Sushant Singh: ಗೆಳೆಯನ ನೆನಪಿನಲ್ಲಿ ರೊಮ್ಯಾಂಟಿಕ್ ಫೋಟೋ ಶೇರ್ ಮಾಡಿಕೊಂಡ ನಟಿ, ಐ ಮಿಸ್​ ಯೂ ಅಂತ ಭಾವುಕರಾದ ರಿಯಾ

ಸುಶಾಂತ್ ಸಿಂಗ್ ರಜಪೂತ್ ಅವರ ಎರಡನೇ ಪುಣ್ಯತಿಥಿಯ ಸಮಯದಲ್ಲಿ ನಟಿ ರಿಯಾ ಚಕ್ರವರ್ತಿ ಗೆಳೆಯನನ್ನ ನೆನಪಿಸಿಕೊಂಡು ಫೋಟೋ ಶೇರ್ ಮಾಡಿದ್ದಾರ. ಅವರು ಸುಶಾಂತ್ ಅವರ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದು, ಇವು ಸುಶಾಂತ್ ಮತ್ತು ರಿಯಾ ಅವರ ಪ್ರೇಮ ಸಂಬಂಧಕ್ಕೆ ಸಾಕ್ಷಿಯಾಗಿದೆ.

ಸುಶಾಂತ್ ತನ್ನ ಜೀವನದ ಕೊನೆಯ ದಿನಗಳವರೆಗೂ ರಿಯಾ ಅವರ ಜೊತೆ ಸಂಬಂಧದಲ್ಲಿದ್ದರು. ಅವರಿಬ್ಬರು ಆಗಾಗ ಟ್ರಿಪ್ ಸಹ ಹೋಗುತ್ತಿದ್ದರು. ಆ ಸುಂದರ ಕ್ಷಣಗಳ ಫೋಟೋವನ್ನು ಇದೀಗ ರಿಯಾ ಹಂಚಿಕೊಂಡಿದ್ದಾರೆ.

ರಿಯಾ ಚಕ್ರವರ್ತಿ ಮತ್ತು ಸುಶಾಂತ್ ಸಿಂಗ್ ರಜಪೂತ್ ಪರಸ್ಪರ ಡೇಟಿಂಗ್ ಮಾಡುತ್ತಿದ್ದರು. ಇಬ್ಬರ ನಡುವೆ ಸಂಬಂಧ ಬಹಳ ಚೆಂದವಾಗಿತ್ತು ಎಂದು ಈ ಫೋಟೋಗಳು ತೋರಿಸುತ್ತಿವೆ.

ಒಂದೊಂದು ಫೋಟೋಗಳು ಒಂದೊಂದು ಕಥೆಯನ್ನು ಹೇಳುತ್ತಿದ್ದು, ಈ ಫೋಟೋದಲ್ಲಿ ಸುಶಾಂತ್ ಸಿಂಗ್ ರಜಪೂತ್ ರಿಯಾ ಚಕ್ರವರ್ತಿಯನ್ನು ತನ್ನ ಮಡಿಲಲ್ಲಿ ಹೊತ್ತುಕೊಂಡಿರುವುದನ್ನು ಕಾಣಬಹುದು.

ಈ ಫೋಟೋಗಳನ್ನು ಹಂಚಿಕೊಂಡ ರಿಯಾ ಚಕ್ರವರ್ತಿ ಚಿಕ್ಕದಾದ ಹೃದಯ ಸ್ಪರ್ಶಿ ನೋಟ್ ಅನ್ನು ಸಹ ತನ್ನ ಅಗಲಿದ ಗೆಳೆಯನಿಗಾಗಿ ಬರೆದಿದ್ದಾರೆ. ಅದರಲ್ಲಿ ಅವರು ಪ್ರತಿದಿನ ಮಿಸ್ ಮಾಡುತ್ತೇನೆ ಎಂದು ಬರೆದುಕೊಂಡಿದ್ದಾರೆ.

ರಿಯಾ ಚಕ್ರವರ್ತಿ ಅವರ ಈ ಪೋಸ್ಟ್ ಸುಶಾಂತ್ ಮತ್ತು ರಿಯಾ ಸಂಬಂಧ ಬಹಳ ಚೆನ್ನಾಗಿತ್ತು ಎಂಬುದನ್ನು ತೋರಿಸುತ್ತದೆ. ಅಲ್ಲದೇ ಸುಶಾಂತ್ ನಿಧನದ ನಂತರ ರಿಯಾ ಬದುಕು ಬದಲಾಗಿತ್ತು, ಪ್ರತಿದಿನ ಅವರನ್ನು ಮಿಸ್ ಮಾಡಿಕೊಳ್ಳುತ್ತಿದ್ದಾರೆ ಎಂಬುದು ಕಾಣುತ್ತದೆ,

ಆದರೆ ಸುಶಾಂತ್ ಸಿಂಗ್ ರಜಪೂತ್ ಸಾವಿನ ನಂತರ, ಅವರ ಕುಟುಂಬವು ರಿಯಾ ಸುಶಾಂತ್ ಆತ್ಮಹತ್ಯೆಗೆ ಕಾರಣ ಎಂದು ಆರೋಪಿಸಿತ್ತು, ರಿಯಾ ವಿರುದ್ದ ಸುಶಾಂತ್ ಹಣವನ್ನು ದೋಚಿರುವ ಆರೋಪವನ್ನು ಸಹ ಮಾಡಲಾಗಿತ್ತು.

ಡ್ರಗ್ಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಿಯಾ ಚಕ್ರವರ್ತಿ ಸುಮಾರು ಒಂದು ತಿಂಗಳು ಜೈಲಿನಲ್ಲಿ ಕಳೆದಿದ್ದರು. 28 ದಿನಗಳ ಜೈಲಿನಲ್ಲಿ ಕಳೆದ ನಂತರ, ಬಾಂಬೆ ಹೈಕೋರ್ಟ್ ಅವರಿಗೆ ಜಾಮೀನು ನೀಡಿತ್ತು.