Vijay: ಯಶ್​, ಶಾರುಖ್, ಪ್ರಭಾಸ್​ನನ್ನೂ ಮೀರಿಸಿದ ವಿಜಯ್! ಸಂಭಾವನೆಯಲ್ಲಿ ಹೊಸ ದಾಖಲೆ

ದಳಪತಿ ವಿಜಯ್ ಅವರು ಸೌತ್​ನ ಸೂಪರ್​ಸ್ಟಾರ್​ ನಟರಲ್ಲಿ ಒಬ್ಬರು. ನಟನ ಸಿನಿಮಾಗಳು ತಮಿಳು ಚಿತ್ರರಂಗ ಮಾತ್ರವಲ್ಲದೆ ಇತರ ಇಂಡಸ್ಟ್ರಿಯಲ್ಲಿಯೂ ಹಿಟ್ ಆಗುತ್ತದೆ. ಬಾಕ್ಸ್ ಆಫೀಸ್ ಕಲೆಕ್ಷನ್ ವಿಚಾರದಲ್ಲಿಯೂ ವಿಜಯ್ ಸಿನಿಮಾಗಳು ಕಮಾಲ್ ಮಾಡುತ್ತವೆ. ಸೋಷಿಯಲ್ ಮೀಡಿಯಾ ಫಾಲೋವರ್ಸ್, ಸಂಭಾವನೆ ವಿಚಾರದಲ್ಲಿಯೂ ವಿಜಯ್ ಟಾಪ್.

ಇದೀಗ ವಿಜಯ್ ಹೊಸ ದಾಖಲೆ ಮಾಡೋಕೆ ರೆಡಿಯಾಗಿದ್ದಾರೆ. ಭಾರತದಲ್ಲಿ ಟಾಪ್ ಸ್ಟಾರ್​ಗಳಾಗಿರುವ ಶಾರುಖ್, ಪ್ರಭಾಸ್, ಯಶ್ ಅವರನ್ನು ಮೀರಿಸಿ ಹೊಸ ದಾಖಲೆ ಬರೆಯೋಕೆ ರೆಡಿಯಾಗಿದ್ದಾರೆ. ಆ ದಾಖಲೆ ಏನು ಗೊತ್ತಾ?

ಭಾರತೀಯ ಚಿತ್ರರಂಗದ ಚರಿತ್ರೆಯಲ್ಲೇ ಮೊದಲಬಾರಿಗೆ ಒಂದು ಸಿನಿಮಾಗೆ ಸಂಭಾವನೆಯಾಗಿ 200 ಕೋಟಿ ರೂಪಾಯಿ ಸ್ವೀಕರಿಸಲು ವಿಜಯ್ ರೆಡಿಯಾಗಿದ್ದಾರೆ. ತಮ್ಮ ಮುಂದಿನ ಸಿನಿಮಾಗೆ ವಿಜಯ್ ಬರೋಬ್ಬರಿ 200 ಕೋಟಿ ರೂಪಾಯಿ ಪಡೆಯಲಿದ್ದಾರಂತೆ.

ದಳಪತಿ ವಿಜಯ್ ವೆಂಕಟ್ ಪ್ರಭು ಜೊತೆ ಮುಂದಿನ ಸಿನಿಮಾ ಮಾಡಲಿದ್ದಾರೆ. ಲಿಯೋ ಸಿನಿಮಾದ ನಂತರ ಆ ಸಿನಿಮಾ ಕೆಲಸ ಶುರುವಾಗಲಿದೆ. ಈ ಸುದ್ದಿ ಖಚಿತವಾಗದಿದ್ದರೂ ಆದರೆ ಈ ಮೂವಿಗೆ ನಟ ಮಾಡಿರೋ ಚಾರ್ಜ್ ವಿಚಾರ ಸುದ್ದಿಯಾಗಿದೆ.

