Tamannah Bhatia: ನೋ ಕಿಸ್ಸಿಂಗ್ ಪಾಲಿಸಿಗೆ ಬ್ರೇಕ್! ಈ ನಟನ ಜೊತೆ ಸಿನಿಮಾ ಮಾಡಿದ್ರೆ ಪಕ್ಕಾ ಕಿಸ್ ಮಾಡ್ತೀನಿ ಎಂದ ಮಿಲ್ಕಿ ಬ್ಯೂಟಿ

ಕಾಲಿವುಡ್ ನಟಿ ತಮನ್ನಾ ಅವರದ್ದು ವೃತ್ತಿಪರ ಷರತ್ತು ಒಂದಿದೆ. ಅವರು ಯಾವುದೇ ಕಾರಣಕ್ಕೂ ಕಿಸ್ ಮಾಡಲ್ಲ. ಇದು ಅವರ ಪ್ರೊಫೆಷನಲ್ ರೂಲ್ಸ್.

ಆದರೆ ಮಿಲ್ಕಿ ಬ್ಯೂಟಿ ಒಬ್ಬ ನಟನಿಗಾಗಿ ಈ ಚುಂಬನದ ಷರತ್ತು ಬ್ರೇಕ್ ಮಾಡೋಕೆ ರೆಡಿ ಎಂದು ಹೇಳಿದ್ದಾರೆ. ಆದರೆ ಆ ನಟನ ಜೊತೆಗೆ ಮಾತ್ರ.

ಆ ನಟ ಹೃತಿಕ್ ರೋಷನ್. ನಾನು ಆನ್​ಸ್ಕ್ರೀನ್ ಕಿಸ್ ಮಾಡುವುದಿಲ್ಲ. ಇದು ವಾಸ್ತವವಾಗಿ ನನ್ನ ಒಪ್ಪಂದದ ಒಂದು ಭಾಗವಾಗಿದೆ. ಆದರೆ ಹೃತಿಕ್ ರೋಷನ್ ಬಂದರೆ ನಾನು ಖಂಡಿತಾ ಈ ರೂಲ್ಸ್ ಬ್ರೇಕ್ ಮಾಡುತ್ತೇನೆ ಎಂದಿದ್ದಾರೆ.

ತಮನ್ನಾ ಹೃತಿಕ್ ಅವರೊಂದಿಗಿನ ಭೇಟಿಯನ್ನು ನೆನಪಿಸಿಕೊಂಡರು. ನಟನನ್ನು ಭೇಟಿಯಾದಾಗ ಅವರು ಸ್ವತಃ ಮುಜುಗರಕ್ಕೊಳಗಾಗಿದ್ದಾರೆ ಎಂದು ಹೇಳಿದ್ದಾರೆ.

ನಾನು ಅವರನ್ನು ಇತ್ತೀಚೆಗೆ ಭೇಟಿಯಾದೆ. ನಾನು ಅವರನ್ನು ಕಂಡೊಡನೆ ನಾಚಿದೆ. ಸೋ ಸ್ಟುಪಿಡ್ ಎಂದಿದ್ದಾರೆ ತಮನ್ನಾ.

ನಾನು ‘ಹಾಯ್, ನಾನು ನಿಮ್ಮ ದೊಡ್ಡ ಅಭಿಮಾನಿ. ನಿಮ್ಮನ್ನು ಭೇಟಿಯಾಗಲು ತುಂಬಾ ಸಂತೋಷವಾಗಿದೆ!’ ಎಂದಿದ್ದೆ. ಅವರು ‘ಸರಿ!’ ಎಂದು ಹೇಳಿದರು. ನನಗೆ ಬೇರೆ ಏನು ಹೇಳಬೇಕೆಂದು ತಿಳಿದಿರಲಿಲ್ಲ ಎಂದಿದ್ದಾರೆ.

ಅವರು ಸ್ವಲ್ಪ ಹೊತ್ತು ಮುಂದಕ್ಕೆ ಹೋಗಿ ಮತ್ತೆ ಹಿಂತಿರುಗಿ ನೋಡಿ ನಿಮಗೆ ಫೋಟೋ ಬೇಕೇ? ಎಂದು ಕೇಳಿದರು. ನಾನು ಹೌದು ನನಗೆ ಫೋಟೋ ಬೇಕು ಎಂದೆ ಎಂದಿದ್ದಾರೆ ತಮನ್ನಾ.