Deepika Padukone: ಸಿನಿಮಾ ಅಲ್ಲ, ದೀಪಿಕಾ ಪಡುಕೋಣೆಯನ್ನು ಮೊದಲು ಫೇಮಸ್ ಮಾಡಿದ್ದು ಟಿವಿ ಆ್ಯಡ್

ಇತ್ತೀಚೆಗಷ್ಟೇ ಮುಂಬೈ ವಿಮಾನ ನಿಲ್ದಾಣದಲ್ಲಿ ದೀಪಿಕಾ ಪಡುಕೋಣೆ ರಣವೀರ್ ಸಿಂಗ್ ಜೊತೆ ಕಾಣಿಸಿಕೊಂಡಿದ್ದರು. ಇಬ್ಬರು ದೀಪಿಕಾ ಅವರ ಬರ್ತ್​ಡೇ ವೆಕೇಷನ್​ಗೆ ತೆರಳಿದ್ದರು. 2007 ರಲ್ಲಿ, ದೀಪಿಕಾ ಫರಾ ಖಾನ್ ಅವರ ಓಂ ಶಾಂತಿ ಓಂ ಚಿತ್ರದ ಮೂಲಕ ನಟನೆಗೆ ಪಾದಾರ್ಪಣೆ ಮಾಡಿದರು.

ಇದರಲ್ಲಿ ಶಾರುಖ್ ಖಾನ್ ಜೊತೆ ಕಾಣಿಸಿಕೊಂಡಿದ್ದರು. ದೀಪಿಕಾ ಬಾಲಿವುಡ್‌ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಒಬ್ಬರಾಗಿ ಬೆಳೆಯುವ ಮೊದಲು, ರೂಪದರ್ಶಿಯಾಗಿದ್ದರು. 2000 ರ ದಶಕದಲ್ಲಿ ಅನೇಕ ಟಿವಿ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡರು.

ದೀಪಿಕಾ ಕಾಣಿಸಿಕೊಂಡ ಮೊದಲ ಜಾಹೀರಾತುಗಳಲ್ಲಿ ಒಂದು ಟೂತ್‌ಪೇಸ್ಟ್ ಬ್ರ್ಯಾಂಡ್. 2004 ರ ಜಾಹೀರಾತಿನಲ್ಲಿ ಅವರು ಅನಿಮೇಟೆಡ್ ಕ್ಲೋಸ್-ಅಪ್ ಟೂತ್‌ಪೇಸ್ಟ್ ಜೊತೆಗೆ ಬಾತ್ರೂಮ್‌ನಲ್ಲಿ ಡ್ಯಾನ್ಸ್ ಮಾಡುತ್ತಿದ್ದರು.

ಆ ನಂತರದ ಕೆಲವು ವರ್ಷಗಳಲ್ಲಿ ದೇಶದ ಕೆಲವು ದೊಡ್ಡ ವಿನ್ಯಾಸಕರ ಫ್ಯಾಶನ್ ಶೋಗಳಲ್ಲಿ ರಾಂಪ್ ವಾಕಿಂಗ್ ಜೊತೆಗೆ, ದೀಪಿಕಾ ಪಡುಕೋಣೆ ಲಿಮ್ಕಾದಂತಹ ಬ್ರ್ಯಾಂಡ್‌ಗಳಿಗಾಗಿ ತನ್ನ ಟಿವಿ ಜಾಹೀರಾತುಗಳ ಮೂಲಕ ಗಮನ ಜನರ ಸೆಳೆಯುತ್ತಿದ್ದರು.

ಲಿಮ್ಕಾ ಜಾಹೀರಾತಿನಲ್ಲಿ ನಟಿ ಮಳೆಯಲ್ಲಿ ಡ್ಯಾನ್ಸ್ ಮಾಡುವುದು ಮತ್ತು ರಸ್ತೆಯ ಕೆಸರು ನೀರಿನಲ್ಲಿ ಜಿಗಿಯುವುದು ಅಂದು ತುಂಬಾ ಫೇಮಸ್ ಆಗಿತ್ತು.

