Actor Suriya: ಸೂರ್ಯ ಮುಂದಿನ ಸಿನಿಮಾ ಟೈಟಲ್ ರಿವೀಲ್! ಬಾಲಿವುಡ್ ಚೆಲುವೆ ಹೀರೋಯಿನ್

ಸದ್ಯ ಭಾರತೀಯ ಚಿತ್ರರಂಗದಲ್ಲಿ ಪ್ಯಾನ್ ಇಂಡಿಯಾ ಸಿನಿಮಾಗಳ ಅಬ್ಬರ ಜೋರಾಗಿದೆ. ದೊಡ್ಡ ದೊಡ್ಡ ಪ್ರಾಜೆಕ್ಟ್​ಗಳು ನಿರ್ಮಾಣವಾಗುತ್ತಿವೆ. ಸ್ಟಾರ್ ನಟರು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಈ ನಡುವೆ ಕಾಲಿವುಡ್​ನಲ್ಲಿ ನಟ ಸೂರ್ಯ ಅವರ ಸಿನಿಮಾ ಕೂಡಾ ಸದ್ದು ಮಾಡುತ್ತಿದೆ. ನಟನ ಸಿನಿಮಾದ ಟೈಟಲ್ ಟೀಸರ್ ಸಖತ್ ಸೌಂಡ್ ಮಾಡಿದೆ.

ಸೂರ್ಯ ಅವರ 42ನೇ ಸಿನಿಮಾ ಬಗ್ಗೆ ಭಾರೀ ಕುತೂಹಲವಿತ್ತು. ಇದೀಗ ಸಿನಿಮಾಗೆ ಕಾಂಗುವಾ ಎನ್ನುವ ಟೈಟಲ್ ಫೈನಲ್ ಆಗಿದ್ದು ಟೈಟಲ್ ಟೀಸರ್ ಕೂಡಾ ಬಿಡುಗಡೆ ಮಾಡಲಾಗಿದೆ. ಶಿವ ನಿರ್ದೇಶನದ ಈ ಸಿನಿಮಾದಲ್ಲಿ ಸೂರ್ಯನ ಜೊತೆ ಬಾಲಿವುಡ್ ನಟಿ ದಿಶಾ ಪಠಾನಿ ನಟಿಸಲಿದ್ದಾರೆ.

ತನ್ನ ಸಿನಿಮಾದ ಟೈಟಲ್ ಪೋಸ್ಟ್ ಮಾಡಿದ ನಟ, ಶಿವ ಹಾಗೂ ತಂಡದೊಂದಿಗೆ ಕೆಲಸ ಮಾಡಲು ಖುಷಿಯಾಗುತ್ತಿದೆ. ಕಾಂಗುವಾದ ಟೈಟಲ್ ಲುಕ್ ಹೀಗಿದೆ. ಇದರಲ್ಲಿ ಹದ್ದು, ನಾಯಿ, ಮಾಸ್ಕ್ ಧರಿಸಿದ ಯೋಧ, ಅವನ ಹಿಂದೆ ದೊಡ್ಡ ಆರ್ಮಿ ಈ ಚಿತ್ರಣವನ್ನೆಲ್ಲ ಕಾಣಬಹುದಾಗಿದೆ.

2024ರ ಆರಂಭದಲ್ಲಿ ಈ ಸಿನಿಮಾ ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗುವುದಾಗಿ ಚಿತ್ರತಂಡ ತಿಳಿಸಿದೆ. ಸಿನಿಮಾ 3ಡಿಯಲ್ಲಿ ರಿಲೀಸ್ ಆಗಲಿದ್ದು ತಮಿಳು, ಮಲಯಾಳಂ, ತೆಲುಗು, ಕನ್ನಡ, ಹಿಂದಿ ಸೇರಿ ಒಟ್ಟು 10 ಭಾಷೆಗಳಲ್ಲಿ ಬರಲಿದೆ.

ಈ ಸಿನಿಮಾದಲ್ಲಿ ದಿಶಾ ಪಠಾನಿ, ಯೋಗಿ ಬಾಬು, ರೆಡಿನ್ ಕಿಂಗ್​ಸ್ಲೇ, ಕೋವೈ ಸರಳ, ದೇವಿ ಶ್ರೀ ಪ್ರಸಾದ್ ಹಲವರು ನಟಿಸಲಿದ್ದಾರೆ. ಈ ಸಿನಿಮಾವನ್ನು ಗ್ರೀನ್ ಸ್ಟುಡಿಯೋಸ್ ನಿರ್ಮಿಸುತ್ತಿದೆ.

ದಿಶಾ ಪಠಾನಿ ಬಾಲಿವುಡ್​ನಲ್ಲಿ ಹಲವಾರು ಸಿನಿಮಾಗಳನ್ನು ಮಾಡಿದ್ದಾರೆ. ಇದೀಗ ಕಾಲಿವುಡ್​ನಲ್ಲಿ ತಮ್ಮ ಅದೃಷ್ಟ ಪರೀಕ್ಷೆಗೆ ಮುಂದಾಗಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ ಪಿರಿಯಡ್ ಡ್ರಾಮಾದಂತಹ ಸಿನಿಮಾಗಳು ಹೆಚ್ಚಾಗಿ ಬರುತ್ತಿರುವ ಸಂದರ್ಭದಲ್ಲಿ ಸೂರ್ಯ ಅವರ ಈ ಸಿನಿಮಾ ಭಾರೀ ಕುತೂಹಲ ಮೂಡಿಸಿದೆ.