Rajinikanth: `ತಲೈವಾ’ ಜೊತೆ ಯಾವೆಲ್ಲ ನಟರು ಸಿನಿಮಾ ಮಾಡಿದ್ದಾರೆ ಗೊತ್ತಾ? ಇಲ್ಲಿದೆ ನೋಡಿ..

ಸೂಪರ್ ಸ್ಟಾರ್ ರಜನಿಕಾಂತ್ ಕ್ರೇಜ್ ಬಗ್ಗೆ ಹೊಸದಾಗಿ ಹೇಳಬೇಕಿಲ್ಲ. ಅವರ ಇಮೇಜ್ ತಮಿಳಿಗೆ ಸೀಮಿತವಾಗಿಲ್ಲ. ದಕ್ಷಿಣದಲ್ಲಿ ತೆಲುಗು, ಕನ್ನಡ ಮತ್ತು ಮಲಯಾಳಂ ಪ್ರೇಕ್ಷಕರಲ್ಲಿ ತಲೈವಾ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಇಷ್ಟೇ ಅಲ್ಲದೆ ತೆಲುಗು, ಹಿಂದಿಯಲ್ಲಿ ಹಲವು ಟಾಪ್ ಹೀರೋಗಳ ಜೊತೆ ಮಲ್ಟಿಸ್ಟಾರರ್ ಸಿನಿಮಾ ಮಾಡಿ ಇಂಡಿಯನ್ ಸೂಪರ್ ಸ್ಟಾರ್ ಎನಿಸಿಕೊಂಡಿರುವ ಇವರಿಗೆ ಇತ್ತೀಚೆಗೆ ಕೇಂದ್ರದಿಂದ ದಾದಾಸಾಹೇಬ್ ಫಾಲ್ಕೆ ಪ್ರಶಸ್ತಿ ಬಂದಿದೆ. ಅವರು ವಿವಿಧ ಇಂಡಸ್ಟ್ರಿ ಹೀರೋಗಳೊಂದಿಗೆ ಮಾಡಿದ ಮಲ್ಟಿಸ್ಟಾರರ್ ಚಲನಚಿತ್ರಗಳ ಬಗ್ಗೆ ಇಲ್ಲಿದೆ ನೋಡಿ..

ಎನ್.ಟಿ.ಆರ್ ಜೊತೆ 'ಟೈಗರ್' ಸಿನಿಮಾದಲ್ಲಿ ರಜಿನಿಕಾಂತ್​ ತೆರೆ ಹಂಚಿಕೊಂಡಿದ್ದರು. ಈ ಸಿನಿಮಾದಲ್ಲಿ ಎನ್​ಟಿಆರ್​ ಮುಖ್ಯ ನಾಯಕನಾಗಿ ನಟಿಸಿದರೆ.. ಎರಡನೇ ನಾಯಕನಾಗಿ ರಜನಿಕಾಂತ್ ನಟಿಸಿದ್ದಾರೆ.

ಮೋಹನ್ ಬಾಬು ನಾಯಕನಾಗಿ ನಟಿಸಿದ್ದ 'ಪೆದರಾಯುಡು' ಚಿತ್ರದಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್ ಅವರ ತಂದೆ ಪಾಪರಾಯುಡಿ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರವನ್ನು ಎನ್‌ಟಿಆರ್‌ ನಿರ್ದೇಶಿಸಿದ್ದರು.

ರಜನಿಕಾಂತ್ ನಟ ಭೂಷಣ್ ಶೋಭನ್ ಬಾಬು ಜೊತೆ 'ಜೀವನ್ ಹೋರಾಟಂ' ಚಿತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರವು ಮನೋಜ್ ಕುಮಾರ್, ಶಶಿ ಕಪೂರ್ ಮತ್ತು ಅಮಿತಾಭ್ ಅಭಿನಯದ ಹಿಂದಿ ಚಲನಚಿತ್ರ 'ರೋಟಿ ಕಪ್ಡಾ ಔರ್ ಮಕನ್' ನ ರಿಮೇಕ್ ಆಗಿತ್ತು.