ಈ ಸೋಷಿಯಲ್ ಮೀಡಿಯಾ ಚರ್ಚೆಗಳನ್ನು ನಂಬುವುದಾದರೆ ನಟ ಈ ಸಿನಿಮಾಗೆ 200 ಕೋಟಿ ಪಡೆಯಲಿದ್ದಾರೆ. ಎಜಿಎಸ್ ಎಂಟರ್​ಟೈನ್​ಮೆಂಟ್ ಈ ಸಿನಿಮಾಗೆ ಬಂಡವಾಳ ಹೂಡಲಿದೆ ಎನ್ನಲಾಗಿದೆ.

ಇದುವೇ ಪ್ರೊಡಕ್ಷನ್ ಕಂಪೆನಿ ಈ ಹಿಂದೆ ವಿಜಯ್ ಅವರ ಬ್ಲಾಕ್​ಬಸ್ಟರ್ ಸಿನಿಮಾ ಬಿಗಿಲ್ ನಿರ್ಮಿಸಿತ್ತು. ಇದನ್ನು ಅಟ್ಲೀ ನಿರ್ಮಿಇಸಿದ್ದು 2019ರಲ್ಲಿ ರಿಲೀಸ್ ಆಗಿತ್ತು. ದಳಪತಿ 68 ಪ್ರಾಜೆಕ್ಟ್ ವೆಂಕಟ್ ಪ್ರಭು ಜೊತೆ ನಡೆಯಲಿದೆ. ನಿರ್ದೇಶಕ ವೆಂಕಟ್ ಪ್ರಭು ಅವರು ಮಾನಾಡು, ಮಾಂಕಾದ ಮನ್ಮದೈ ಲೀಲಾ ಹಾಗೂ ಇತರ ಸಿನಿಮಾಗಳಿಗೆ ಪ್ರಸಿದ್ಧರಾಗಿದ್ದಾರೆ.

ಮಾಸ್ಟರ್ ಸಿನಿಮಾಗಾಗಿ ವಿಜಯ್ 80 ಕೋಟಿ ಸಂಭಾವನೆ ಪಡೆದಿದ್ದರು. ಆದರೆ ನಟನ ಸಂಭಾವನೆ ದಿಢೀರ್ ಏರಿಕೆಯಾಗಲು ಕಾರಣ ಬೇರೇನೂ ಅಲ್ಲ. ಲೋಕೇಶ್ ಕನಗರಾಜ್ ಅವರ ಜೊತೆ ವಿಜಯ್ ಮಾಡುತ್ತಿರುವ ಲಿಯೋ ಸಿನಿಮಾವೇ ಈ ದಿಢೀರ್ ಸಂಭಾವನೆ ಏರಿಕೆಗೆ ಕಾರಣ.

ಲಿಯೋ ಸಿನಿಮಾ ಗ್ಯಾಂಗಸ್ಟರ್ ಥ್ರಿಲ್ಲರ್ ಸಿನಿಮಾ ಆಗಿದ್ದು ಈ ಸಿನಿಮಾ ಎಲ್​ಸಿಯು ಅಥವಾ ಲೋಕೇಶ್ ಸಿನಿಮಾಟಿಕ್ ಯುನಿವರ್ಸ್​ಗೆ ಸೇರಿದೆ. ಈ ಸಿನಿಮಾ ಲೋಕೇಶ್ ಅವರ ಈ ಹಿಂದಿನ ರಿಲೀಸ್ ಕೈದಿ ಹಾಗೂ ವಿಕ್ರಂ ಜೊತೆ ರಿಲೇಟ್ ಆಗಿರಲಿದೆ.

ಈ ಸಿನಿಮಾದಲ್ಲಿ ಸಂಜಯ್ ದತ್ ವಿಜಯ್ ಪಾತ್ರ ಮಾಡಲಿದ್ದಾರೆ. ನಟಿ ತ್ರಿಶಾ ಈ ಸಿನಿಮಾದಲ್ಲಿ ಹೀರೋಯಿನ್ ಆಗಿರಲಿದ್ದಾರೆ. ಗೌತಮ್ ವಾಸುದೇವ್ ಮೆನನ್, ಅರ್ಜುನ್ ಸರ್ಜಾ, ಪ್ರಿಯಾ ಆನಂದ್ ಅವರೂ ಈ ಸಿನಿಮಾದಲ್ಲಿ ನಟಿಸಲಿದ್ದಾರೆ.