Swara Bhaskar: ವಲಸೆ ಕಾರ್ಮಿಕರ ನೆರವಿಗೆ ನಿಂತ ಬಾಲಿವುಡ್ ಬ್ಯೂಟಿ..!

ಲಾಕ್​ಡೌನ್​ನಿಂದಾಗಿ ಸಂಕಷ್ಟಕ್ಕೀಡಾದ ವಲಸೆ ಕಾರ್ಮಿಕರ ನೆರವಿಗೆ ಹಲವರು ಮುಂದಾಗಿದ್ದಾರೆ. ಈಗಾಗಲೇ ಬಹುಭಾಷಾ ನಟ ಸೋನು ಸೂದ್ ಕಾರ್ಮಿಕರಿಗೆ ಬಸ್ ವ್ಯವಸ್ಥೆ ಮಾಡಿ ಮಾನವೀಯತೆ ಮೆರೆದಿದ್ದರು.

ಲಾಕ್​ಡೌನ್​ನಿಂದಾಗಿ ಸಂಕಷ್ಟಕ್ಕೀಡಾದ ವಲಸೆ ಕಾರ್ಮಿಕರ ನೆರವಿಗೆ ಹಲವರು ಮುಂದಾಗಿದ್ದಾರೆ. ಈಗಾಗಲೇ ಬಹುಭಾಷಾ ನಟ ಸೋನು ಸೂದ್ ಕಾರ್ಮಿಕರಿಗೆ ಬಸ್ ವ್ಯವಸ್ಥೆ ಮಾಡಿ ಮಾನವೀಯತೆ ಮೆರೆದಿದ್ದರು.

ಸ್ವರಾ ಭಾಸ್ಕರ್ ಮತ್ತು ಅವರ ತಂಡ ದೆಹಲಿಯಲ್ಲಿದ್ದ ಬಿಹಾರ ಮತ್ತು ಉತ್ತರ ಪ್ರದೇಶದ ಕೂಲಿ ಕಾರ್ಮಿರನ್ನು ತಮ್ಮ ಮನೆಗೆ ಹೋಗಲು ರೈಲು ಟಿಕೆಟ್ ವ್ಯವಸ್ಥೆ ಮಾಡಿದ್ದಾರೆ.

ಈಗಾಗಲೇ 1500ಕ್ಕೂ ಹೆಚ್ಚಿನ ವಲಸೆ ಕಾರ್ಮಿಕರನ್ನು ಕಳುಹಿಸಲಾಗಿದ್ದು, ಮತ್ತಷ್ಟು ಬಡ ಕೂಲಿ ಕಾರ್ಮಿಕರ ಹೆಸರುಗಳನ್ನು ಸಂಗ್ರಹಿಸಿ ಬೇಕಾದ ವ್ಯವಸ್ಥೆ ಮಾಡಲು ಸ್ವರಾ ಮತ್ತು ತಂಡ ಮುಂದಾಗಿದೆ.

ಲಕ್ಷಾಂತರ ಮಂದಿ ವಲಸೆ ಕಾರ್ಮಿಕರು ಸಂಕಷ್ಟದಲ್ಲಿ ಸಿಲುಕಿರುವಾಗ ನಾವು ಮನೆಯಲ್ಲಿ ಆರಾಮವಾಗಿ ಕಾಲ ಕಳೆಯುವುದು ನಾಚಿಕೆಗೇಡು ಎಂದು ಸ್ವರಾ ಭಾಸ್ಕರ್ ಅಭಿಪ್ರಾಯಪಟ್ಟಿದ್ದಾರೆ.

ಅಲ್ಲದೆ ವಲಸೆ ಕಾರ್ಮಿಕರ ಬಗ್ಗೆಗಿನ ನಿರ್ಲಕ್ಷ್ಯವನ್ನು ನಮ್ಮ ಕಾಲಘಟ್ಟದ ಅತ್ಯಂತ ನೀಚ ನಡೆ ಎಂದು ಬಣ್ಣಿಸಿರುವ ಸ್ವರಾ, ಇದು ನಮ್ಮ ವ್ಯವಸ್ಥೆಯಲ್ಲಿ ಲೋಪಗಳಿಗೆ ಹಿಡಿದ ಕನ್ನಡಿ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.

ಇದಕ್ಕೂ ಮುನ್ನ ಲಾಕ್​ಡೌನ್ ಹೇರಿಕೆಯಿಂದ ನಡೆದುಕೊಂಡ ಹೋಗುತ್ತಿದ್ದ ವಲಸೆ ಕಾರ್ಮಿಕರಿಗೆ ಸ್ವರಾ ಭಾಸ್ಕರ್ ಚಪ್ಪಲಿಗಳನ್ನು ವಿತರಿಸಿ ಮಾನವೀಯತೆ ಮೆರೆದಿದ್ದರು.

ಇದೀಗ ಆಯಾ ಕಾರ್ಮಿಕರ ಸಂಪೂರ್ಣ ವಿಳಾಸವನ್ನು ಪಡೆದು, ಅವರಿಗೆ ಊರಿಗೆ ತಲುಪಲು ಬೇಕಾದ ವ್ಯವಸ್ಥೆಯನ್ನು ಕಲ್ಪಿಸಲು ಬಾಲಿವುಡ್ ನಟಿ ಮುಂದಾಗಿರುವುದು ಮೆಚ್ಚಲೇಬೇಕು.

ಸ್ವರಾ ಭಾಸ್ಕರ್ 'ತನು ವೆಡ್ಸ್ ಮನು', 'ರಾಂಜ್ನಾ', 'ತನು ವೆಡ್ಸ್ ಮನು ರಿಟರ್ನ್ಸ್', 'ವೀರ್ ದಿ ವೆಡ್ಡಿಂಗ್' ಸೇರಿದಂತೆ ಹಲವು ಸೂಪರ್ ಹಿಟ್ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಸ್ವರಾ ಭಾಸ್ಕರ್

ಸ್ವರಾ ಭಾಸ್ಕರ್

ಸ್ವರಾ ಭಾಸ್ಕರ್

ಚಪ್ಪಲಿ ವಿತರಿಸುತ್ತಿರುವ ಸ್ವರಾ ಭಾಸ್ಕರ್

Swara Bhaskar

Swara Bhaskar

Swara Bhaskar

Swara Bhaskar