Suniel Shetty: ಕೊರೋನಾ ಸಂಕಷ್ಟ: ಬೆಂಗಳೂರಿಗರ ನೆರವಿಗೆ ಬಂದ ನಟ ಸುನೀಲ್ ಶೆಟ್ಟಿ..!

ಕರಾವಳಿಯ ಕಟ್ಟುಮಸ್ತು ಹೈದ ಹಾಗೂ ಬಾಲಿವುಡ್​ ನಟಸುನೀಲ್​ ಶೆಟ್ಟಿ ಕೊರೋನಾದಿಂದಾಗಿ ಸಂಕಷ್ಟದಲ್ಲಿರುವ ಬೆಂಗಳೂರಿಗರ ನೆರವಿಗೆ ಧಾವಿಸಿದ್ದಾರೆ.

ದಿನೇ ದಿನೇ ಹೆಚ್ಚುತ್ತಿರುವ ಸೋಂಕಿತರಿಗೆ ಆಮ್ಲಜನಕದ ಕೊರತೆಯಿಂದಾಗಿ ತುಂಬಾ ತೊಂದರೆಯಾಗುತ್ತಿದೆ. ಇಂತಹ ಸಂಕಷ್ಟದ ಪರಿಸ್ಥಿತಿಯಲ್ಲಿ ಬೆಂಗಳೂರಿಗರಿಗೆ ಉಚಿತವಾಗಿ ಆಮ್ಲಜಕ ಸಾಂದ್ರಕ ಯಂತ್ರಗಳನ್ನು (ಆಕ್ಸಿಜನ್​ ಕಾನ್​ಸನ್ಟ್ರೇಟರ್ಸ್​) ನೀಡಲು ಮುಂದಾಗಿದ್ದಾರೆ.

ಮುಂಬೈ ಹಾಗೂ ಬೆಂಗಳೂರಿನಲ್ಲಿರುವ ಬಡತನ ರೇಖೆಗಿಂತ ಕೆಳಗಿರುವ ಕುಟುಂಬಗಳಿಗೆ ಉಚಿತವಾಗಿ ಆಮ್ಲಜನ ಸಾಂದ್ರಕ ಯಂತ್ರಗಳನ್ನು ನೀಡುತ್ತಿದ್ದಾರೆ.

ಕೆವಿಎನ್​ ಪ್ರತಿಷ್ಠಾನದ ಜೊತೆ ಸೇರಿ ಸುನೀಲ್​ ಶೆಟ್ಟಿ ಈ ಕಾರ್ಯ ಮಾಡುತ್ತಿದ್ದಾರೆ.

ಇದು ಕಷ್ಟದ ಸಮಯ, ಯಾರಿಗಾದರೂ ಸಹಾಯ ಬೇಕಾದಲ್ಲಿ ಅಥವಾ ಸಹಾಯ ಮಾಡುವವರು ಇದ್ದರೆ ನಮ್ಮನ್ನು ಸಂಪರ್ಕಿಸಿ ಎಂದು ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಿದ್ದಾರೆ ಸುನೀಲ್​ ಶೆಟ್ಟಿ.

ಸುದೀಪ್​ ಜತೆ ಪೈಲ್ವಾನ್​ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಸುನೀಲ್​ ಶೆಟ್ಟಿ.

ಮೂಲತಃ ಮಂಗಳೂರಿನವರಾದ ಸುನೀಲ್​ ಶೆಟ್ಟಿ ಅವರಿಗೆ ರಾಜ್ಯದ ಬಗ್ಗೆ ವಿಶೇಷ ಒಲವಿದೆ.