Raj B Shetty: ರಮ್ಯಾ ನೋ ಎಂದ ಪಾತ್ರ ಹೇಗಿದೆ!? ಸ್ವಾತಿ ಮುತ್ತಿನ ಮಳೆ ಹನಿಯೇ ಸಿನಿಮಾದ ಪೋಸ್ಟರ್ ರಿಲೀಸ್

ನಟ, ನಿರ್ದೇಶಕ ರಾಜ್ ಬಿ. ಶೆಟ್ಟಿ ಅವರು ನಿರ್ದೇಶನ ಮಾಡಿ ಅಭಿನಯಿಸುತ್ತಿರುವ ಸ್ವಾತಿ ಮುತ್ತಿನ ಮಳೆ ಹನಿಯೇ ಸಿನಿಮಾದ ಹೊಸ ಪೋಸ್ಟರ್ ನಲ್ಲಿ ರಾಜ್. ಬಿ. ಶೆಟ್ಟಿ ಹಾಗೂ ನಾಯಕಿ ನಟಿ ಸಿರಿ ರವಿಕುಮಾರ್ ಕಾಣಿಸಿಕೊಂಡಿದ್ದಾರೆ.

ಪಿಂಕ್ ಕಾಟನ್ ಸೀರೆಯಲ್ಲಿ ಸಿರಿ ಕಾಣಿಸಿಕೊಂಡಿದ್ದು, ರಾಜ್ ಬಿ ಶೆಟ್ಟಿ, ಟೀ ಶರ್ಟ್, ಶಾಲು ಧರಿಸಿ ಸಿರಿ ಜೊತೆ ಹೆಜ್ಜೆ ಹಾಕಿದ್ದಾರೆ.

ಈ ಸಿನಿಮಾದಲ್ಲಿ ರಾಜ್. ಬಿ. ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದು ಸಿರಿ ರವಿಕುಮಾರ್ ಅವರು ಹೀರೋಯಿನ್ ಆಗಿ ಮಿಂಚುತ್ತಿದ್ದಾರೆ. ಸಿನಿಮಾವನ್ನು ನಟಿ ರಮ್ಯಾ ಅವರು ನಿರ್ಮಿಸುತ್ತಿದ್ದಾರೆ.

ರಮ್ಯಾ ಹಾಗೂ ರಾಜ್. ಬಿ. ಶೆಟ್ಟಿ ಈ ಸಿನಿಮಾದಲ್ಲಿ ನಟಿಸುವುದೆಂದು ಹೇಳಲಾಗಿತ್ತು. ಆದರೆ ಆ ನಂತರ ರಮ್ಯಾ ಅವ್ರು ಸಿನಿಮಾದಿಂದ ಹೊರಬಂದಿದ್ದು ಆ ಸ್ಥಾನಕ್ಕೆ ಸಿರಿ ರವಿಕುಮಾರ್ ಹೀರೋಯಿನ್ ಆಗಿ ಆಯ್ಕೆಯಾಗಿದ್ದಾರೆ.

ಪ್ರೇರಣಾ ಲುಕ್ ನಲ್ಲಿ ಸಿರಿ ರವಿಕುಮಾರ್ ಅವರು ನಟಿಸಿದ್ದು ಅವರ ಫಸ್ಟ್ ಲುಕ್ ಇತ್ತೀಚೆಗಷ್ಟೇ ರಿಲೀಸ್ ಆಗಿತ್ತು. ಕಾಡು ದಾರಿಯಲ್ಲಿ ನಡೆದು ಬರುತ್ತಿರುವ ಸಿರಿ ಅವರ ಫೋಟೋ ಸುಂದರವಾಗಿ ಮೂಡಿ ಬಂದಿತ್ತು.

ಸುಂದರವಾದ ಹಿನ್ನೆಲೆಯಲ್ಲಿ ಎತ್ತರದ ಪಗ್ರದೇಶದಲ್ಲಿ ವಿಂಟರ್ ಟೋಪಿ ಹಾಗೂ ಜಾಕೆಟ್ ಧರಿಸಿ ಕೈಯಲ್ಲಿ ಕಪ್ ಹಿಡಿದು ಕುಳಿತ ರಾಜ್ ಬಿ. ಶೆಟ್ಟಿ ಪೋಸ್ಟರ್ ಸುಂದರವಾಗಿ ಮೂಡಿ ಬಂದಿದೆ.

ಮುಖ್ಯವಾಗಿ ರಾಜ್ ಬಿ ಶೆಟ್ಟಿ ಅವರು ಶೇರ್ ಮಾಡಿದ ಎರಡೂ ಪೋಸ್ಟರ್ಗಳಲ್ಲಿ ಪ್ರಕೃತಿ ಸೌಂದರ್ಯ ಅದ್ಭುತವಾಗಿ ಕಂಡುಬಂದಿದೆ.

ಸ್ವಾತಿ ಮುತ್ತಿನ ಮಳೆ ಹನಿಯೇ ಸಿನಿಮಾದ ಸೆಕೆಂಡ್ ಪೋಸ್ಟರ್ ಕೂಡಾ ಸುಂದರವಾದ ದೃಶ್ಯ ಕಾವ್ಯದಂತೆ ಮೂಡಿ ಬಂದಿರುವುದು ವಿಶೇಷ. ಪೋಸ್ಟರ್ ನೋಡಿದರೆ ಈ ಸಿನಿಮಾದ ಲೊಕೇಷನ್ ಪಕ್ಕಾ ಪ್ರಮುಖ ಆಕರ್ಷಣೆಯಾಗಲಿದೆ.

ಈ ಸಿನಿಮಾವನ್ನು ನಟಿ ರಮ್ಯಾ ತಮ್ಮ ಆ್ಯಪಲ್ಬಾಕ್ಸ್ ಸ್ಟುಡಿಯೋದಲ್ಲಿ ನಿರ್ಮಿಸುತ್ತಿದ್ದಾರೆ. ಇದು ಅವರ ನಿರ್ಮಾಣದಲ್ಲಿ ಮೂಡಿಬರುತ್ತಿರುವ ಮೊದಲ ಸಿನಿಮಾ.