Salman Khan: ಹಲವಾರು ಗನ್ಸ್ ನನ್ ಕಡೆ ಗುರಿ ಮಾಡಿವೆ, ಭಯವಾಗ್ತಿದೆ ಎಂದ ಸಲ್ಮಾನ್ ಖಾನ್

ಬಾಲಿವುಡ್ ನಟ ಸಲ್ಮಾನ್ ಖಾನ್ ಅವರಿಗೆ ಹಲವಾರು ಸಲ ಕೊಲೆ ಬೆದರಿಕೆ ಬಂದಿದೆ, ಗ್ಯಾಂಗ್​ಸ್ಟರ್ ಲಾರೆನ್ಸ್ ಬಿಷ್ಣೋಯ್​ ಗ್ಯಾಂಗ್​ನಿಂದ ಬಾಲಿವುಡ್ ನಟನಿಗೆ ಕೊಲೆ ಬೆದರಿಕೆ ಬಂದಿದ್ದು ಕಳೆದ ಕೆಲವು ತಿಂಗಳಿಂದ ಈ ಬೆದರಿಕೆಗಳು ಮರುಕಳಿಸುತ್ತಲೇ ಇವೆ. ಮುಂಬೈ ಪೊಲೀಸರು ನಟನಿಗೆ ವೈ+ ಸೆಕ್ಯುರಿಟಿಯನ್ನು ನೀಡಿದ್ದಾರೆ.

ಇತ್ತೀಚಿನ ಇಂಟರ್​ವ್ಯೂನಲ್ಲಿ ಈ ಬಗ್ಗೆ ಪ್ರತಿಕ್ರಿಯಿಸಿದ ಸಲ್ಮಾನ್ ಖಾನ್ ಅಭದ್ರತೆಗಿಂಯತ ಭದ್ರತೆ ಎಷ್ಟು ಒಳ್ಳೆಯದು ಎನ್ನುವುದನ್ನು ರಿವೀಲ್ ಮಾಡಿದ್ದಾರೆ. ಹಾಗೆಯೇ ಗಂಭೀರ ಕೊಲೆ ಬೆದರಿಕೆಗಳಿಂದಾಗಿ ರಸ್ತೆಯಲ್ಲಿ ತಾನೀಗ ಒಂದು ಸೈಕಲ್ ರೈಡ್ ಮಾಡಲು ಸಾಧ್ಯವಿಲ್ಲ ಎನ್ನುವುದನ್ನು ತಿಳಿಸಿದ್ದಾರೆ.

ನಟ ಇತ್ತೀಚೆಗೆ ಇಂಡಿಯಾ ಟಿವಿಯ ಆಪ್ ಕಿ ಅದಾಲತ್ ಶೋನಲ್ಲಿ ಕೆಲವು ವಿಚಾರ ರಿವೀಲ್ ಮಾಡಿದ್ದಾರೆ. ಈಗ ರಸ್ತೆಯಲ್ಲಿ ಸೈಕಲ್ ತುಳಿಯುವುದಕ್ಕೂ ಸಾಧ್ಯವಿಲ್ಲ. ನಾನು ಒಬ್ಬನೇ ಎಲ್ಲಿಯೂ ಓಡಾಡಲು ಸಾಧ್ಯವಿಲ್ಲ. ಅದಲ್ಲದೆ ನನಗೀಗ ಒಂದು ಸಮಸ್ಯೆ ಶುರುವಾಗಿದೆ ಎಂದಿದ್ದಾರೆ.

ನಾನು ಟ್ರಾಫಿಕ್​ನಲ್ಲಿದ್ದಾಗ ಅಲ್ಲಿ ಸಾಕಷ್ಟು ಸೆಕ್ಯುರಿಟಿ ಇರುತ್ತದೆ. ಆ ಸೆಕ್ಯುರಿಟಿ ವಾಹನಗಳು ಜನರಿಗೆ ತೊಂದರೆ ಮಾಡುತ್ತದೆ. ಅವರು ಒಂದು ರೀತಿಯಾಗಿ ನನ್ನ ಕಡೆ ನೋಡುತ್ತಾರೆ. ನಿಜಕ್ಕೂ ಗಂಭೀರ ಕೊಲೆ ಬೆದರಿಕೆ ಇದೆ. ಹಾಗಾಗಿ ಭದ್ರತೆ ಅನಿವಾರ್ಯವಾಗಿದೆ ಎಂದಿದ್ದಾರೆ ನಟ.

ನನ್ನಲ್ಲಿ ಏನು ಹೇಳಿದ್ದಾರೋ ಅದನ್ನು ನಾನು ಮಾಡುತ್ತಿದ್ದೇನೆ. ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್​ನಲ್ಲಿ ಒಂದು ಡೈಲಾಗ್ ಇದೆ. ಅವರು 100 ಬಾರಿ ಅದೃಷ್ಟವಂತರಾಗಿರಬೇಕು, ನಾನು ಒಮ್ಮೆ ಅದೃಷ್ಟಶಾಲಿಯಾಗಬೇಕು. ಹಾಗಾಗಿ ನಾನು ತುಂಬಾ ಹುಷಾರಾಗಿರುತ್ತೇನೆ ಎಂದಿದ್ದಾರೆ ನಟ.

