Thalapathy 66: ಏನ್​ ಗುರೂ ಕೋಟಿಗಳಿಗೆ ಬೆಲೆನೇ ಇಲ್ವಾ.. ವಿಜಯ್​ ಸಂಭಾವನೆ ಕೇಳಿದ್ರೆ ತಲೆ ತಿರುಗಿ ಬೀಳ್ತೀರಾ!

ಭಾರತ ಚಿತ್ರರಂಗದಲ್ಲಿ ಅತಿ ಹೆಚ್ಚು ಅಭಿಮಾನಿಗಳನ್ನು ಹೊಂದಿರುವ ನಟರಲ್ಲಿ ತಮಿಳಿನ ನಟ ವಿಜಯ್​ ಕೂಡ ಇದ್ದಾರೆ. ವಿಜಯ್​ ಸಿನಿಮಾಗಳೆಂದರೆ ಅಲ್ಲಿ ಹಬ್ಬ. ಬೇರೆ ಭಾಷೆಗಳ ರಾಜ್ಯದಲ್ಲೂ ಅಭಿಮಾನಿಗಳನ್ನು ಹೊಂದಿದ್ದಾರೆ ವಿಜಯ್.

ವಿಜಯ್​ ಸಿನಿಮಾಗಳು ರಿಲೀಸ್​ ಆದ ಕೆಲವೇ ದಿನಗಳಲ್ಲಿ ನೂರು-ಇನ್ನುರು ಕೋಟಿ ಗಳಿಕೆಯನ್ನು ಸುಲಭಕ್ಕೆ ಮಾಡಿಬಿಡುತ್ತದೆ. ಹೀಗಾಗಿ ಇವರ ಕಾಲ್​ಶೀಟ್​ಗಾಗಿ ನಿರ್ಮಾಕರು ಕಾಯುತ್ತಾ ಕುಳಿತಿರುತ್ತಾರೆ.

ಉದಾಹರಣಗೆ ಕಳೆದ ವರ್ಷ ಕೊರೋನಾ ಸಮಯದಲ್ಲಿ ಬಿಡುಗಡೆಯಾದ ವಿಜಯ್​ ಅಭಿನಯದ ಮಾಸ್ಟರ್​ ಸಿನಿಮಾ ಸೂಪರ್​ ಹಿಟ್​ ಆಗಿತ್ತು. ಶೇ.50ರಷ್ಟೇ ಸೀಟು ಭರ್ತಿಗೆ ಅವಕಾಶ ಇತ್ತು. ಹೀಗಿದ್ದರೂ ಮಾಸ್ಟರ್​ ಸಿನಿಮಾ ನೂರಾರು ಕೋಟಿ ಗಳಿಸಿತ್ತು.

ಇದೀಗ ವಿಜಯ್​ ಕೂಡ ಸಂಭಾವನೆ ಹೆಚ್ಚಿಸಿಕೊಂಡಿದ್ದಾರೆ. ವಿಜಯ್ ಕೆಲವು ದಿನಗಳ ಹಿಂದಷ್ಟೆ ತಮ್ಮ 66ನೇ ಸಿನಿಮಾ ಒಪ್ಪಿಕೊಂಡಿದ್ದಾರೆ. ತೆಲುಗಿನಲ್ಲಿ ಕೆಲವು ಹಿಟ್ ಸಿನಿಮಾಗಳನ್ನು ನಿರ್ದೇಶನ ಮಾಡಿರುವ ವಂಶಿ ಪೈಡಿಪಲ್ಲಿ ನಿರ್ದೇಶನ ಮಾಡಲಿರುವ ಈ ಸಿನಿಮಾಕ್ಕೆ ದೊಡ್ಡ ಸಿನಿಮಾಗಳ ನಿರ್ಮಾಪಕ ದಿಲ್ ರಾಜು ಬಂಡವಾಳ ಹೂಡಲಿದ್ದಾರೆ.

'ಮಾಸ್ಟರ್', 'ಬೀಸ್ಟ್' ಸಿನಿಮಾಗಳಿಗೆ ಕ್ರಮವಾಗಿ 70, 80 ಕೋಟಿ ಸಂಭಾವನೆ ಪಡೆದಿದ್ದ ನಟ ವಿಜಯ್ ತಮ್ಮ 66ನೇ ಸಿನಿಮಾಕ್ಕೆ 100 ಕೋಟಿಗೂ ಹೆಚ್ಚು ಸಂಭಾವನೆ ಪಡೆಯುತ್ತಿದ್ದಾರೆ.

ಮೂಲಗಳ ಪ್ರಕಾರ ಈ ಸಿನಿಮಾಕ್ಕೆ ವಿಜಯ್ ಬರೋಬ್ಬರಿ 120 ಕೋಟಿ ರುಪಾಯಿ ಸಂಭಾವನೆ ಪಡೆಯುತ್ತಿದ್ದಾರಂತೆ. ಆ ಮೂಲಕ ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿರುವ ಭಾರತದ ನಟ ಎಂಬ ಖ್ಯಾತಿಯನ್ನು ವಿಜಯ್ ಪಡೆಯುತ್ತಿದ್ದಾರೆ.

ಒಟಿಟಿ ಹಾಗೂ ಮನೊರಂಜನಾ ಚಾನೆಲ್ ಎರಡೂ ಹೊಂದಿರುವ ಮೀಡಿಯಾ ಸಂಸ್ಥೆಯೊಂದು ಈ ಸಿನಿಮಾದ ಸ್ಯಾಟಲೈಟ್ ಹಾಗೂ ಡಿಜಿಟಲ್ ಹಕ್ಕು ಎರಡಕ್ಕೂ ಸೇರಿ 200 ಕೋಟಿ ಆಫರ್ ನೀಡಿದೆಯಂತೆ. ಆದರೆ ಒಪ್ಪಂದಕ್ಕೆ ದಿಲ್‌ ರಾಜು ಇನ್ನೂ ಸಹಿ ಹಾಕಿಲ್ಲ.