The Kerala Story: ಕೇರಳ ಸ್ಟೋರಿಯಲ್ಲಿ ಮುಸ್ಲಿಂ ಯುವತಿಯಾಗಿ ಅಭಿನಯಿಸಿದ ನಟಿಗೆ ಕೊಲೆ ಬೆದರಿಕೆ

ಕೇರಳ ಸ್ಟೋರಿ ಸಿನಿಮಾ ಸದ್ಯ ಎಲ್ಲೆಡೆ ಚರ್ಚೆಯಾಗುತ್ತಿದೆ. ಎರಡು ವಾರಗಳಲ್ಲಿ ಚಿತ್ರ 100 ಕೋಟಿ ಗಳಿಸಿದೆ. ಸಿನಿಮಾ ವಿವಾದಾತ್ಮಕವಾಗಿ ಸುದ್ದಿಯಾಗಿದ್ದು ಪಾಸಿಟಿವ್ ಹಾಗೂ ನೆಗೆಟಿವ್ ಪ್ರತಿಕ್ರಿಯೆ ಪಡೆಯುತ್ತಿದೆ.

ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದ ನಟಿ ಅದಾ ಶರ್ಮಾ ಅವರಿಗೆ ಕೊಲೆ ಬೆದರಿಕೆ ಬಂದಿದೆ. ಅದರ ನಂತರ ಅದಾ ಕೂಡ ಆತಂಕಕ್ಕೊಳಗಾಗಿದ್ದರು.

ಅದಾ ನಂತರ ಚಿತ್ರದಲ್ಲಿ ಮತ್ತೊಬ್ಬ ನಟಿಗೆ ಜೀವ ಬೆದರಿಕೆ ಹಾಕಿರುವುದು ಬಹಿರಂಗವಾಗಿದೆ. ನಟಿಯರಿಗೆ ಹೇಟ್ ಮೆಸೇಜ್​ಗಳ ಸಂಖ್ಯೆಯೂ ಹೆಚ್ಚಾಗಿದೆ.

ಕೇರಳದ ಸ್ಟೋರಿ ನಟಿ ಸೋನಿಯಾ ಬಾಲಾನಿಗೆ ಕೊಲೆ ಬೆದರಿಕೆ ಬಂದಿದೆ. ಸೋನಿಯಾ ಉತ್ತರ ಪ್ರದೇಶದ ನಿವಾಸಿಯಾಗಿದ್ದು, ಚಿತ್ರದಲ್ಲಿ ಆಸಿಫಾ ಪಾತ್ರದಲ್ಲಿ ನಟಿಸಿದ್ದಾರೆ.

ಈ ಪಾತ್ರದಲ್ಲಿ ನಟಿಸಿದ ನಂತರ ನನಗೆ ಸಾಕಷ್ಟು ಬೆದರಿಕೆಗಳು ಬಂದಿವೆ. ಇನ್ನು ಮುಂದೆ ನೀನು ಚೆನ್ನಾಗಿರಲ್ಲ ಎಂದು ಕೆಲವರು ಹೇಳಿದರೆ, ಕೆಲವರು ನನಗೆ ಕೊಲೆ ಬೆದರಿಕೆ ಹಾಕಿತ್ತಾರೆ ಎಂದು ಸೋನಿಯಾ ಹೇಳಿದ್ದಾರೆ.

ಬೆದರಿಕೆಗಳಿಗೆ ಪ್ರತಿಕ್ರಿಯಿಸಿದ ಸೋನಿಯಾ, "ನನಗೆ ಬೆದರಿಕೆಗಳು ಬರುವುದು ದೊಡ್ಡ ವಿಷಯವಲ್ಲ, ನಾನು ಮತಾಂತರಗೊಂಡ 7 ಸಾವಿರ ಹುಡುಗಿಯರನ್ನು ಭೇಟಿ ಮಾಡಿದ್ದೇನೆ. ಆ ಹುಡುಗಿಯರೆಲ್ಲರೂ ಈಗ ಆಶ್ರಮದಲ್ಲಿ ವಾಸಿಸುತ್ತಿದ್ದಾರೆ" ಎಂದು ಹೇಳಿದರು.

"ಈ ರೀತಿಯ ಪಾತ್ರಗಳನ್ನು ನಿರ್ವಹಿಸುವ ಅನೇಕ ನಟರಿಗೆ ಇದುವರೆಗೆ ಇಂತಹ ಬೆದರಿಕೆಗಳು ಬಂದಿವೆ. ಆದ್ದರಿಂದ ಇದು ದೊಡ್ಡ ವಿಷಯವಲ್ಲ" ಎಂದು ಅವರು ಹೇಳಿದರು.

ನಿಜ ಜೀವನದಲ್ಲಿ ನಾನು ಆಸಿಫಾ ಪಾತ್ರಕ್ಕಿಂತ ತುಂಬಾ ಭಿನ್ನವಾಗಿದ್ದೇನೆ. ನಾನು ಹಿಂದೆಂದೂ ಅಂತಹ ನೆಗೆಟಿವ್ ಪಾತ್ರಗಳನ್ನು ಮಾಡಲು ಬಯಸಿರಲಿಲ್ಲ. ಆದರೆ ಈ ಪಾತ್ರಗಳು ಸವಾಲಿನದ್ದಾಗಿದೆ ಎಂದಿದ್ದಾರೆ.