ರಣವೀರ್ ಸಿಂಗ್ vs ಕಪಿಲ್ ದೇವ್ ಪಡೆ; ಹೇಗಿದೆ ನೋಡಿ ಉಭಯ ತಂಡಗಳ PHOTOS

ಭಾರತ ಚೊಚ್ಚಲ ಬಾರಿಗೆ ವಿಶ್ವಕಪ್ ಗೆದ್ದು ಬರೋಬ್ಬರಿ 39 ವರ್ಷಗಳು ಕಳೆದಿವೆ. ಇದರ ನಡುವೆ ಈ ವರ್ಷ ಕಬೀರ್ ಖಾನ್ ನಿರ್ದೇಶನದ ‘83‘ ಚಿತ್ರವು ಇದೇ ವಿಶ್ವಕಪ್ ಕಥೆಯನ್ನು ಆಧರಿಸಿ ತೆರೆಕಂಡಿತ್ತು. ಅಲ್ಲದೇ ಎಲ್ಲಡೆಯಿಂದ ಮೆಚ್ಚುಗೆಯನ್ನೂ ಪಡೆದಿತ್ತು. ಈ ಚಿತ್ರದಲ್ಲಿ ಕಪಿಲ್ ದೇವ್ ಪಾತ್ರದಲ್ಲಿ ನಟ ರಣವೀರ್ ಸಿಂಗ್ ನಟಿಸುವ ಮೂಲಕ ಮಂತ್ರಮುಗ್ದರನ್ನಾಗಿಸಿದ್ದರು.

83 ಚಿತ್ರ ಒಂದು ನೈಜ್ ಕಥೆಯಾದ್ದರಿಂದ ಇಲ್ಲಿ ಬರುವ ನೈಜ ಪಾತ್ರಗಳಿಗೆ ತೆರೆಯ ಮೇಲೆ ಈ ನಟರುಗಳು ಜೀವ ತುಂಬಿದ್ದಾರೆ. ಅವರುಗಳೆಂದರೆ, ಸುನಿಲ್ ಗವಾಸ್ಕರ್ ಪಾತ್ರವನ್ನು ನಟ ತಾಹಿರ್ ರಾಜ್ ಭಾಸಿನ್ ನಿರ್ವಹಿಸಿದ್ದಾರೆ.

ನಟ ಜೀವಾ ಕ್ರಿಸ್ ಅವರು ಶ್ರೀಕಾಂತ್ ಪಾತ್ರದಲ್ಲಿ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು.

ಮೊಹಿಂದರ್ ಅಮರನಾಥ್ ಪಾತ್ರವನ್ನು ಹುಮಾ ಖುರೇಷಿಯ ಸಹೋದರ ಶಾಕಿಬ್ ಸಲೀಮ್ ನಟಿಸಿದ್ದಾರೆ. ಇವರ ಅಭಿನಯಕ್ಕೂ ಉತ್ತಮ ಪ್ರತಿಕ್ರಿಯೆಗಳು ಬಂದಿವೆ.

ಯಶಪಾಲ್ ಶರ್ಮಾ ಪಾತ್ರವನ್ನು ಜತಿನ್ ಸರ್ನಾ ನಿರ್ವಹಿಸಿದ್ದು, ಅನೇಕರು ತೆರೆ ಮೇಲೆ ನಿಜವಾಗಿಯೂ ಯಶಪಾಲ್ ಅವರೇ ಇದ್ದಾರೆ ಎಂಬಂತೆ ನೈಜತೆಗೆ ಹತ್ತಿರವಾಗುವಂತೆ ಜತಿನ್ ನಟಿಸಿದ್ದಾರೆ.

ಹಿರಿಯ ಕ್ರಿಕೆಟಿಗ ಸಂದೀಪ್ ಪಾಟೀಲ್ ಪಾತ್ರದಲ್ಲಿ ಅವರ ಪುತ್ರ ಚಿರಾಗ್ ಪಾಟೀಲ್ ನಟಿಸಿದ್ದಾರೆ. ಚಿರಾಗ್ ಈ ಹಿಂದೆ ವೇಟ್‌ಲಿಫ್ಟಿಂಗ್, ಎವೆರಿ ನಂಬರ್ ಮತ್ತು ವೇಕ್ ಅಪ್ ಇಂಡಿಯಾದಲ್ಲಿ ನಟಿಸಿದ್ದಾರೆ.

