ರಾಸವಾದ್ದ 'ಆಶ್ರಮ್ ಸೀಸನ್ 3' ವೆಬ್ ಸಿರೀಸ್ ಇದೀಗ ಓಟಿಟಿ ಅಲ್ಲಿ ಬಿಡುಗಡೆ ಆಗುತ್ತಿದೆ. ಜೂನ್ 3ರಂದು MX ಪ್ಲೇಯರ್​ ನಲ್ಲಿ ಸಿರೀಸ್ ರಿಲೀಸ್ ಆಗುತ್ತಿದ್ದು, ಬಾಬಿ ಡಿಯೊಲ್ p್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ತೆಲುಗಿನ '9 Hours' ಈ ವೆಬ್ ಸಿರೀಸ್‌ ಈ ವಾರ ರಿಲೀಸ್ ಆಗುತ್ತಿದೆ. ಈ ಸೀರಿಸ್​ ಅನ್ನು ಜಾಕೊಬ್ ವರ್ಗೀಸ್ ಹಾಗೂ ನಿರಂಜನ್ ಕೌಶಿಕ್ ನಿರ್ದೇಶನ ಮಾಡಿದ್ದಾರೆ. ಇದೊಂದು ಸಸ್ಪೇನ್ಸ್ ಥ್ರಿಲ್ಲರ್ ಸಿರೀಸ್ ಆಗಿದೆ.

ಡಿಸ್ನಿ+ ಹಾಟ್‌ಸ್ಟಾರ್‌ ನಲ್ಲಿ ಈ ವಾರ ಹಿಂದಿಯ ಆಶಿಕಾನಾ ಎಂಬ ವೆಬ್​ ಸಿರೀಸ್ ಬಿಡುಗಡೆ ಆಗುತ್ತಿದೆ. ಜೂನ್ 6ರಂದುರಿಲೀಸ್ ಆಗುತ್ತಿದ್ದು, ಇದೊಂದು ಪಕ್ಕಾ ಸಸ್ಪೆನ್ಸ್, ಥ್ರಿಲ್ಲರ್ ಲವ್‌ ಸ್ಟೋರಿ ಹೊಂದಿರುವ ವೆಬ್ ಸೀರಿಸ್‌ ಆಗಿದೆ. ಒಟ್ಟಿನಲ್ಲಿ ಈ ವಾರ ಸಾಲು ಸಾಲು ಸಿನಿಮಾ ಮತ್ಉ ಸಿರೀಸ್ ಗಳು ಬಿಡುಗಡೆ ಆಗುತ್ತಿದ್ದು, ಸಿನಿ ಪ್ರೇಮಿಗಳಿಗೆ ಹಬ್ಬವಾಗಿದೆ.