Baahubali: ಬಾಹುಬಲಿ ರಿಲೀಸ್ ನಂತರ ಖಿನ್ನತೆಗೊಳಗಾದ ರಾಜಮೌಳಿ! ಸ್ಟಾರ್ ಡೈರೆಕ್ಟರ್ ಹೇಳಿದ್ದಿಷ್ಟು

ತೆಲುಗು ಸ್ಟಾರ್ ನಿರ್ದೇಶಕ ಎಸ್​ಎಸ್ ರಾಜಮೌಳಿ ಅವರು ಭಾರತೀಯ ಚಿತ್ರರಂಗ ಮಾತ್ರವಲ್ಲದೆ ವಿದೇಶದಲ್ಲಿಯೂ ದೊಡ್ಡಮಟ್ಟದಲ್ಲಿ ಸದ್ದು ಮಾಡುತ್ತಿದ್ದಾರೆ. ಇತ್ತೀಚಿನ ಬಿಗ್ ಸಕ್ಸಸ್ ಸಿನಿಮಾ ತ್ರಿಬಲ್ ಆರ್ ಮೂಲಕ ಹೊಸ ಹವಾ ಎಬ್ಬಿಸಿದ್ದಾರೆ ರಾಜಮೌಳಿ. ಹಾಲಿವುಡ್ ಸೆಲೆಬ್ರಿಟಿಗಳೂ ಸೇರಿ ಬಹಳಷ್ಟು ಜನರು ರಾಜಮೌಳಿ ಅವರನ್ನು ಹೊಗಳಿ ಕೊಂಡಾಡಿದ್ದಾರೆ.

ಆದರೆ ಇಂಥಹ ಸ್ಟಾರ್ ಡೈರೆಕ್ಟರ್ ಲೈಫ್​ನಲ್ಲಿಯೂ ಒಂದು ಡಿಪ್ರೆಸ್ಸಿಂಗ್ ಸಮಯ ಇತ್ತು ಎನ್ನುವುದು ನಿಮಗೆ ಗೊತ್ತೇ? ಅದು ಕೂಡಾ ಬಾಹುಬಲಿ ಸಿನಿಮಾಗೆ ಸಂಬಂಧಿಸಿತ್ತು ಎನ್ನುವುದು ನಿಮಗೆ ತಿಳಿದರೆ ಅಚ್ಚರಿಯಾಗಬಹುದು. ಆದರೆ ಇದು ಸತ್ಯ.

ನಿರ್ದೇಶಕ ರಾಜಮೌಳಿ ಅವರು ಪ್ಯಾನ್ ಇಂಡಿಯಾ ಸಿನಿಮಾಗಳನ್ನು ಮೆಗಾ ಬ್ಲಾಕ್​ಬಸ್ಟರ್ 2015ರ ಬಾಹುಬಲಿ: ದಿ ಬಿಗಿನಿಂಗ್ ಮೂಲಕ ಆರಂಭಿಸಿದರು. ಆದರೆ ಸಿನಿಮಾ ರಿಲೀಸ್ ಆಗಿ ಆರಂಭಿಕ ಪ್ರತಿಕ್ರಿಯೆ ಚೆನ್ನಾಗಿರದ ಕಾರಣ ಸಿನಿಮಾ ಬಗ್ಗೆ ಆತಂಕಗೊಂಡಿದ್ದಂತೆ ನಿರ್ದೇಶಕ.

ಡಾ. ಎವಿ ಗೌರವ್ ರೆಡ್ಡಿ ಅವರ ಇವೆಂಟ್​ ಒಂದರಲ್ಲಿ ಎಸ್​.ಎಸ್​ ರಾಜಮೌಳಿ ಅವರು ತಮ್ಮ ಜೀವನದ ಅತ್ಯಂತ ಖಿನ್ನತೆಯ ಸಮಯದ ಬಗ್ಗೆ ಮಾತನಾಡಿದ್ದಾರೆ. ಇಂಡಿಯನ್ ಎಕ್ಸ್​ಪ್ರೆಸ್ ಪ್ರಕಾರ ರಾಜಮೌಳಿ ಅವರು ತನ್ನ ಖಿನ್ನತೆಯ ಸಮಯದ ಬಗ್ಗೆ ಏನಂದರು ಗೊತ್ತಾ? ಅವರು ಮುಕ್ತವಾಗಿ ಹೇಳಿದ್ದೇನು?