ಮತ್ತೊಂದು ಹಳೆಯ ಜಾಹೀರಾತಿನಲ್ಲಿ ದೀಪಿಕಾ ಚೆನ್ನೈ ಮೂಲದ ನೈಹಾ ಎಂಬ ಬಟ್ಟೆ ಅಂಗಡಿಯನ್ನು ಪ್ರಚಾರ ಮಾಡಿದ್ದರು. ಕಾರ್ಪೊರೇಟ್ ಜಗತ್ತಿನಲ್ಲಿ ಕೆಲಸ ಮಾಡುವ ಆಧುನಿಕ ಮಹಿಳೆ ಇನ್ನೂ ತಮ್ಮ ಭಾರತೀಯ ಮೂಲದೊಂದಿಗೆ ಸಂಬಂಧ ಹೊಂದಿದ್ದಾರೆ ಎಂಬುದನ್ನು ಈ ಆ್ಯಡ್ ತೋರಿಸುತ್ತದೆ.

ಮಾಡೆಲಿಂಗ್ ಮಾಡುವ ಮೊದಲು ಭಾರತೀಯ ಬ್ಯಾಡ್ಮಿಂಟನ್ ದಂತಕಥೆ ಪ್ರಕಾಶ್ ಪಡುಕೋಣೆ ಅವರ ಹಿರಿಯ ಮಗಳು ದೀಪಿಕಾ, ರಾಷ್ಟ್ರೀಯ ಮಟ್ಟದ ಬ್ಯಾಡ್ಮಿಂಟನ್ ಆಟಗಾರ್ತಿಯಾಗಿಯೂ ಗಮನ ಸೆಳೆದಿದ್ದರು.

ಹಲವು ವರ್ಷಗಳ ಮಾಡೆಲಿಂಗ್ ನಂತರ, ದೀಪಿಕಾ ನಟಿಯಾದರು. ದೀಪಿಕಾ ಅವರು ಓಂ ಶಾಂತಿ ಓಂ ಚಿತ್ರದಲ್ಲಿ ನಟಿಸಿ 15 ವರ್ಷಗಳಾಗಿವೆ. ಇದರಲ್ಲಿ ಅವರು ಸಿನಿಮಾ ನಟಿಯಾಗಿ ಕಾಣಿಸಿಕೊಂಡಿದ್ದಾರೆ.

ಅಂದಿನಿಂದ ಅವರು ಬಾಲಿವುಡ್‌ನಲ್ಲಿ ಖ್ಯಾತ ನಿರ್ದೇಶಕರೊಂದಿಗೆ ಕೆಲಸ ಮಾಡಿದ್ದಾರೆ. ಸಂಜಯ್ ಲೀಲಾ ಬನ್ಸಾಲಿ ಜೊತೆ ಗೋಲಿಯೋನ್ ಕಿ ರಾಸ್ಲೀಲಾ ರಾಮ್-ಲೀಲಾ, ಬಾಜಿರಾವ್ ಮಸ್ತಾನಿ, ಪದ್ಮಾವತ್, ಶೂಜಿತ್ ಸಿರ್ಕಾರ್ ಜೊತೆ ಪಿಕು ಮಾಡಿದ್ದಾರೆ.

ದೀಪಿಕಾ ಕೊನೆಯದಾಗಿ ಗೆಹರಾಯಿಯಾ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. ಇದರಲ್ಲಿ ಅನನ್ಯ ಪಾಂಡೆ ಮತ್ತು ಸಿದ್ಧಾಂತ್ ಚತುರ್ವೇದಿ ಕೂಡ ನಟಿಸಿದ್ದಾರೆ.

ಈ ಚಿತ್ರವನ್ನು ಶಕುನ್ ಬಾತ್ರಾ ನಿರ್ದೇಶಿಸಿದ್ದಾರೆ. ದೀಪಿಕಾ ಮುಂದಿನ ಜನವರಿ 25 ರಂದು ಬಿಡುಗಡೆಯಾಗಲಿರುವ ಪಠಾನ್ ಚಿತ್ರದಲ್ಲಿ ಶಾರುಖ್ ಖಾನ್ ಅವರೊಂದಿಗೆ ಕಾಣಿಸಿಕೊಳ್ಳಲಿದ್ದಾರೆ.