ಉಫ್​...ವಿಜಯ್ ತಮ್ಮ 65ನೇ ಚಿತ್ರಕ್ಕೆ ಪಡೆಯುತ್ತಿರುವ ಸಂಭಾವನೆ ಇಷ್ಟೊಂದಾ?

ಏಕೆಂದರೆ ವಿಜಯ್ ಚಿತ್ರಗಳಿಗೆ ಹಾಕಿದ ಬಂಡವಾಳ 2ನೇ ವಾರದಲ್ಲೇ ಹಿಂತಿರುಗುತ್ತದೆ ಎಂಬ ಮಾತು ಕಾಲಿವುಡ್​ನಲ್ಲಿದೆ. ಅಂತಹದೊಂದು ಸ್ಟಾರ್​ಡಂ ಸೃಷ್ಟಿಸಿ ತಮಿಳು ಚಿತ್ರರಂಗವನ್ನು ಆಳುತ್ತಿದ್ದಾರೆ ಇಳಯ ಸೂಪರ್ ಸ್ಟಾರ್.

ಅಂತ್ರದಲ್ಲಿ ಖ್ಯಾತ ನಿರ್ದೇಶಕ ಮುರುಗದಾಸ್ ಮತ್ತೊಮ್ಮೆ ವಿಜಯ್ ಚಿತ್ರವನ್ನು ಘೋಷಿಸಿದ್ರೆ ಏನಾಗಬೇಡ. ಅದುವೇ ಆಗಿದೆ. ಚಿತ್ರ ಸೆಟ್ಟೇರುವ ಮುನ್ನವೇ ಹೊಸ ಸಿನಿಮಾ ಬಗ್ಗೆ ಕಾಲಿವುಡ್ ಕಡಲ ಕಿನಾರೆಯಲ್ಲಿ ಟಾಕ್ ಶುರುವಾಗಿದೆ.

'ಕತ್ತಿ', 'ತುಪ್ಪಾಕಿ', 'ಸರ್ಕಾರ್‌' ಸೂಪರ್ ಡೂಪರ್ ಹಿಟ್ ಚಿತ್ರಗಳನ್ನು ಕೊಟ್ಟಿರುವ ವಿಜಯ್-ಮುರುಗದಾಸ್ ಜೋಡಿ ಮತ್ತೆ ಜೊತೆಯಾಗಿ ಕೆಲಸ ಮಾಡುವುದು ಕನ್ಫರ್ಮ್ ಆಗಿದೆ. ಸದ್ಯ ಕೊರೋನಾ ಕಾರಣದಿಂದ ಚಿತ್ರದ ಮುಹೂರ್ತವನ್ನು ಮುಂದೂಡಲಾಗಿದೆ.

ಇನ್ನೂ ಹೆಸರಿಡದ ಈ ಚಿತ್ರಕ್ಕಾಗಿ ಇಳಯ ದಳಪತಿ ಪಡೆಯಲಿರುವ ಸಂಭಾವನೆ 100 ಕೋಟಿ ಎಂದು ಹೇಳಲಾಗಿತ್ತು. ಇದಕ್ಕೆ ಕಾರಣ ಕಳೆದ ಕೆಲ ವರ್ಷಗಳಿಂದ ವಿಜಯ್ ಹೆಸರಿನಲ್ಲಿ ಫ್ಲಾಪ್​ ಸಿನಿಮಾ ಮೂಡಿ ಬಂದಿಲ್ಲ. ಅದರಲ್ಲೂ ಕೊನೆಯ ಬಾರಿ ತೆರೆಕಂಡ ಬಿಗಿಲ್ ನಿರೀಕ್ಷೆಯನ್ನು ಮೀರಿ 300 ಕೋಟಿಗಿಂತಲೂ ಹೆಚ್ಚು ಕಲೆಕ್ಷನ್ ಮಾಡಿತ್ತು.

