Pooja Hegde: ಪೂಜಾ ಹೆಗ್ಡೆಗೆ 2 ಕೋಟಿ ಬೆಳೆ ಬಾಳುವ ಕಾರು ಗಿಫ್ಟ್ ಕೊಟ್ಟ ಸ್ಟಾರ್ ಡೈರೆಕ್ಟರ್!

ಪೂಜಾ ಹೆಗ್ಡೆ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದಾರೆ. ಪ್ರತಿ ಸಿನಿಮಾಗೂ ದುಬಾರಿ ಸಂಭಾವನೆಯನ್ನೇ ಪಡೆಯುತ್ತಾರೆ. ಇದೀಗ ಸ್ಟಾರ್ ಡೈರೆಕ್ಟರ್ ಪೂಜಾ ಹೆಗ್ಡೆಗೆ ದುಬಾರಿ ಗಿಫ್ಟ್ ನೀಡಿದ್ದಾರೆ ಎನ್ನುವ ಸುದ್ದಿ ಟಾಲಿವುಡ್ ಅಂಗಳದಲ್ಲಿ ಹರಿದಾಡ್ತಿದೆ.

ನಟಿ ಪೂಜಾ ಹೆಗ್ಡೆಗೆ ಗಿಫ್ಟ್ ನೀಡಿದ ಸ್ಟಾರ್ ಡೈರೆಕ್ಟರ್ ಯಾರು ಎನ್ನುವ ಪ್ರಶ್ನೆ ಅಭಿಮಾನಿಗಳನ್ನು ಕಾಡ್ತಿದೆ. ತಮ್ಮ ಸಿನಿಮಾಗಳಿಗೆ ನಟಿ ಪೂಜಾ ಹೆಗ್ಡೆಯನ್ನೇ ಆಯ್ಕೆ ಮಾಡಿಕೊಂಡಿರುವ ನಿರ್ದೇಶಕರ ತ್ರಿವಿಕ್ರಮ್ ಶ್ರೀನಿವಾಸ್ ನೆಚ್ಚಿನ ನಟಿಗೆ ದುಬಾರಿ ಗಿಫ್ಟ್ ಕೊಟ್ಟಿದ್ದರಂತೆ.

ಸಿಕ್ಕಾಪಟ್ಟೆ ಕಾರು ಕ್ರೇಜ್ ಇರುವ ನಟಿ ಪೂಜಾ ಹೆಗ್ಡೆ, ಈಗಾಗಲೇ ನಟಿ ಬಳಿ ಹಲವಾರು ದುಬಾರಿ ಕಾರುಗಳಿವೆ. ಇದೀಗ ತೆಲುಗಿನ ಸ್ಟಾರ್ ನಿರ್ದೇಶಕ ತ್ರಿವಿಕ್ರಮ್ ಶ್ರೀನಿವಾಸ್ ಎರಡು ಕೋಟಿ ಬೆಲೆಯ ಐಶಾರಾಮಿ ಕಾರೊಂದನ್ನು ಉಡುಗೊರೆಯಾಗಿ ನೀಡಿದ್ದಾರಂತೆ.

ತ್ರಿವಿಕ್ರಮ್ ಶ್ರೀನಿವಾಸ್ ನಿರ್ದೇಶನದ ಎರಡು ಸಿನಿಮಾಗಳಿಗೂ ಪೂಜಾ ಹೆಗ್ಡೆಯೇ ನಾಯಕಿ ಆಗಿದ್ರು. ತ್ರಿವಿಕ್ರಮ್ ನಿರ್ದೇಶಿಸಲಿರುವ ಅಲ್ಲು ಅರ್ಜುನ್​ ಹೊಸ ಸಿನಿಮಾಕ್ಕೂ ಸಹ ಪೂಜಾ ಹೆಗ್ಡೆಯೇ ನಾಯಕಿ ಆಗಿದ್ದಾರೆ.