ಸೂಪರ್ ಸ್ಟಾರ್ ರಜನಿಕಾಂತ್ ಅವರು ಕೃಷ್ಣ ಅವರೊಂದಿಗೆ 'ಇದ್ದರು ಅಸಾಧ್ಯುಲೆ', ‘ಅನ್ನದಮ್ಮುಲ ಸವಾಲ್ 'ಮತ್ತು ರಾಮ್ ರೋಬರ್ದ್ ರಹೀಮ್' ಚಿತ್ರಗಳಲ್ಲಿ ತೆರೆ ಹಂಚಿಕೊಂಡಿದ್ದಾರೆ.

ರಜನಿಕಾಂತ್ ಅವರು ಮೆಗಾಸ್ಟಾರ್ ಚಿರಂಜೀವಿ ಜೊತೆ 'ಕಲಿ', 'ಬಂಡಿಪೋತು ಸಿಂಹಂ' ಮತ್ತು 'ಮಾ ಪಿಳ್ಳೈ' ಚಿತ್ರಗಳಲ್ಲಿ ನಟಿಸಿದ್ದಾರೆ.

ದಳಪತಿ ಚಿತ್ರದಲ್ಲಿ ರಜನಿಕಾಂತ್ ಮಮ್ಮುಟ್ಟಿ ಜೊತೆ ನಟಿಸಿದ್ದರು. ಮಣಿರತ್ನಂ ನಿರ್ದೇಶನದ ಈ ಚಿತ್ರದಲ್ಲಿ ಮಮ್ಮುಟ್ಟಿ ತಮಿಳು ಮತ್ತು ತೆಲುಗಿನಲ್ಲಿ ಕಾಣಿಸಿಕೊಂಡರೆ, ಮಲಯಾಳಂನಲ್ಲಿ ಭಾಷೆಯಲ್ಲಿ ರಜನಿಕಾಂತ್​ ಪಾತ್ರ ಸಾಯುತ್ತದೆ. ವಿಭಿನ್ನ ಭಾಷೆಗಳಲ್ಲಿ ಎರಡು ಕ್ಲೈಮ್ಯಾಕ್ಸ್‌ಗಳನ್ನು ಚಿತ್ರೀಕರಿಸಿದ ಮೊದಲ ಚಿತ್ರ ಇದಾಗಿದೆ.

ರಜನಿಕಾಂತ್ ನಾಯಕನಾಗಿ ನಟಿಸಿದ್ದ 'ಕುಚೇಲನ್' ಚಿತ್ರದಲ್ಲಿ ಮೋಹನ್ ಲಾಲ್ ನಟಿಸಿದ್ದರು. ಈ ಚಿತ್ರ ತೆಲುಗಿನಲ್ಲಿ 'ಕಥಾನಾಯಕುಡು' ಎಂಬ ಹೆಸರಿನಲ್ಲಿ ತೆರೆಕಂಡಿತ್ತು..

ರಜನಿಕಾಂತ್ ಅವರು ಅಮಿತಾಬ್ ಬಚ್ಚನ್ ಅವರೊಂದಿಗೆ 'ಅಂಧ ಕಾನೂನ್', 'ಗಿರಾಫ್ತಾರ್' ಮತ್ತು 'ಹಮ್' ಚಿತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ಗೋವಿಂದ ಮತ್ತೊಬ್ಬ ನಾಯಕನಾಗಿ ನಟಿಸಿದ್ದಾರೆ.

‘ದರ್ಬಾರ್’ ಸಿನಿಮಾದಲ್ಲಿ ಬಾಲಿವುಡ್ ಹೀರೋ ಸುನೀಲ್ ಶೆಟ್ಟಿ ಜತೆ ರಜನಿಕಾಂತ್ ನಟಿಸಿದ್ದರು. ಬಾಕ್ಸ್ ಆಫೀಸ್ ನಲ್ಲಿ ಚಿತ್ರ ನಿರೀಕ್ಷಿತ ಪ್ರದರ್ಶನ ಕಾಣಲಿಲ್ಲ. ಆದರೆ ಚಿತ್ರದಲ್ಲಿ ಪೊಲೀಸ್ ಅಧಿಕಾರಿಯಾಗಿ ರಜನಿಕಾಂತ್ ಅಭಿನಯಕ್ಕೆ ಪ್ರೇಕ್ಷಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದರು.

