ಸುಶಾಂತ್ ಸಿಂಗ್​ ಸಾವಿನ ಪ್ರಕರಣ: ಅಕ್ರಮ ಹಣ ವರ್ಗಾವಣೆ ಪ್ರಕರಣ ದಾಖಲಿಸಿದ ಜಾರಿ ನಿರ್ದೇಶನಾಲಯ

ಸುಶಾಂತ್​ ಸಿಂಗ್​ ರಜಪೂತ್​ ಸಾವಿನ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈಗ ಪಾಟ್ನಾ ಪೊಲೀಸರೂ ಸಹ ತನಿಖೆ ಆರಂಭಿಸಿದ್ದಾರೆ.

ಸುಶಾಂತ್​ ಸಿಂಗ್​ ಅಗಲಿದ ಒಂದೂವರೆ ತಿಂಗಳ ನಂತರ ಅವರ ತಂದೆ ಕೆ ಕೆ ಸಿಂಗ್​ ಅವರು ರಿಯಾ ವಿರುದ್ಧ ಪಾಟ್ನಾದ ರಾಜೀವ್​ ನಗರದಲ್ಲಿರುವ ಪೊಲೀಸ್​ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಈ ಸಂಬಂಧ ಎಫ್​ಐಆರ್​ ಸಹ ದಾಖಲಿಸಲಾಗಿದೆ.

ಸುಶಾಂತ್​ ಅವರ ತಂದೆ ರಿಯಾ ವಿರುದ್ಧ ನೀಡಿರುವ ದೂರಿನ ಆಧಾರದ ಮೇಲೆಯೇ ಈಗ ಜಾರಿ ನಿರ್ದೇಶನಾಲಯ (ಇಡಿ) ಅಕ್ರಮ ಹಣ ವರ್ಗಾವಣೆ  ಆರೋಪದಡಿ ಪ್ರಕರಣ ದಾಖಲಿಸಿಕೊಂಡಿದೆ.

ರಿಯಾ ವಿರುದ್ಧ ಪಾಟ್ನಾದಲ್ಲಿ ದಾಖಲಾಗಿರುವ ಎಫ್​ಐಆರ್​ನಲ್ಲಿರುವ ವಿಷಯಗಳ ಬಗ್ಗೆ ಮಾಹಿತಿ ಪಡೆದಿದ್ದಾರೆ ಇಡಿ ಅಧಿಕಾರಿಗಳು.

ಸುಶಾಂತ್ ಸಾವು ಹಾಗೂ ಅವರಿಗೆ ಸಂಬಂಧಿಸಿದ ಹಣದ ವಿಷಯದಲ್ಲಿ ನಡೆದಿದೆ ಎನ್ನಲಾಗುತ್ತಿರುವ ಅವ್ಯವಹಾರ ಹಾಗೂ ಅಕ್ರಮಕ್ಕೆ ಸಂಬಂಧಿಸಿದಂತೆ ವರದಿ ನೀಡಲಿದೆಯಂತೆ.

ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಬಿಹಾರದ ಪೊಲೀಸರಿಂದ ಎಫ್​ಐಆರ್ ಪ್ರತಿ ಪಡೆದಿದ್ದಾರಂತೆ.

ಸುಶಾಂತ್​ ಸಿಂಗ್​ ಅವರ ತಂದೆ ಕೃಷ್ಣ ಕುಮಾರ್ ಸಿಂಗ್​ ಅವರು ಆರೋಪಿಸಿರುವಂತೆ ಒಂದುವೇಳೆ ಸುಶಾಂತ್​ ಅವರ ಹಣದ ದುರುಪಯೋಗ ಆಗಿದ್ದಲ್ಲಿ, ಅದರ ಬಗ್ಗೆಯೂ ತನಿಖೆ ನಡೆಸಲಾಗುವುದು ಎಂದು ಇಡಿ ಅಧಿಕಾರಿಗಳು ತಿಳಿಸಿದ್ದಾರೆ.

ಸುಶಾಂತ್​ ಸಿಂಗ್​ ಅವರ ತಂದೆ ಪಾಟ್ನಾದಲ್ಲಿ ದಾಖಲಿಸಿರುವ ಪ್ರಕರಣವನ್ನು ಮುಂಬೈಗೆ ವರ್ಗಾಯಿಸುವಂತೆ ಕೋರಿ ಸುಪ್ರೀಂಕೋರ್ಟ್​ನಲಲಿ ರಿಯಾ ಅರ್ಜಿ ಸಲ್ಲಿಸಿದ್ದಾರೆ.

ಕೆಲ ಗಂಟೆಗಳ ಹಿಂದೆಯಷ್ಟೆ ರಿಯಾ, ತಮ್ಮ ವಿರುದ್ಧ ದಾಖಲಾಗಿರುವ ಎಫ್​ಐಆರ್​ ಕುರಿತಂತೆ ಪ್ರತಿಕ್ರಿಯೆ ನೀಡಿ ಒಂದು ವಿಡಿಯೋ ರಿಲೀಸ್​ ಮಾಡಿದ್ದಾರೆ.

ಜೂನ್​ 14ರಂದು ಸುಶಾಂತ್​ ಆತ್ಮಹತ್ಯೆ ಮಾಡಿಕೊಂಡಿದ್ದು, 34 ವರ್ಷದ ಈ ನಟ ಚಿಚೋರೆ, ದಿಲ್​ ಬೆಚಾರ, ಎಂ.ಎಸ್​. ಧೋನಿ, ಪಿ.ಕೆ., ರಾಬ್ತಾ, ಸೋನ್​ಚಿಡಿಯಾ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಸುಶಾಂತ್​ ಅಗಲಿದ ನಂತರ ಅವರ ಕಡೆಯ ಸಿನಿಮಾ ದಿಲ್​ ಬೆಚಾರ ರಿಲೀಸ್ ಆಗಿದೆ.

ಸುಶಾಂತ್​ ಸಿಂಗ್​ ರಜಪೂತ್​

ಸುಶಾಂತ್​ ಸಿಂಗ್​ ರಜಪೂತ್​

ಸುಶಾಂತ್​ ಸಿಂಗ್​ ರಜಪೂತ್​

ಸುಶಾಂತ್​ ಸಿಂಗ್​ ರಜಪೂತ್​

ಸುಶಾಂತ್​ ಸಿಂಗ್​ ರಜಪೂತ್​