Tamannaah: ಸಾಕ್ಷಾತ್ಕಾರ ನಟಿ ಜಮುನಾ ಬಯೋಪಿಕ್​ನಲ್ಲಿ KGF ಚೆಲುವೆ

ಲೆಜೆಂಡರಿ ನಟಿ ಜಮುನಾ ಅವರ ಬಯೋಪಿಕ್ ಬರಲಿದೆ ಎಂಬ ಸುದ್ದಿ ಜೋರಾಗಿದೆ. ಟಾಲಿವುಡ್ ಮಂದಿ ಈ ಸಿನಿಮಾ ಕುರಿತು ಚರ್ಚಿಸುತ್ತಿದ್ದಾರೆ. ಇದಲ್ಲದೆ ದೊಡ್ಡಮಟ್ಟದಲ್ಲಿ ಜಮುನಾ ಅವರ ಬಯೋಪಿಕ್ ಮಾಡಲು ಯೋಜಿಸಲಾಗುತ್ತಿದೆ ಎನ್ನಲಾಗಿದೆ.

ಈ ಬಯೋಪಿಕ್‌ನಲ್ಲಿ ಜಮುನಾ ಪಾತ್ರದಲ್ಲಿ ತಮನ್ನಾ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ. ಈ ಸಿನಿಮಾಗಾಗಿ ತಮನ್ನಾ ಅವರನ್ನು ಈಗಾಗಲೇ ಸಂಪರ್ಕಿಸಲಾಗಿದೆ ಎಂದು ವರದಿಯಾಗಿದೆ.

ಈ ಸಿನಿಮಾದಲ್ಲಿ ನಟಿಸಲು ತಮನ್ನಾ ಕೂಡಾ ಒಪ್ಪಿಕೊಂಡಿದ್ದಾರೆ ಎನ್ನಲಾಗಿದೆ. ಸ್ಟಾರ್ ಡೈರೆಕ್ಟರ್ ಈ ಸಿನಿಮಾ ಮಾಡಲಿದ್ದಾರಂತೆ. ಆದರೆ ಜಮುನಾ ಅವರ ಬಯೋಪಿಕ್ ಬಗ್ಗೆ ಹೆಚ್ಚಿನ ಮಾಹಿತಿ ಇನ್ನಷ್ಟೇ ತಿಳಿಯಬೇಕಿದೆ.

ತಮನ್ನಾ ಅವರ ತೆಲುಗು ಸಿನಿಮಾಗಳ ವಿಷಯಕ್ಕೆ ಬಂದರೆ ಅವರು ನಟ ಸತ್ಯದೇವ್ ಅವರೊಂದಿಗೆ "ಗುರ್ತುಂಡ ವಿಂತಮಂ"ನಲ್ಲಿ ಕಾಣಿಸಿಕೊಂಡರು. ಡಿಸೆಂಬರ್ 9, 2022 ರಂದು ಬಿಡುಗಡೆಯಾದ ಸಿನಿಮಾ ನಿರೀಕ್ಷಿತ ಮಟ್ಟದಲ್ಲಿ ಪ್ರತಿಕ್ರಿಯೆ ಗಳಿಸಲಿಲ್ಲ.

ತಮನ್ನಾ ಸದ್ಯ ‘ಭೋಲಾ ಶಂಕರ್’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಮೆಹರ್ ರಮೇಶ್ ಈ ಸಿನಿಮಾದ ನಿರ್ದೇಶಕರು. ಇದಲ್ಲದೇ ತಮನ್ನಾ ತಮಿಳಿನಲ್ಲಿ ರಜನಿಕಾಂತ್ ಅವರ 'ಜೈಲರ್' ಚಿತ್ರದಲ್ಲಿಯೂ ನಟಿಸುತ್ತಿದ್ದಾರೆ.

ಸನ್ ಪಿಸ್ಟರ್ ನಿರ್ಮಿಸುತ್ತಿರುವ ಈ ಚಿತ್ರದ ನಿರ್ದೇಶಕ ನೆಲ್ಸನ್. ಸದ್ಯ ಚಿತ್ರೀಕರಣ ನಡೆಯುತ್ತಿರುವ ಈ ಚಿತ್ರದಲ್ಲಿ ಮೋಹನ್ ಲಾಲ್ ಮತ್ತೊಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ತೆಲುಗು ನಟ ಸುನೀಲ್ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.

ಏಪ್ರಿಲ್ 14 ರಂದು ಸಿನಿಮಾ ತಮಿಳು ಜೊತೆಗೆ ತೆಲುಗಿನಲ್ಲಿಯೂ ಬಿಡುಗಡೆಯಾಗಲಿದೆ. ಹಿಂದಿಯಲ್ಲಿ 'ಭೋಲೆ ಚೂಡಿಯನ್' ಮತ್ತು ಮಲಯಾಳಂನಲ್ಲಿ 'ಬಾಂದ್ರಾ' ಚಿತ್ರಗಳನ್ನು ಮಾಡುತ್ತಿದ್ದಾರೆ ತಮನ್ನಾ.