ಯು ವಿಲ್ ಮೇಕ್ ಫ್ರೆಂಡ್ಶಿಪ್ ವಿತ್ ಮಿ ಮತ್ತು ರಾತ್ ಅಕೇಲಿ ಹೈ ಎಂಬ ವೆಬ್ ಸರಣಿಯಲ್ಲಿ ಅಭಿನಯಿಸಿದ್ದ ನಿಶಾಂತ್ ದಹಿಯಾ ಆಲ್ ರೌಂಡರ್ ರೋಜರ್ ಬಿನ್ನಿ ಪಾತ್ರವನ್ನು ನಿರ್ವಹಿಸಿದ್ದಾರೆ.

ಖ್ಯಾತ ಪಂಜಾಬಿ ಗಾಯಕ ಹ್ಯಾರಿ ಸಂಧು ತೆರೆಯ ಮೇಲೆ ಮೋಹನ್ ಲಾಲ್ ಪಾತ್ರವನ್ನು ನಿರ್ವಹಿಸಿದರು.

ಟಿವಿ ನಿರೂಪಕ ಸಾಹಿಲ್ ಖಟ್ಟರ್ ವಿಕೆಟ್ ಕೀಪರ್ ಸೈಯದ್ ಕಿರ್ಮಾನಿ ಪಾತ್ರಕ್ಕೆ ಜೀವ ತುಂಬಿದರು. ಅವರಂತೆಯೇ ಗಡ್ಡವನ್ನು ಟ್ರಿಮ್ ಮಾಡಿಸಿ ಥೇಟ್ ಅವರಂತೆ ಕಾಣುತ್ತಿದ್ದರು.

ಮಧ್ಯಮ ವೇಗಿ ಬಾಲನ್ವಿದರ್ ಸಿಂಗ್ ಸಂಧು ಪಾತ್ರವನ್ನು ಪಂಜಾಬಿ ಗಾಯಕ ಮತ್ತು ನಟ ಆಮಿ ವಿರ್ಕ್ ನಿರ್ವಹಿಸಿದ್ದಾರೆ.

ಭಾರತ ತಂಡದ ಮಾಜಿ ಕೋಚ್ ರವಿಶಾಸ್ತ್ರಿ ಪಾತ್ರವನ್ನು ಧೈರ್ಯ ಕರ್ವಾ ವಹಿಸಿದ್ದರು. ಈ ಪಾತ್ರಕ್ಕಾಗಿ ಧೈರ್ಯ ಕರ್ವಾ ಅವರು ತುಂಬಾ ಮೆಚ್ಚುಗೆ ಪಡೆದರು.

ದಿಲೀಪ್ ವೆಂಗ್‌ಸರ್ಕರ್ ಪಾತ್ರದಲ್ಲಿ ಮರಾತ್ಮೋಲಾ ನಟ ಆದಿನಾಥ್ ಕೊಠಾರೆ ನಟಿಸಿದ್ದಾರೆ. ಒಟ್ಟಾರೆ ಸಿನಿಮಾ ಬಾಕ್ಸ್ ಆಫಿಸ್​ನಲ್ಲಿ ಸೋತರೂ ಸಹ ಇವರುಗಳ ಅಭಿನಯ ಮತ್ತು ಒಂದು ಇತಿಹಾಸದ ಕಥೆಯು ಉತ್ತಮವಾಗಿ ತೆರೆಮೇಲೆ ಪ್ರಸ್ಥುತ ಪಡಿಸಿದ್ದಕ್ಕೆ ಎಲ್ಲಡೆಯಿಂದ ಮೆಚ್ಚುಗೆ ವ್ಯಕ್ತವಾಗಿತ್ತು.