ಈ ಕಾರಣದಿಂದ 65ನೇ ಸಿನಿಮಾ ಸಂಭಾವನೆಯನ್ನು ಇಳಯ ದಳಪತಿ ಹೆಚ್ಚಿಸಿದ್ದರು. ಅದು 100 ಕೋಟಿ ಎಂದು ಹೇಳಲಾಗಿದ್ದರೂ ಇದೀಗ ಅಷ್ಟೊಂದು ಕೊಡಲು ನಿರ್ಮಾಪಕರು ಹಿಂದೇಟು ಹಾಕಿದ್ದಾರೆ ಎಂಬ ಸುದ್ದಿಯಿದೆ.

ಕೊರೋನಾ ಕಾರಣದಿಂದ ಚಿತ್ರರಂಗದ ವಹಿವಾಟು ಕುಸಿದಿದೆ. ಹೀಗಾಗಿ ನಿರ್ಮಾಣ ಸಂಸ್ಥೆ ಸನ್ ಪಿಕ್ಚರ್ಸ್​ ವಿಜಯ್ ಅವರಲ್ಲಿ ಸಂಭಾವನೆಯನ್ನು ಕಡಿತಗೊಳಿಸಲು ಮನವಿ ಮಾಡಿದ್ದಾರೆ. ಅದರಂತೆ ಇಳಯ ದಳಪತಿ ಮುರುಗದಾಸ್ ಚಿತ್ರಕ್ಕೆ 20 ಕೋಟಿ ಕಡಿಮೆ ಸಂಭಾವನೆ ಪಡೆಯಲು ಒಪ್ಪಿದ್ದಾರೆ ಎಂಬ ಸುದ್ದಿಯೊಂದು ಹೊರಬಿದ್ದಿದೆ.

ಅಲ್ಲಿಗೆ ಮತ್ತೊಮ್ಮೆ ಸರ್ಕಾರ್ ಚಿತ್ರದ ನಿರ್ಮಾಪಕರು, ನಿರ್ದೇಶಕರು ಹಾಗೂ ನಟ ಭರ್ಜರಿ ಚಿತ್ರದೊಂದಿಗೆ ದಳಪತಿ ಫ್ಯಾನ್ಸ್ ಮುಂದೆ ಬರುವುದು ಕನ್ಫರ್ಮ್ ಆಗಿದೆ.

ಇನ್ನು ವಿಜಯ್ ಹಾಗೂ ವಿಜಯ್ ಸೇತುಪತಿ ಜುಗಲ್​ಬಂಧಿ ಮಾಸ್ಟರ್​ ಸಿನಿಮಾ ಈಗಾಗಲೇ ಭಾರೀ ನಿರೀಕ್ಷೆ ಹುಟ್ಟುಹಾಕಿದ್ದು, ಕೊರೋನಾ ಕಾರಣದಿಂದ ಚಿತ್ರದ ರಿಲೀಸ್ ಡೇಟ್ ಮುಂದೂಡಲಾಗಿದೆ. ಇತ್ತ ಮಾಸ್ಟರ್​ ಚಿತ್ರವನ್ನು ಒಟಿಟಿ ಪ್ಲಾಟ್​ಫಾರ್ಮ್​​ನಲ್ಲಿ ಬಿಡುಗಡೆ ಮಾಡಲು ಅಮೆಜಾನ್ ಪ್ರೈಂ ಪ್ರಯತ್ನಪಟ್ಟರೂ, ಅತ್ತ ನಿರ್ಮಾಪಕರು ಇಳಯ ದಳಪತಿ ಅಭಿಮಾನಿಗಳಿಗೆ ನಿರಾಸೆ ಮಾಡುವುದಿಲ್ಲ. ಮಾಸ್ಟರ್​ ಥಿಯೇಟರ್​ನಲ್ಲೇ ಬಿಡುಗಡೆಯಾಗಲಿದೆ ಎಂದು ಘೋಷಿಸಿದ್ದಾರೆ.