The Kerala Story: ಕೇರಳ ಸ್ಟೋರಿಯ ವಿಲನ್ ಆಸಿಫಾ ರಿಯಲ್ ಲೈಫ್​ನಲ್ಲಿ ಹಿಂದೂ! ನೆಗೆಟಿವ್ ರೋಲ್ ಒಪ್ಪಿದ್ದೇಕೆ?

ದಿ ಕೇರಳ ಸ್ಟೋರಿ ಸಿನಿಮಾದಲ್ಲಿ ಆಸಿಫಾ ಅವರ ನೆಗೆಟಿವ್ ಪಾತ್ರವನ್ನು ಸೋನಿಯಾ ಬಾಲಾನಿ ನಿರ್ವಹಿಸಿದ್ದಾರೆ. ಈ ಪಾತ್ರವನ್ನು ನಟಿ ಆಯ್ಕೆ ಮಾಡಿದ್ದೇಕೆ? ಇದರ ಹಿಂದಿನ ಕಾರಣವೇನು?

ಸೋನಿಯಾ ಬಾಲಾನಿ ಆಗ್ರಾದ ನಿವಾಸಿಯಾಗಿದ್ದು, ಇಲ್ಲಿಯವರೆಗೆ ಕಿರುತೆರೆಯಲ್ಲಿ ಕೆಲಸ ಮಾಡಿದ್ದಾರೆ. ಕಿರುತೆರೆಯಲ್ಲಿ ಸೋನಿಯಾ ಬಾಲಾನಿ ತುಂಬಾ ಫೇಮಸ್ ಹೆಸರು.

ಸೋನಿಯಾ ಈ ಹಿಂದೆ ಜನಪ್ರಿಯ ಧಾರಾವಾಹಿ ಬಡೇ ಅಚ್ಚೆ ಲಗ್ತೆ ಹೈನಲ್ಲಿ ನಟಿಸಿದ್ದಾರೆ. ತುಮ್ ಬಿನ್ -2, ಬಜಾರ್ ಚಿತ್ರಗಳಲ್ಲಿ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ.

ಇದೀಗ ಕೇರಳ ಸ್ಟೋರಿ ಸಿನಿಮಾದಲ್ಲಿ ಆಸಿಫಾ ಪಾತ್ರ ಎಲ್ಲರ ವಿಶೇಷ ಗಮನ ಸೆಳೆದಿದೆ. ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗುತ್ತಿರುವಾಗಲೇ ಈ ಪಾತ್ರವನ್ನು ಒಪ್ಪಿಕೊಂಡಿದ್ದಕ್ಕೆ ಕಾರಣ ನೀಡಿದ್ದಾರೆ.

ಸೋನಿಯಾ, 'ನನ್ನ ಇಡೀ ಕುಟುಂಬ ಜೈಪುರ ಹೌಸ್‌ನಲ್ಲಿ ವಾಸಿಸುತ್ತಿದೆ. ಬಾಲ್ಯದಲ್ಲಿ ನಾನು ನನ್ನ ತಾಯಿಗೆ ಶಾಲೆಯ ಶಿಕ್ಷಕರನ್ನು ಫಾಲೋ ಮಾಡುತ್ತಿದ್ದೆ. ನಾನು ಶಾಲೆಯಲ್ಲಿ ನೃತ್ಯ, ನಟನೆಯನ್ನು ಇಷ್ಟಪಟ್ಟೆ. ಸೇಂಟ್ ಜಾನ್ಸ್ ಕಾಲೇಜಿನಲ್ಲಿ ಬಿಕಾಂ ಮಾಡಿದ ನಂತರ ನಾನು ಮುಂಬೈನಲ್ಲಿ ನಟನೆಯನ್ನು ಕಲಿತೆ ಎಂದಿದ್ದಾರೆ.

ದಿ ಕೇರಳ ಸ್ಟೋರಿ ಚಿತ್ರದ ಕುರಿತು ಮಾತನಾಡಿದ ಅವರು, 'ಇಂದು ಜನರು ನನ್ನ ಅಭಿನಯವನ್ನು ಮೆಚ್ಚುತ್ತಿದ್ದಾರೆ. ಇದರ ಸಂಪೂರ್ಣ ಕ್ರೆಡಿಟ್ ನನ್ನ ದಿವಂಗತ ತಾಯಿ ಶಾಂತಾ ಮತ್ತು ತಂದೆ ರಮೇಶ್ ಬಾಲಾನಿಗೆ ಸಲ್ಲುತ್ತದೆ. ಜನರು ನನ್ನ ನಟನೆಯನ್ನು ಇಷ್ಟಪಡುತ್ತಾರೆ ಎಂದು ಹೇಳಿದಾಗ ನನಗೆ ತುಂಬಾ ಸಂತೋಷವಾಗುತ್ತದೆ ಎಂದಿದ್ದಾರೆ.

ಚಿತ್ರದಲ್ಲಿ ನೆಗೆಟಿವ್ ರೋಲ್ ಮಾಡಿದ್ದು ಯಾಕೆ ಎಂಬ ಬಗ್ಗೆ ಮಾತನಾಡಿದ ಅವರು, 'ಸಿನಿಮಾದಲ್ಲಿ ನಾಯಕಿ ಮತ್ತು ನೆಗೆಟಿವ್ ಪಾತ್ರಗಳಿಗೆ ಹೆಚ್ಚಿನ ಪ್ರಾಮುಖ್ಯತೆ ಇರುವುದರಿಂದ ನಾನೇ ಆಸಿಫಾ ಪಾತ್ರವನ್ನು ಆಯ್ಕೆ ಮಾಡಿಕೊಂಡೆ. ಈ ಪಾತ್ರಕ್ಕಾಗಿ ಹಲವು ನಟಿಯರು ಆಡಿಷನ್ ಮಾಡಿದ್ದಾರೆ.' ಎಂದು ಹೇಳಿದ್ದಾರೆ.

ದಿ ಕೇರಳ ಸ್ಟೋರಿ ಮೊದಲ ದಿನದಲ್ಲಿ ವಿಶ್ವದಾದ್ಯಂತ ರೂ. 8 ಕೋಟಿ ಸಂಗ್ರಹಿಸಿದೆ. ಎರಡನೇ ದಿನ ರೂ. 11.22 ಕೋಟಿ, ಮೂರನೇ ದಿನ ರೂ. 16.40 ಕೋಟಿ, ನಾಲ್ಕನೇ ದಿನ ರೂ. 10.07 ಕೋಟಿ ಗಳಿಸಿದೆ. ಒಟ್ಟಾರೆ ಈ ಸಿನಿಮಾ ರೂ. 45.72 ಕೋಟಿ ಕಲೆಕ್ಷನ್ ಮಾಡಿದೆ ಎಂದು ಬಾಲಿವುಡ್ ಟ್ರೇಡ್ ವಿಶ್ಲೇಷಕ ತರಣ್ ಆದರ್ಶ್ ಬಹಿರಂಗಪಡಿಸಿದ್ದಾರೆ.