Bollywood Stars: ಬಾಲಿವುಡ್ ಪಾರ್ಟಿಗಳಿಗೆ ಹೋಗಲ್ಲ ಈ ಸ್ಟಾರ್ಸ್

ಬಾಲಿವುಡ್ ಪಾರ್ಟಿಗಳಿಂದ ದೂರ ಉಳಿದಿರುವ ನಟರ ಪಟ್ಟಿಯಲ್ಲಿ ಹಲವು ಹೆಸರುಗಳಿವೆ. ಹಾಗಾದ್ರೆ ಲೈಮ್ ಲೈಟ್ ನಿಂದ ದೂರ ಉಳಿದಿರುವ ಆ ಸ್ಟಾರ್ ಗಳು ಯಾರು ಎನ್ನುವ ಕುತೂಹಲ ನಿಮ್ಮಲ್ಲಿದ್ದರೆ ಇಲ್ಲಿದೆ ಡೀಟೆಲ್ಸ್.

ಇಂಡಸ್ಟ್ರಿಯಲ್ಲಿ ಅಕ್ಷಯ್ ಕುಮಾರ್ ತಮ್ಮದೇ ಆದ ವಿಭಿನ್ನ ಗುರುತನ್ನು ಹೊಂದಿದ್ದಾರೆ. ಈ ನಟ ತಮ್ಮ ಶಿಸ್ತಿನ ಜೀವನಶೈಲಿಗೆ ಹೆಸರುವಾಸಿಯಾಗಿದ್ದಾರೆ. ನಟ ರಾತ್ರಿ ಬೇಗನೆ ಮಲಗಲು ಮತ್ತು ಬೆಳಗ್ಗೆ ಬೇಗನೆ ಏಳಲು ಇಷ್ಟಪಡುತ್ತಾರೆ. ಇದರಿಂದಾಗಿ ಅವರು ಪಾರ್ಟಿಗಳಿಂದ ದೂರವಿರುತ್ತಾರೆ ಎಂದು ಅನೇಕ ಬಾರಿ ಹೇಳಿದ್ದಾರೆ.

ಮಿಸ್ಟರ್ ಪರ್ಫೆಕ್ಷನಿಸ್ಟ್' ಅಮೀರ್ ಖಾನ್ ಕೂಡ ಪಾರ್ಟಿ ಮಾಡಲು ಇಷ್ಟಪಡುವುದಿಲ್ಲ. ಸ್ಟೈಲಿಷ್ ನಟ ಇಂತಹ ಪಾರ್ಟಿಗಳನ್ನು ಅವಾಯ್ಡ್ ಮಾಡುತ್ತಾರೆ. ನಟನಿಗೆ ದೊಡ್ಡ ಸೌಂಡ್​ನಲ್ಲಿ ಮ್ಯೂಸಿಕ್ ಹಾಕುವುದು ಇಷ್ಟವಿಲ್ಲ ಎಂದು ಅಮೀರ್ ಮಾಜಿ ಪತ್ನಿ ಕಿರಣ್ ರಾವ್ ಹೇಳಿದ್ದರು.

ಬಾಲಿವುಡ್ ಪಾರ್ಟಿಗಳ ಬಗ್ಗೆ ಕಂಗನಾ ರಣಾವತ್‌ಗೆ ಇದ್ದಷ್ಟು ದ್ವೇಷ ಯಾರಿಗೂ ಇಲ್ಲ ಎನಿಸುತ್ತದೆ. ಕಂಗನಾ ಆಗಾಗ ಈ ಬಾಲಿವುಡ್ ಪಾರ್ಟಿಗಳನ್ನು ಮತ್ತು ಅದರಲ್ಲಿ ಭಾಗವಹಿಸುವ ನಟರನ್ನು ಟೀಕಿಸುತ್ತಲೇ ಇರುತ್ತಾರೆ.

'ಪಠಾಣ್' ಚಿತ್ರದ ಮೂಲಕ ಮತ್ತೊಮ್ಮೆ ಗಮನ ಸೆಳೆದಿರುವ ನಟ ಜಾನ್ ಅಬ್ರಹಾಂ ಕೂಡ ಬಾಲಿವುಡ್ ಪಾರ್ಟಿಗಳಿಂದ ದೂರ ಉಳಿದಿದ್ದಾರೆ. ಲೇಟ್ ನೈಟ್ ಪಾರ್ಟಿಗಳಿಗೆ ಹೋಗಲು ಇಷ್ಟಪಡುವುದಿಲ್ಲ ಎಂದು ಈ ನಟ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ. ಈ ಕಾರಣದಿಂದಲೇ ಈಗ ಅವರನ್ನು ಪಾರ್ಟಿಗಳಿಗೆ ಕರೆಯುವುದಿಲ್ಲ ಎಂದು ಹೇಳಿದ್ದರು.

ಶ್ರದ್ಧಾ ಕಪೂರ್ ಸ್ಟಾರ್ ಕಿಡ್ ಆಗಿರಬಹುದು. ಆದರೆ ಈ ನಟಿ ತುಂಬಾ ಸರಳ ಜೀವನವನ್ನು ನಡೆಸುತ್ತಾರೆ. ಶ್ರದ್ಧಾ ಕಪೂರ್ ಕೂಡ ಹಲವು ಪಾರ್ಟಿಗಳನ್ನು ಮಿಸ್ ಮಾಡುತ್ತಾರೆ. ಪಾರ್ಟಿಯಿಂದ ದೂರ ಉಳಿಯುವ ಮೂಲಕ ತಮ್ಮ ಕೆಲಸದ ಮೇಲೆ ಹೆಚ್ಚು ಗಮನ ಹರಿಸಲು ಸಾಧ್ಯವಾಗುತ್ತದೆ ಎಂಬುದು ಶ್ರದ್ಧಾ ಅವರ ನಂಬಿಕೆ.

ಆರ್ ಮಾಧವನ್ ಖಾಸಗಿ ಜೀವನ ಹಾಗೂ ವೃತ್ತಿ ಜೀವನದ ಮರ್ಧ್ಯೆ ಸ್ಪಷ್ಟ ಗೆರೆ ಇಟ್ಟಿರುವ ಸ್ಟಾರ್. ಮಾಧವನ್ ಬಾಲಿವುಡ್ ಪಾರ್ಟಿಗಳಿಗೆ ಹೋಗುವುದಿಲ್ಲ. ಸೌತ್​ನ ನಟ ತನ್ನ ಹೆಚ್ಚಿನ ಸಮಯವನ್ನು ಕುಟುಂಬದೊಂದಿಗೆ ಕಳೆಯುತ್ತಾರೆ.

ಕಾಜೋಲ್ ಪಾರ್ಟಿ ಪರ್ಸನ್. ಆದರೆ ಪತಿ ಅಜಯ್ ದೇವಗನ್ ಹೆಚ್ಚಿನ ಪಾರ್ಟಿಗಳಿಂದ ದೂರ ಉಳಿದಿದ್ದಾರೆ. ಅಜಯ್ ಹೆಚ್ಚು ಗದ್ದಲ. ಗಲಾಟೆಯನ್ನು ಇಷ್ಟಪಡುವುದಿಲ್ಲ ಎಂದು ಕಾಜೋಲ್ ಅನೇಕ ಬಾರಿ ಹೇಳಿದ್ದಾರೆ.