The Family Man 2 ಖ್ಯಾತಿಯ ನಟಿ ಪ್ರಿಯಾಮಾಣಿ ಈ ಹಿಂದೆ ಬಿಕಿನಿ ತೊಟ್ಟು ವಿವಾದಕ್ಕೀಡಾಗಿದ್ದರು..!

ಪ್ರಿಯಾಮಣಿ ಸಿನಿಮಾಗಳಲ್ಲಿ ಹೆಚ್ಚಾಗಿ ಗ್ಲಾಮರಸ್​ ಹಾಗೂ ಬೋಲ್ಡ್​ ಪಾತ್ರಗಳಲ್ಲಿ ನಟಿಸಿಲ್ಲ. ಇಂತಹ ನಟಿ ಒಮ್ಮೆ ಹಾಟ್​ ಲುಕ್ಸ್​ನಲ್ಲಿ ಕಾಣಿಸಿಕೊಂಡು ಚರ್ಚೆಯ ವಿಷಯವಾಗಿದ್ದರು. 

ಹೌದು, ಪ್ರಿಯಾಮಣಿ ತೆಲುಗು ಸಿನಿಮಾ ಒಂಧರಲ್ಲಿ ಬಿಕಿನಿ ತೊಟ್ಟು ದೃಶ್ಯವೊಂದರಲ್ಲಿ ಕಾಣಿಸಿಕೊಂಡಿದ್ದರು.

ಅದು ನಿತಿನ್​ ನಾಯಕರಾಗಿ ನಟಿಸಿರುವ ದ್ರೋಣ ಸಿನಿಮಾ. ಈ ಚಿತ್ರದಲ್ಲಿ ಪ್ರಿಯಾಮಣಿ ಬಿಕಿನಿಯಲ್ಲಿ ಕಾಣಿಸಿಕೊಂಡಿದ್ದರು.

2009ರಲ್ಲಿ ತೆರೆಕಂಡ ದ್ರೋಣ ಸಿನಿಮಾವನ್ನು ನಿರ್ಮಿಸಿದ್ದು ಡಿಎಸ್​ ರಾವ್​.

ಬಾಕ್ಸಾಫಿಸ್​ನಲ್ಲಿ ಈ ಸಿನಿಮಾ ನೆಲ ಕಚ್ಚಿದರೂ ಪ್ರಿಯಾಮಣಿ ಅವರ ಹೆಸರು ಮಾತ್ರ ಸಿಕ್ಕಾಪಟ್ಟೆ ಸುದ್ದಿಯಲ್ಲಿತ್ತು.

ಕಾರಣ, ಪ್ರಿಯಾಮಣಿ ಹೆಚ್ಚಿನ ಸಂಭಾವನೆ ಪಡೆದು ಈ ಸಿನಿಮಾದಲ್ಲಿ ಬಿಕಿನಿ ತೊಟ್ಟು ಕಾಣಿಸಿಕೊಂಡಿದ್ದಾರೆ ಎಂದೆಲ್ಲ ಸುದ್ದಿ ಹಬ್ಬಿತ್ತು.

ಹಣಕ್ಕಾಗಿ ಪ್ರಿಯಾ ಬಿಕಿನಿಯಲ್ಲಿ ಕಾಣಿಸಿಕೊಂಡಿದ್ದಾರೆ ಎಂದೂ ಆರೋಪಿಸಲಾಗಿತ್ತು.

ಪ್ರಿಯಾಮಣಿ ಅವರ ಬಿಕಿನಿ ವಿವಾದಕ್ಕೆ ಸಂಬಂಧಿಸಿದಂತೆ ದ್ರೋಣ ಸಿನಿಮಾದ ನಿರ್ಮಾಪಕ ಸ್ಪಷ್ಟನೆ ನೀಡಿದ್ದಾರೆ.

ಟಾಲಿವುಡ್​ ಸಿನಿಮಾಗಳ ವೆಬ್​ ಸೈಟ್​ ಒಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ಈ ವಿಷಯದ ಬಗ್ಗೆ ರಾವ್​ ಅವರು ಮಾತನಾಡಿದ್ದಾರೆ.

ನಟಿ ಪ್ರಿಯಾಮಣಿ ಬಿಕಿನಿ ತೊಡಲು ಓಕೆ ಎಂದಿದ್ದು ಹಣಕ್ಕಾಗಿ ಅಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ದ್ರೋಣ ಸಿನಿಮಾದಲ್ಲಿ ಪ್ರಿಯಾಮಣಿ ಅವರ ಮೇಲೆಯೇ ಒಂದು ಸಿಂಗಲ್​ ಹಾಡನ್ನು ಮಾಡುವುದಾಗಿ ಹೇಳಿದಕ್ಕೆ ಅವರು ಬಿಕಿನಿ ತೊಡಲು ಓಕೆ ಮಾಡಿದ್ದು ಎಂದು ನಿರ್ಮಾಪಕ ರಾವ್​ ಅವರು ತಿಳಿಸಿದ್ದಾರೆ.

ನಟಿ ಪ್ರಿಯಾಮಣಿ ಅಭಿನಯದ ದ ಫ್ಯಾಮಿಲಿ ಮ್ಯಾನ್​ ಸೀಸನ್​ 2 ವೆಬ್​ ಸರಣಿ ರಿಲೀಸ್ ಆಗಿದೆ.

ನಟಿ ಪ್ರಿಯಾಮಣಿ ಪಾತ್ರಕ್ಕೆ ಮೆಚ್ಚುಗೆಯೂ ವ್ಯಕ್ತವಾಗುತ್ತಿದೆ.

ಜೊತೆಗೆ ನಟಿ ಪ್ರಿಯಾಮಣಿ ಅವರ ಹುಟ್ಟುಹಬ್ಬವೂ ಇಂದು.