Siri Ravikumar: ಪತಿಯ ಜೊತೆ ಸ್ವಾತಿ ಮುತ್ತಿನ ಮಳೆ ಹನಿಯೇ ನಟಿಯ ಫೋಟೋಶೂಟ್

ರಾಜ್ ಬಿ. ಶೆಟ್ಟಿ ಅವರ ಸ್ವಾತಿ ಮುತ್ತಿನ ಮಳೆ ಹನಿಯೇ ಸಿನಿಮಾ ಹೀರೋಯಿನ್ ಸಿರಿ ರವಿಕುಮಾರ್ ಅವರು ಪತಿ ಜೊತೆಗೆ ಚಂದದ ಫೋಟೋಶೂಟ್ ಮಾಡಿಸಿಕೊಂಡಿದ್ದಾರೆ. ಅವರ ಫೋಟೋಶೂಟ್ ಚಿತ್ರಗಳು ವೈರಲ್ ಆಗಿವೆ.

ಸಿರಿ ನೇರಳೆ ಬಣ್ಣದ ಸುಂದರವಾದ ಸೀರೆಯಲ್ಲಿ ಸಾಂಪ್ರದಾಯಿಕ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅದಕ್ಕೆ ತಕ್ಕುದಾಗಿ ಆಭರಣಗಳನ್ನು ಕೂಡಾ ಧರಿಸಿದ್ದರು.

ಅವರ ಪತಿ ಕೂಡಾ ಸಾಂಪ್ರದಾಯಿಕ ಶೈಲಿಯಲ್ಲಿ ಕಂಡು ಬಂದಿದ್ದು ಜೋಡಿ ಕ್ಯೂಟ್ ಆಗಿ ಫೋಟೋಗಳಿಗೆ ಪೋಸ್ ಕೊಟ್ಟಿದ್ದಾರೆ. ಸಿರಿ ಫುಲ್ ಸ್ಮೈಲ್​ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಹಸಿರು ಬಣ್ಣದ ಹರಳಿನ ಆಭರಣಗಳು ನಟಿಯ ನೇರಳೆ ಸೀರೆಗೆ ಚೆನ್ನಾಗಿ ಮ್ಯಾಚ್ ಆಗಿವೆ. ಲಾಂಗ್ ನೆಕ್ಲೇಸ್, ಝುಮುಕ, ನೆತ್ತಿಬೊಟ್ಟು ಹಾಗೂ ಚಂದದ ಬಳೆಗಳನ್ನು ಧರಿಸಿದ್ದರು.

ಸಿರಿ ಅವರು ಸ್ವಾತಿ ಮುತ್ತಿನ ಮಳೆ ಹನಿಯೇ ಸಿನಿಮಾದಲ್ಲಿ ರಮ್ಯಾ ಅವರ ರಿಪ್ಲೇಸ್ ಆಗಿದ್ದಾರೆ. ರಮ್ಯಾ ಸಿನಿಮಾದಿಂದ ಹೊರಬಂದ ಕಾರಣ ಸಿರಿ ಆ ಜಾಗವನ್ನು ತುಂಬಿದ್ದಾರೆ.

ಸಿನಿಮಾಗಳಲ್ಲಿ ಅಭಿನಯಿಸಿರುವ ಸಿರಿ ರಕ್ಷಿತ್ ಶೆಟ್ಟಿ ನಿರ್ಮಾಣದ ಸಕುಟುಂಬ ಸಮೇತ ಚಿತ್ರದಲ್ಲಿ ಸಹ ನಟಿಸಿದ್ದರು. ಇವರು ಫೇಮಸ್ ಆರ್​ಜೆ ಕೂಡಾ ಹೌದು.

ಕನ್ನಡ ಕಿರುತೆರೆಯಲ್ಲಿ ಸಹ ಸಿರಿ ಪ್ರಸಿದ್ದರಾಗಿದ್ದು, ಕನ್ನಡದ ಕೋಗಿಲೆ ರಿಯಾಲಿಟಿ ಶೋ ಮೂಲಕ ಮನೆಮಾತಾಗಿದ್ದರು. ಜನರಿಗೆ ಇವರ ನಿರೂಪಣೆ ಎಂದರೆ ಬಹಳ ಇಷ್ಟವಾಗಿತ್ತು.