The Great Khali: 7 ಅಡಿಯ ದಿ ಗ್ರೇಟ್ ಖಲಿ ಕನ್ನಡಕ್ಕೆ ಬರೋದು ಪಕ್ಕಾ! WWE ಕುಸ್ತಿಪಟು ಯಾವ ಸಿನಿಮಾದಲ್ಲಿ ನಟಿಸ್ತಾರೆ?

ಸ್ಯಾಂಡಲ್‌ವುಡ್‌ಗೆ ಬಾಲಿವುಡ್‌ ಕಲಾವಿದರು ಬರ್ತಿದ್ದಾರೆ. ಕೆಜಿಎಫ್, ಕಾಂತಾರ ಚಿತ್ರ ಬಂದ್ಮೇಲೆ ಕನ್ನಡದ ಬಗ್ಗೆ ಬೇರೆ ಇಮೇಜ್ ಕ್ರಿಯೇಟ್ ಆಗಿದೆ. ಇದರ ಬೆನ್ನಲ್ಲಿಯೇ ಕನ್ನಡದ ಕೆಂಡದ ಸೆರಗು ಚಿತ್ರದ ಮೂಲಕ ರಿಯಲ್ ಫೈಟರ್ ದಿ ಗ್ರೇಟ್ ಖಲಿ ಕನ್ನಡಕ್ಕೆ ಕಾಲಿಡುತ್ತಿದ್ದಾರೆ.

ಕೆಂಡದ ಸೆರಗು ಸಿನಿಮಾದಲ್ಲಿ ಬಿಗ್ ಬಾಸ್ ಖ್ಯಾತಿಯ ನಟಿ ಭೂಮಿ ಶೆಟ್ಟಿ ಅಭಿನಯಸಿದ್ದಾರೆ. ಕುಸ್ತಿ ಪಟುವಾಗಿ ಚಿತ್ರದಲ್ಲಿ ಭೂಮಿ ಅಭಿನಯಿಸಿದ್ದು, ಈ ಹಿನ್ನೆಲೆಯಲ್ಲಿ ದಿ ಗ್ರೇಟ್ ಖಲಿ ಈ ಚಿತ್ರದಲ್ಲಿ ಪ್ರಮುಖ ಪಾತ್ರ ಮಾಡಲು ಕನ್ನಡಕ್ಕೆ ಬರುತ್ತಿದ್ದಾರೆ.

ಡೈರೆಕ್ಟರ್ ರಾಕಿ ಸೋಮ್ಲಿ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದಾರೆ. ಈಗಾಗಲೇ ಬಹುತೇಕ ಚಿತ್ರೀಕರಣವನ್ನೂ ಮುಗಿಸಿದ್ದಾರೆ. ದಾವಣಗೆರೆಯಲ್ಲಿ ಈ ಚಿತ್ರದ ಚಿತ್ರೀಕರಣವೂ ನಡೆದಿದೆ. ಇದಕ್ಕೆ ಕಾರಣ ಈ ಭಾಗದಲ್ಲಿ ಕುಸ್ತಿ ಪಟುಗಳು ಸಾಕಷ್ಟು ಇದ್ದಾರೆ.

ಚಿತ್ರದಲ್ಲಿ ಕುಸ್ತಿ ಪಟು ಕಥೆ ಕೂಡ ಇರೋದ್ರಿಂದಲೇ ದಿ ಗ್ರೇಟ್ ಖಲಿ ಈ ಚಿತ್ರದಲ್ಲಿ ಅಭಿನಯಿಸೋಕೆ ಒಪ್ಪಿದ್ದಾರೆ ಅಂತ ಹೇಳಬಹುದು. ಚಿತ್ರದ ನಿರ್ದೇಶಕ ರಾಕಿ ಸೋಮ್ಲಿ ಈಗಾಗಲೇ ದಿ ಗ್ರೇಟ್ ಖಲಿಯನ್ನ ಭೇಟಿ ಆಗಿದ್ದಾರೆ.

ಡೈರೆಕ್ಟರ್ ರಾಕಿ ಸೋಮ್ಲಿ, ದಿ ಗ್ರೇಟ್ ಖಲಿಯನ್ನ ಭೇಟಿಯಾಗಿದ್ದಾರೆ. ಚಿತ್ರದ ಕಥೆಯನ್ನೂ ಹೇಳಿದ್ದಾರೆ. ಖಲಿಯ ಪಾತ್ರದ ಕುರಿತು ವಿವರಣೆ ಕೊಟ್ಟಿದ್ದಾರೆ. ಅಲ್ಲಿಗೆ ಈಗ ಎಲ್ಲವೂ ಪಾಸಿಟಿವ್ ಆಗಿಯೇ ಇದೆ. ಇನ್ನು ದಿ ಗ್ರೇಟ್ ಖಲಿ ಕನ್ನಡಕ್ಕೆ ಬರ್ತಾರೆ ಅನ್ನುವ ವಿಷಯವನ್ನ ಅಧಿಕೃತವಾಗಿ ಡೈರೆಕ್ಟರ್ ರಾಕಿ ಸೋಮ್ಲಿ ತಿಳಿಸಿದ್ದಾರೆ.

ದಿ ಗ್ರೇಟ್ ಖಲಿ ಎತ್ತರ ಎಷ್ಟು ಅನ್ನೋರಿಗೆ ಉತ್ತರಿಸೋದಾದರೆ, 7 ಅಡಿ 1 ಇಂಚು ಎತ್ತರದ ಖಲಿ ತೂಕ ಕೂಡ ಭರ್ಜರಿಯಾಗಿದೆ. 157.5 ತೂಕ ಇರೋ ಖಲಿ ಕನ್ನಡಕ್ಕೆ ಕಾಲಿಡೋದು ಪಕ್ಕಾ ಅಂತಲೇ ಡೈರೆಕ್ಟರ್ ರಾಕಿ ಸೋಮ್ಲಿ ಈಗ ಹೇಳಿದ್ದಾರೆ.

ರಾಕಿ ಸೋಮ್ಲಿ ತಮ್ಮ ಈ ಚಿತ್ರದ ಖಲಿ ಪಾತ್ರದ ಚಿತ್ರೀಕರಣವನ್ನ ಶೀಘ್ರದಲ್ಲಿಯೇ ಚಿತ್ರೀಕರಣ ಮಾಡೋ ಪ್ಲಾನ್ ಮಾಡಿಕೊಂಡಿದ್ದಾರೆ. ಶೀಘ್ರದಲ್ಲಿಯೇ ಖಲಿಯ ಮೊದಲ ಕನ್ನಡ ಸಿನಿಮಾದ ಪಾತ್ರದ ಚಿತ್ರೀಕರಣ ಶುರು ಆಗಲಿದೆ.