ಏನಾಗಬೇಕೋ ಅದು ಆಗುತ್ತದೆ. ಆದರೆ ಆರಾಮಾಗಿ ಸುತ್ತಾಡಬಹುದು ಎಂದು ಅದರರ್ಥ ಅಲ್ಲ. ನಾನು ಎಲ್ಲಾ ಕಡೆಗೆ ಫುಲ್ ಸೆಕ್ಯುರಿಟಿ ಜೊತೆ ಹೋಗುತ್ತೇನೆ. ನಾವೇನು ಮಾಡಿದರೂ ಏನಾಗಬೇಕೋ ಅದು ಆಗುತ್ತದೆ. ಹಾಗಂತ ನಾನು ಆರಾಮಾಗಿ ಸುತ್ತಾಡಬಹುದು ಎಂದರ್ಥವಲ್ಲ. ಹಲವಾರು ಗನ್ ನನ್ನ ಕಡೆ ಗುರಿ ಮಾಡಿವೆ. ಹಾಗಾಗಿ ಇತ್ತೀಚಿನ ದಿನಗಳಲ್ಲಿ ನನಗೆ ನನ್ನ ಬಗ್ಗೆಯೇ ಭಯವಿದೆ ಎಂದಿದ್ದಾರೆ.

ಲಾರೆನ್ಸ್ ಬಿಷ್ಣೋಯ್ ಸಲ್ಮಾನ್ ಖಾನ್ ಅವರನ್ನು ಕೊಲ್ಲಲು ಸಾಕಷ್ಟು ಪ್ಲಾನ್ ಮಾಡುತ್ತಿರುವುದು ರಿವೀಲ್ ಆಗಿದೆ. ಈ ತಿಂಗಳ ಆರಂಭದಲ್ಲಿ ನಟನಿಗೆ ಬೆದರಿಕೆ ಕರೆ ಬಂದಿತ್ತು. ರಾಕಿ ಭಾಐ್ ಎಂಬಾಯ್ ನಟನನ್ನು ಏಪ್ರಿಲ್ 30ರಂದು ಕೊಲ್ಲುವುದಾಗಿ ಬೆದರಿಸಿದ್ದ. ನಂತರ ಈ ಮೇಲ್ ಮೂಲಕ ಮತ್ತೊಮ್ಮೆ ಕೊಲೆ ಬೆದರಿಕೆ ಬಂದಿತ್ತು. ಇದರಲ್ಲಿ ರಾಖಿ ಸಾವಂತ್ ಅವರನ್ನೂ ಬೆದರಿಸಲಾಗಿತ್ತು.

ಮಾರ್ಚ್ ತಿಂಗಳಲ್ಲಿ ಗ್ಯಾಂಗ್​ಸ್ಟರ್ ಲಾರೆನ್ಸ್ ಬಿಷ್ಣೋಯ್ ತನ್ನ ಜೀವನದ ಗುರಿ ಸಲ್ಮಾನ್ ಖಾನ್​ನನ್ನು ಕೊಲ್ಲುವುದು ಎಂದು ಹೇಳಿದ್ದ. ಕೃಷ್ಣಮೃಗವನ್ನು ಕೊಂದಿದ್ದಕ್ಕೆ ನಟ ಸಲ್ಮಾನ್ ಖಾನ್ ಬಿಷ್ಣೋಯ್ ಸಮುದಾಯದ ಕ್ಷಮೆ ಕೇಳಿದರೆ ಮಾತ್ರ ಈ ಘಟನೆ ಇತ್ಯರ್ಥವಾಗುತ್ತದೆ ಎಂದಿದ್ದಾರೆ.

ಬಿಷ್ಣೋಯ್ ಸಮುದಾಯವು ಕೃಷ್ಣಮೃಗವು ಅವರ ಧಾರ್ಮಿಕ ಗುರು ಭಗವಾನ್ ಜಂಬೇಶ್ವರನ ಪುನರ್ಜನ್ಮ ಎಂದು ನಂಬುತ್ತಾರೆ. ಇದನ್ನು ಜಂಬಾಜಿ ಎಂದೂ ಕೂಡಾ ಕರೆಯಲಾಗುತ್ತದೆ.

ಸಲ್ಮಾನ್ ಖಾನ್ ಅಭಿನಯದ ಕಿಸಿ ಕಾ ಜಾನ್ ಕಿಸಿ ಕಿ ಭಾಯ್ ಸಿನಿಮಾ ಇತ್ತೀಚೆಗೆ ರಿಲೀಸ್ ಆಗಿತ್ತು. ಇದರಲ್ಲಿ ನಟ ಪೂಜಾ ಹೆಗ್ಡೆ ಜೊತೆ ಸ್ಕ್ರೀನ್ ಶೇರ್ ಮಾಡಿದ್ದಾರೆ. ಈ ಸಿನಿಮಾ ಅಷ್ಟಾಗಿ ಹಿಟ್ ಆಗಲಿಲ್ಲ.

ಈ ಸಿನಿಮಾದಲ್ಲಿ ಪೂಜಾ ಹೆಗ್ಡೆ, ಶೆಹನಾಜ್ ಗಿಲ್, ಪಲಕ್ ತಿವಾರಿ ಸೇರಿದಂತೆ ಸ್ಟಾರ್ ತಾರಾ ಬಳಗವಿದೆ. ಇದರ ಸಾಂಗ್ ಒಂದರಲ್ಲಿ ರಾಮ್ ಚರಣ್ ಕೂಡಾ ಸ್ಟೆಪ್ ಹಾಕಿದ್ದಾರೆ ಎನ್ನುವುದು ವಿಶೇಷ.