Sunny Leone: ನೀವಿನ್ನು ನನ್ನನ್ನು ಆ ಸ್ಟಾರ್ ಎನ್ನುವಂತಿಲ್ಲ ಎಂದ ಸನ್ನಿ! ಕಾನ್ ಫೋಟೋದಲ್ಲಿ ಮಿಂಚಿದ್ದು ಹೀಗೆ

ಬಾಲಿವುಡ್ ನಟಿ ಸನ್ನಿ ಲಿಯೋನ್ ಈ ಬಾರಿ ಮೊದಲ ಬಾರಿಗೆ ಕಾನ್ ರೆಡ್ ಕಾರ್ಪೆಟ್​ನಲ್ಲಿ ಹೆಜ್ಜೆ ಹಾಕುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಹಲವಾರು ಫೋಟೋಗಳನ್ನು ಕೂಡಾ ಸನ್ನಿ ಲಿಯೋನ್ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.

ನಟಿ ಈ ಬಗ್ಗೆ ತಮ್ಮ ಕೆಲವು ವಿಚಾರಗಳನ್ನು ಶೇರ್ ಮಾಡಿದ್ದಾರೆ. ನನ್ನನ್ನು ಈವರೆಗೆ ಜನರು ನೀವು ಕೇವಲ ಆ ಸ್ಟಾರ್ ಎಂದು ಕರೆಯುತ್ತಿದ್ದರು. ಆದರೆ ಇನ್ನು ನನ್ನನ್ನು ಹಾಗೆ ಕರೆಯಲು ಸಾಧ್ಯವಿಲ್ಲ ಎಂದಿದ್ದಾರೆ.

ಬಾಲಿವುಡ್ ನಟಿಯಾಗಿ ಗುರುತಿಸಿಕೊಂಡಿರುವ ಸನ್ನಿ ಲಿಯೋನ್ ಅವರು ಈಗ ಕಾನ್ ರೆಡ್ ಕಾರ್ಪೆಟ್​ನಲ್ಲಿ ಹೆಜ್ಜೆ ಹಾಕಿ ತಮ್ಮನ್ನು ತಾವು ಪ್ರೂವ್ ಮಾಡಿದ್ದಾರೆ. ನಟಿಯ ರೆಡ್ ಕಾರ್ಪೆಟ್ ಲುಕ್ಸ್ ವೈರಲ್ ಆಗಿವೆ.

ಸನ್ನಿ ಲಿಯೋನ್ ಪತಿ ಡೇನಿಯಲ್ ವೆಬರ್ ಜೊತೆ ಬಂದಿದ್ದರು. ನಟಿ ತನ್ನ ಕಾರಿನಿಂದಲೇ ವಿಡಿಯೋ ಮಾಡಿ ಶೇರ್ ಮಾಡಿದ ನಟಿ ಕಾನ್​ನಲ್ಲಿ ಹೆಜ್ಜೆ ಹಾಕುವ ಕುರಿತು ತಮ್ಮ ಉತ್ಸಾಹವನ್ನು ವ್ಯಕ್ತಪಡಿಸಿದ್ದರು.

ಅನುರಾಗ್ ಕಷ್ಯಪ್ ಅವರ ಕೆನೆಡಿ ಸಿನಿಮಾದಲ್ಲಿ ನಟಿ ಸನ್ನಿ ಲಿಯೋನ್ ಅವರು ಲೀಡ್​ ರೋಲ್​ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದರಲ್ಲಿ ನಟಿ ರಾಹುಲ್ ಭಟ್ ಜೊತೆ ತೆರೆ ಹಂಚಿಕೊಳ್ಳಲಿದ್ದಾರೆ.

ನಟಿಯ ಕೆನೆಡಿ ಸಿನಿಮಾದ ಪ್ರೀಮಿಯರ್ ಶೋ ಕಾನ್​ನಲ್ಲಿ ನಡೆದಿತ್ತು. ಸನ್ನಿ ಲಿಯೋನ್ ಅವರನ್ನು ಹೊರತುಪಡಿಸಿ ಸಾರಾ ಅಲಿ ಖಾನ್, ಮೌನಿ ರಾಯ್ ಅವರೂ ಈ ಬಾರು ಕಾನ್ ಡಿಬಟ್ ಮಾಡಿದ್ದಾರೆ.