ಬ್ಯಾಕ್ ಟು ಬ್ಯಾಕ್ ತ್ರಿವಿಕ್ರಮ್ ಶ್ರೀನಿವಾಸ್ ಪೂಜಾ ಹೆಗ್ಡೆಯನ್ನೇ ಸಿನಿಮಾ ಆಯ್ಕೆ ಮಾಡಿಕೊಳ್ಳುತ್ತಿರುವುದನ್ನು ನೋಡಿದ್ರೆ ನಟಿ ಮೇಲೆ ನಿರ್ದೇಶಕರಿಗೆ ವಿಶೇಷ ಒಲವಿದೆ ಎನ್ನಲಾಗ್ತಿದೆ. ಅದು ಅದು ಐಶಾರಾಮಿ ಕಾರೊಂದನ್ನು ಉಡುಗೊರೆ ನೀಡುವಷ್ಟರ ಮಟ್ಟಿಗಿ ಬೆಳೆದಿದ್ಯಾ ಅನ್ನೋದೆ ಕುತೂಹಲಕಾರಿಯಾಗಿದೆ.

ಪೂಜಾ ಹೆಗ್ಡೆ ನಿರ್ದೇಶಕ ತ್ರಿವಿಕ್ರಮ್ ಪಾಲಿಗೆ ಲಕ್ಕಿ ಚಾರ್ಮ್ ಆಗಿದ್ದಾರೆ. ತ್ರಿವಿಕ್ರಮ್, ತಮ್ಮ ನಿರ್ದೇಶನದ ‘ಅರವಿಂದ ಸಮೇತ’ ಹಾಗೂ ‘ಅಲಾ ವೈಕುಂಟಪುರಂಲೋ’ ಸಿನಿಮಾದಲ್ಲಿ ಪೂಜಾ ಹೆಗ್ಡೆಯವರನ್ನು ನಾಯಕಿಯನ್ನಾಗಿ ಹಾಕಿಕೊಂಡಿದ್ದರು ಎರಡೂ ಸಿನಿಮಾ ಸೂಪರ್ ಡೂಪರ್ ಹಿಟ್ ಆಗಿದೆ.

ತ್ರಿವಿಕ್ರಮ್ ಶ್ರೀನಿವಾಸ್, ಪೂಜಾಗೆ ಕಾರು ಕೊಟ್ಟಿರುವ ಸುದ್ದಿಯನ್ನು ಚಿತ್ರತಂಡ ಅಲ್ಲಗಳೆದಿದ್ದು. ತ್ರಿವಿಕ್ರಮ್ ಶ್ರೀನಿವಾಸ್, ಪ್ರಸ್ತುತ ಮಹೇಶ್ ಬಾಬು ಸಿನಿಮಾ ನಿರ್ದೇಶನ ಮಾಡುತ್ತಿದ್ದು, ನಟಿ ಸೆಟ್ ಬರಲು ಕಾರೊಂದನ್ನು ನೀಡಲಾಗಿದೆ ಅಷ್ಟೇ ಎಂದು ಹೇಳ್ತಿದ್ದಾರೆ.

ತಮ್ಮ ಲಕ್ಕಿ ಚಾರ್ಮ್ಗೆ ನಿರ್ದೇಶಕರು 2 ಕೋಟಿಯ ಉಡುಗೊರೆ ಕೊಟ್ಟರೇ ತಪ್ಪೇನು ಇಲ್ಲ ಅಂತಿದ್ದಾರೆ ಪೂಜಾ ಹೆಗ್ಡೆ ಅಭಿಮಾನಿಗಳು. ಇನ್ನು ನಟಿ ಪೂಜಾ ಹೆಗ್ಡೆ, ತೆಲುಗು, ತಮಿಳು ಹಿಂದಿ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಬಾಲಿವುಡ್​ನ ‘ಕಿಸೀಕಿ ಭಾಯ್, ಕಿಸೀಕಿ ಜಾನ್’ ಸಿನಿಮಾದಲ್ಲಿ ಪೂಜಾ ನಟಿಸಿದ್ದು ಸಿನಿಮಾ ಬಿಡುಗಡೆಗೆ ಎದುರು ನೋಡುತ್ತಿದ್ದಾರೆ.