ರೋಬೋ ಸೀಕ್ವೆಲ್ '2.0' ನಲ್ಲಿ ಅಕ್ಷಯ್ ಕುಮಾರ್ ಜೊತೆ ರಜನಿಕಾಂತ್ ನಟಿಸಿದ್ದರು. ರಜನಿಕಾಂತ್ ಅವರು ಅಕ್ಷಯ್ ಮಾತ್ರವಲ್ಲದೆ ಅನೇಕ ಬಾಲಿವುಡ್ ತಾರೆಯರೊಂದಿಗೆ ತೆರೆ ಹಂಚಿಕೊಂಡಿದ್ದಾರೆ.

'ಚೈನ್ನೈ ಎಕ್ಸ್‌ಪ್ರೆಸ್' ಚಿತ್ರದಲ್ಲಿ ಶಾರುಖ್ ಖಾನ್ ರಜನಿಕಾಂತ್ ಅಭಿಮಾನಿಯಾಗಿ ನಟಿಸಿದ್ದರು. ಮತ್ತೊಂದೆಡೆ ಶಾರುಖ್ ಖಾನ್ ನಾಯಕನಾಗಿ ನಟಿಸಿದ್ದ ‘ರಾ..ಒನ್’ ಸಿನಿಮಾದಲ್ಲಿ ತಲೈವಾ ಅತಿಥಿ ಪಾತ್ರದಲ್ಲಿ ಮಿಂಚಿದ್ದು ಗೊತ್ತೇ ಇದೆ.

‘ಭಗವಾನ್ ದಾದಾ’ ಚಿತ್ರದಲ್ಲಿ ಹೃತಿಕ್ ರೋಷನ್ ರಜನಿ ಜೊತೆ ಬಾಲ ನಟನಾಗಿ ನಟಿಸಿದ್ದರು. ಆದರೆ ಈ ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಉತ್ತಮ ಪ್ರದರ್ಶನ ನೀಡಿರಲಿಲ್ಲ.

ರಜನಿಕಾಂತ್ ಅವರು ಧರ್ಮೇಂದ್ರ, ವಿನೋದ್ ಖನ್ನಾ, ಜಾಕಿ ಶ್ರಾಫ್ ಮುಂತಾದ ನಾಯಕರೊಂದಿಗೆ ಅನೇಕ ಮಲ್ಟಿಸ್ಟಾರರ್ ಚಲನಚಿತ್ರಗಳನ್ನು ಮಾಡಿದ್ದಾರೆ. ಮೇಲಾಗಿ ಹಿಂದಿಯ ಟಾಪ್ ನಟರ ಜೊತೆ ಹೆಚ್ಚು ಮಲ್ಟಿಸ್ಟಾರರ್ ಸಿನಿಮಾ ಮಾಡಿದ ನಾಯಕನಾಗಿ ರಜನಿಕಾಂತ್ ಮತ್ತೊಂದು ದಾಖಲೆ ನಿರ್ಮಿಸಿದ್ದಾರೆ.

ದಿವಂಗತ ಅಂಬರೀಶ್ ಅವರೊಂದಿಗೆ ಎರಡು ಚಿತ್ರಗಳಲ್ಲಿ ರಜನಿಕಾಂತ್ ಸಹನಟರಾಗಿದ್ದರು. ತಲೈವಾ ತೆಲುಗು, ತಮಿಳು ಮತ್ತು ಕನ್ನಡದ ಹಲವು ಚಿತ್ರಗಳಲ್ಲಿ ನಟಿಸಿರುವುದು ಎಲ್ಲರಿಗೂ ಗೊತ್ತಿದೆ.

ರಜನಿಕಾಂತ್ ಅವರು ದಿವಂಗತ ಕನ್ನಡದ ಸೂಪರ್ ಸ್ಟಾರ್ ವಿಷ್ಣುವರ್ಧನ್ ಅವರೊಂದಿಗೆ 'ಶ್ರೀ ಮಂತ್ರಾಲಯ ರಾಘವೇಂದ್ರ ಸ್ವಾಮಿ ಮಹಾತ್ಮೆ' ಸೇರಿದಂತೆ ಹಲವಾರು ಚಿತ್ರಗಳಲ್ಲಿ ನಟಿಸಿದ್ದಾರೆ.