ಬಾಹುಬಲಿ: ದಿ ಬಿಗಿನಿಂಗ್ ರಿಲೀಸ್ ದಿನ ಅದು ಮೊದಲ ಪ್ಯಾನ್ ಇಂಡಿಯಾ ಸಿನಿಮಾ ಆಗಿತ್ತು. ಹಾಗಾಗಿ ಅದನ್ನು ತಮಿಳುನಾಡು, ಕೇರಳ. ಉತ್ತರ ಭಾರತ, ಅಮೆರಿಕಾ, ದುಬೈನಲ್ಲಿ ರಿಲೀಸ್ ಮಾಡಿದೆವು. ವಿಶ್ವಾದ್ಯಂತ ಸಿನಿಮಾ ಬಗ್ಗೆ ಉತ್ತಮ ಪ್ರತಿಕ್ರಿಯೆ ಬಂತು. ಆದರೆ ನಮಗೆ ದೊಡ್ಡ ಮಾರ್ಕೆಟ್ ತೆಲುಗು ರಾಜ್ಯ. ಆದರೆ ಅಲ್ಲಿ ತುಂಬಾ ನೀರಸ ಪ್ರತಿಕ್ರಿಯೆ ಸಿಕ್ಕಿತು.

ತೆಲುಗು ರಾಜ್ಯಗಳಲ್ಲಿ ಸಿನಿಮಾಗೆ ನೆಗೆಟಿವ್ ಪ್ರತಿಕ್ರಿಯೆ ವ್ಯಕ್ತವಾಯಿತು. ಇದು ಸಿನಿಮಾ ಇಂಡಸ್ಟ್ರಿಯಲ್ಲಿಯೇ ದೊಡ್ಡ ಫ್ಲಾಪ್ ಎಂದು ಜನರು ಮಾತನಾಡುತ್ತಿದ್ದರು ಎಂದು ರಾಜಮೌಳಿ ನೆನಪಿಸಿಕೊಂಡಿದ್ದಾರೆ.

ರಾಜಮೌಳಿ ಅವರು ನಿರ್ಮಾಪಕರು ಹಾಕಿದ ಹಣ ತಿರುಗಿ ಬರುತ್ತದೋ ಇಲ್ಲವೋ ಎನ್ನುವ ಭಯದಲ್ಲಿದ್ದರು ಎನ್ನುವುದನ್ನು ಕೂಡಾ ರಿವೀಲ್ ಮಾಡಿದ್ದಾರೆ. ನಿರ್ಮಾಪಕರಿಗಾಗುವ ನಷ್ಟದ ಬಗ್ಗೆ ಚಿಂತಿತರಾಗಿದ್ದರು ಎನ್ನುವುದನ್ನು ತಿಳಿಸಿದ್ದಾರೆ.

ನಾವು ಬಹಳಷ್ಟು ಹಣವನ್ನು ಸಿನಿಮಾ ಮೇಲೆ ಹಾಕಿದ್ದೆವು. ನಮ್ಮ ನಿರ್ಮಾಪಕರು ಸಾಕಷ್ಟು ಹಣವನ್ನು ಖರ್ಚು ಮಾಡಿದ್ದರು. ಒಂದು ವೇಳೆ ಜನ ಮಾತನಾಡಿದಂತೆ ಸಿನಿಮಾ ಸೋತರೆ ನನ್ನೊಂದಿಗೆ ಮೂರು ವರ್ಷ ಕೆಲಸ ಮಾಡಿದ ಅಷ್ಟೂ ಜನರಿಗೂ ತೊಂದರೆಯಾಗುತ್ತದೆ. ಆ ಸಂದರ್ಭ ನಾನೆಷ್ಟು ಕೆಳಗೆ ಬೀಳುತ್ತೇನೆಂದರೆ ಮತ್ತೆ ಅಲ್ಲಿಂದ ನಾನು ಏಳಲು ಸಾಧ್ಯವಿಲ್ಲ. ಅಂಥಹ ಸಂದರ್ಭದಲ್ಲಿ ಏನು ಮಾಡಬೇಕೆಂದು ತಿಳಿಯಲಿಲ್ಲ ಎಂದಿದ್ದಾರೆ.

ಕೊನೆಗೆ ಬಾಹುಬಲಿ: ದಿ ಬಿಗಿನಿಂಗ್ 650 ಕೋಟಿ ರೂಪಾಯಿ ಗಳಿಸಿತು. ಸಿನಿಮಾ ವಿಶ್ವಾದ್ಯಂತ ಸೂಪರ್ ಹಿಟ್ ಆಗಿ ಜನರು ಬಾಹುಬಲಿ 2 ಸಿನಿಮಾಗಾಗಿ ಕಾಯುವಂತಾಯಿತು. ಬಾಹುಬಲಿ 2 ರಿಲೀಸ್ ನಂತರ ರಾಜಮೌಳಿ ತಂಡ ಹೊಸ ದಾಖಲೆ ಬರೆಯಿತು.