Nisha Noor: ಸಿನಿಮಾ ಆಫರ್ ಸಿಗಲಿಲ್ಲ ಎಂದು ವೇಶ್ಯಾವಾಟಿಕೆಗೆ ಇಳಿದ ನಟಿ! ಇದು ಈ ನಾಯಕಿಯ ದುರಂತ ಕಥೆ!

ನಟಿ ನಿಶಾ ನೂರ್, ತಮಿಳು ಮತ್ತು ಮಲಯಾಳಂ ಚಿತ್ರಗಳಲ್ಲಿ ನಟಿಸಿ ಜನಪ್ರಿಯತೆ ಪಡೆದ ನಟಿಯಾಗಿದ್ದಾರೆ. ಕೆಲ ಕನ್ನಡ ಹಾಗೂ ತೆಲುಗು ಸಿನಿಮಾಗಳಲ್ಲಿಯೀ ನಿಶಾ ಕಾಣಿಸಿಕೊಂಡಿದ್ದಾರೆ. ಆದ್ರೆ ಈ ನಟಿ ಕೂಡ ತಪ್ಪು ಮಾರ್ಗ ತುಳಿದರು.

ಸಿನಿಮಾ ಇಂಡಸ್ಟ್ರಿ ಎಷ್ಟು ಕಲರ್ ಫುಲ್ ಆಗಿ ಕಾಣುತ್ತದೆಯೋ ಅಷ್ಟೇ ಸಮಸ್ಯೆಗಳಿಂದ ಕೂಡಿದೆ. ಕೆಲ ನಟಿಯರು ಭಾರೀ ಯಶಸ್ಸು ಗಳಿಸಿದ್ರು. ಕೆಲವರು ಅನೇಕ ಕಷ್ಟಗಳನ್ನು ಎದುರಿಸಿದ ಉದಾಹರಣೆಗಳೂ ಸಿನಿಮಾ ಲೋಕದಲ್ಲಿದ್ದು, ಅವರಲ್ಲಿ ನಿಶಾ ನೂರ್ ಕೂಡ ಒಬ್ಬರಾಗಿದ್ದಾರೆ.

ನಿಶಾ ನೂರ್ ಸುಂದರ ನಟಿಯರಲ್ಲಿ ಒಬ್ಬರಾಗಿದ್ದರು. ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲಿ ಬಹುಬೇಗ ಜನಪ್ರಿಯತೆ ಪಡೆದ ನಿಶಾ ಸಾಕಷ್ಟು ಸಿನಿಮಾಗಳಲ್ಲಿ ಮಿಂಚಿದ್ದಾರೆ. ಅನೇಕ ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಅನೇಕ ನಿರ್ದೇಶಕರು ಈ ನಟಿಯ ಡೇಟ್​ಗಾಗಿ ಕಾಯುತ್ತಿದ್ದರಂತೆ.

ಕೆಲ ವರ್ಷಗಳ ಬಳಿಕ ಸಿನಿಮಾ ಆಫರ್ ಸಿಗದಿದ್ದಾಗ ನಟಿ ನಿಶಾ ನೂರ್ ತಪ್ಪು ದಾರಿ ಹಿಡಿದಿದ್ದಾರೆ. ಅವಕಾಶ ಸಿಗದೆ ನಿರುದ್ಯೋಗಿಯಾದ ನಟಿ ಹಣಕಾಸಿನ ಕೊರತೆಯಿಂದ ನೊಂದಿದ್ದರಂತೆ. ದಾರಿ ಕಾಣದೆ ನಟಿ ವೇಶ್ಯಾವಾಟಿಕೆಯಂತ ಜಾಲಕ್ಕೆ ಬಿದ್ದಿದ್ದಾರೆ.

ಅಂದಿನಿಂದ ನಟಿ ನಿಶಾ ಬದುಕಲ್ಲಿ ಕೆಟ್ಟ ದಿನಗಳು ಶುರುವಾಗಿತ್ತು. ನಟಿಯ ಬಗ್ಗೆ ಅನೇಕರು ಕೆಟ್ಟದಾಗಿ ಮಾತಾಡಿದ್ರು. ವೇಶ್ಯಾವಾಟಿಕೆ ಅಡ್ಡದಲ್ಲಿ ಬಿದ್ದ ನಟಿ ಏಡ್ಸ್​ನಂತಹ ಭಯಾನಕ ಕಾಯಿಲೆಗೆ ತುತ್ತಾದರು.

2007ರಲ್ಲಿ ನಟಿ ನಿಶಾ ದರ್ಗಾದ ಹೊರಗೆ ಅತ್ಯಂತ ಕೆಟ್ಟ ಸ್ಥಿತಿಯಲ್ಲಿ ಸಿಕ್ಕಿದ್ದರು,  ಆಕೆಯನ್ನು ಯಾರು ಗುರುತಿಸದ ರೀತಿಯಲ್ಲಿ ಬದಲಾಗಿದ್ರು. ಆ ಸಮಯದಲ್ಲಿ ಕಾಯಿಲೆಯಿಂದ ನಟಿಯ ದೇಹ ಸಂಪೂರ್ಣವಾಗಿ ದುರ್ಬಲಗೊಂಡಿತು.

ಅಷ್ಟೇ ಅಲ್ಲ ಕೊನೆ ಕ್ಷಣದಲ್ಲಿ ನಟಿಯ ದೇಹದ ಮೇಲೆ ಕ್ರಿಮಿಗಳು ಹರಿದಾಡುತ್ತಿದ್ದವು. ನಂತರ ಆಕೆಗೆ ಏಡ್ಸ್ ಇರುವುದು ತನಿಖೆಯಲ್ಲಿ ಪತ್ತೆಯಾಗಿದೆ ಎನ್ನಲಾಗಿದೆ. 23 ಏಪ್ರಿಲ್ 2007 ರಂದು ನಿಶಾ ಈ ಕಾಯಿಲೆಯಿಂದ ಜಗತ್ತಿಗೆ ವಿದಾಯ ಹೇಳಿದರು.

ನೂರ್ ಕಲ್ಯಾಣ್ ಅಗತಿಗಳು (1986) ಮತ್ತು ಅಯ್ಯರ್ ದಿ ಗ್ರೇಟ್ (1990) ನಂತಹ ಚಿತ್ರಗಳ ಮೂಲಕ ನಟಿ ನಿಶಾ ಜನಪ್ರಿಯರಾಗಿದ್ದರು. ಟಿಕ್ ಟಿಕ್ ಟಿಕ್ (1981) ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆದಿತ್ತು. ಚುವಾಪ್ಪು ನಾಡ, ಮಿಮಿಕ್ಸ್ ಆಕ್ಷನ್ 500, ಇನಿಮೈ ಇದೋ ಇದೋ ಮುಂತಾದ ಹಲವು ಚಿತ್ರಗಳಲ್ಲಿ ನಟಿಸಿದ್ದಾರೆ. ನಟಿ ನಿಶಾ ಅವರು ಕೆ. ಬಾಲಚಂದರ್, ವಿಶು ಮತ್ತು ಚಂದ್ರಶೇಖರ್ ಅವರಂತಹ ನಿರ್ದೇಶಕರ ಬಳಿ ಕೆಲಸ ಮಾಡಿದ್ದರು.