Kiara-Sidharth: ಮುಂಬೈನಲ್ಲಿ ಐಷಾರಾಮಿ ಅಪಾರ್ಟ್​ಮೆಂಟ್​ ಖರೀದಿಸಿದ ಸಿದ್ಧಾರ್ಥ್, ಪತ್ನಿ ಕಿಯಾರಾಗೆ ಗಿಫ್ಟ್ ಕೊಟ್ರಾ?

ಮದುವೆ ಬಳಿಕ ನೆಲೆಸಲು ಕನಸಿನ ಮನೆಗಾಗಿ ಸಿದ್ಧಾರ್ಥ್, ಕಿಯಾರಾ ಜೋಡಿ ಹುಡುಕಾಟ ಮಾಡ್ತಿದ್ರು. ಇದೀಗ ಹೊಸ ಜೋಡಿ ಹೊಸ ಮನೆ ಖರೀದಿ ಮಾಡಿದ್ದಾರೆ.

ಪಾಲಿ ಹಿಲ್​ನ ಬಾಂದ್ರಾದಲ್ಲಿ ಅದ್ಧೂರಿ ಅಪಾರ್ಟ್​ಮೆಂಟ್​ ಖರೀದಿಸಿ ಅಲ್ಲೇ ನವ ಜೋಡಿ ವಾಸಿಸಲಿದ್ದಾರೆ. ಬಾಲಿವುಡ್ ಪಾಪರಾಜಿಗಳು ಅಪಾರ್ಟ್​ಮೆಂಟ್​ಗೆ ಆಗಮಿಸಿದ ಸಿದ್ದಾರ್ಥ್-ಕಿಯಾರಾ ಜೋಡಿಯ ಫೋಟೋ-ವಿಡಿಯೋ ಸೆರೆಹಿಡಿದಿದ್ದಾರೆ.

ಹಳದಿ ಡ್ರೆಸ್​ನಲ್ಲಿ ಕಿಯಾರಾ ಮಿಂಚಿದ್ರೆ. ವೈಟ್ ಶೇರ್ವಾನಿಯಲ್ಲಿ ಸಿದ್ಧಾರ್ಥ್ ಸಖತ್ ಆಗಿ ಕಾಣಿಸ್ತಿದ್ರು.

ಹೊಸ ಅಪಾರ್ಟ್​ಮೆಂಟ್ ಖರೀದಿಸಿದ ಸಿದ್ದಾರ್ಥ್ ಕಿಯಾರಾಗೆ ಅದ್ಧೂರಿ ಗಿಫ್ಟ್ ಕೊಡ್ತಿದ್ದಾರೆ ಎನ್ನಲಾಗ್ತಿದೆ. ಪತ್ನಿಗೆ ಪ್ರೀತಿಯಿಂದ ಸಿದ್ಧಾರ್ಥ್ ಮನೆಯನ್ನೇ ಗಿಫ್ಟ್ ಆಗಿ ನೀಡ್ತಿದ್ದಾರೆ.

ಆಪ್ತರು ಮತ್ತು ಕುಟುಂಬದ ಸದಸ್ಯರ ಸಮ್ಮುಖದಲ್ಲಿ ಸಿದ್ಧಾರ್ಥ್ ಮಲ್ಹೋತ್ರಾ - ಕಿಯಾರಾ ಅಡ್ವಾಣಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. ಬಾಲಿವುಡ್ ಸೆಲೆಬ್ರೆಟಿಗಳು ಸಹ ಭಾಗಿಯಾಗಿದ್ರು.

ಮದುವೆ ಫೋಟೋಗಳನ್ನು ನಟಿ ಕಿಯಾರಾ ಅಡ್ವಾಣಿ ತಮ್ಮ ಇನ್ಸ್ಟಾಗ್ರಾಮ್ ಹ್ಯಾಂಡಲ್​ನಲ್ಲಿ ಹಂಚಿಕೊಂಡಿದ್ದರು. ಅಬ್ ಹುಮಾರಿ ಪರ್ಮನೆಂಟ್ ಬುಕಿಂಗ್ ಹೋ ಗಯಿ ಹೈ , "ನಮ್ಮ ಮುಂದಿನ ಪ್ರಯಾಣದಲ್ಲಿ ನಾವು ನಿಮ್ಮ ಆಶೀರ್ವಾದ ಮತ್ತು ಪ್ರೀತಿಯನ್ನು ಬಯಸುತ್ತೇವೆ ಎಂದು ಕಿಯಾರಾ ಅಡ್ವಾಣಿ ಬರೆದುಕೊಂಡಿದ್ದರು.

ಇಂದು (ಫೆಬ್ರವರಿ 12) ಸಿದ್ಧಾರ್ಥ್​-ಕಿಯಾರಾ ಜೋಡಿ ಮುಂಬೈನಲ್ಲಿ ಸ್ನೇಹಿತರಿಗಾಗಿ ರಿಸೆಪ್ಷನ್​ ಆಯೋಜನೆ ಮಾಡಿದೆ.

ಸೇಂಟ್ ರೆಜಿಸ್ ಹೋಟೆಲ್‌ನಲ್ಲಿ ಆರತಕ್ಷತೆ ನೆಡಯಲಿದ್ದು, ಅನೇಕ ಬಾಲಿವುಡ್​ ತಾರೆಯರು, ಗಣ್ಯರು ಭಾಗಿಯಾಗಲಿದ್ದಾರೆ.