Abhishek Ambareesh: ಮಗನ ನಿಶ್ಚಿತಾರ್ಥದ ಫೋಟೋಸ್ ಶೇರ್ ಮಾಡಿದ ಸುಮಲತಾ! ಅಂಬಿ ಬಗ್ಗೆ ಹೇಳಿದ್ದೇನು?

ನಟಿ, ಸಂಸದಎ ಸುಮಲತಾ ಅಂಬರೀಶ್ ಅವರು ಮಗನ ನಿಶ್ಚಿತಾರ್ಥದ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಎಂಗೇಜ್ಮೆಂಟ್ ಆಗಿ 2 ದಿನಗಳ ನಂತರ ಅವರು ಇನ್​ಸ್ಟಾಗ್ರಾಮ್​ನಲ್ಲಿ ಫೋಟೋಸ್ ಶೇರ್ ಮಾಡಿದ್ದಾರೆ.

ಸುಮಲತಾ ಅವರು ಅಭಿಷೇಕ್-ಅವಿವಾ ಅವರ ಕಪಲ್ ಫೋಟೋಸ್ ಕೂಡಾ ಶೇರ್ ಮಾಡಿದ್ದಾರೆ. ಅದರೊಂದಿಗೆ ನಿಶ್ಚಿತಾರ್ಥಕ್ಕೆ ಬಂದ ಅತಿಥಿಗಳ ಫೋಟೋಸ್ ಕೂಡಾ ಶೇರ್ ಮಾಡಿದ್ದಾರೆ.

ಸುಮಲತಾ ಅವರು ತಿಳಿ ಆಕಾಶ ನೀಲಿ ಬಣ್ಣದ ತಿಳಿ ಗುಲಾಬಿ ಬಣ್ಣದ ಗೋಲ್ಡನ್ ಝರಿಯ ಸೀರೆ ಉಟ್ಟಿದ್ದರು. ನಟಿ ಮಗನ ನಿಶ್ಚಿತಾರ್ಥಕ್ಕೆ ಗ್ರ್ಯಾಂಡ್ ಆಗಿ ರೆಡಿಯಾಗಿದ್ದರು.

ಕುಟುಂಬಸ್ಥರು ಹಾಗೂ ಸಂಬಂಧಿಗಳ ಜೊತೆ ಅದ್ಧೂರಿಯಾಗಿ ನಿಶ್ಚಿತಾರ್ಥ ಕಾರ್ಯಕ್ರಮ ನಡೆಸಿದ್ದು ಇದರಲ್ಲಿ ಆಪ್ತರು ಮಾತ್ರ ಭಾಗಿಯಾಗಿದ್ದರು.

ಮುಂದಿನ ವರ್ಷ ಅಭಿಷೇಕ್ ಹಾಗೂ ಅವಿವಾ ಅವರ ಮದುವೆ ನಡೆಯಲಿದೆ. ಅಭಿಷೇಕ್ 37 ಲಕ್ಷ ಬೆಲೆಯ ಉಂಗುರವನ್ನು ಅವಿವಾಗೆ ತೊಡಿಸಿದ್ದಾರೆ.

ಮಗ ಹಾಗೂ ಭಾವೀ ಸೊಸೆಯ ಜೊತೆ ಸುಮಲತಾ ಅವರು ಪೋಸ್ ಕೊಟ್ಟಿದ್ದು ಮೂವರು ಫುಲ್ ಸ್ಮೈಲ್​ನಲ್ಲಿ ಕ್ಯಾಮೆರಾ ಕಣ್ಣಿಗೆ ಸೆರೆಯಾಗಿದ್ದಾರೆ.

ಅಭಿಷೇಕ್ ಹಾಗೂ ಅವಿವಾ ಅವರ ಎಂಗೇಜ್ಮೆಂಟ್ ಫೋಟೋಸ್ ಅಷ್ಟಾಗಿ ರಿವೀಲ್ ಆಗಿರಲಿಲ್ಲ. ಸುಮಲತಾ ಅವರು ಕೆಲವು ಕಪಲ್ ಫೋಟೋಸ್ ಹಂಚಿಕೊಂಡಿದ್ದಾರೆ.

ಅವಿವಾ ಲೈಟ್ ಟೊಮ್ಯಾಟೋ ಕಲರ್ ಸೀರೆಯಲ್ಲಿ ಸಖತ್ ಕ್ಯೂಟ್ ಆಗಿ ಕಾಣಿಸಿದ್ದಾರೆ. ಅದಕ್ಕೆ ಹಸಿರು ಹರಳಿನ ಗ್ರ್ಯಾಂಡ್ ಜ್ಯುವೆಲ್ಲರಿ ಧರಿಸಿದ್ದಾರೆ.

ಅವಿವಾ ಹಾಗೂ ಅಭಿಷೇಕ್ ಬಾಲ್ಯ ಸ್ನೇಹಿತರಾಗಿದ್ದು ನಟ ಬಹುಕಾಲದ ಗೆಳತಿಯೊಂದಿಗೆ ಎಂಗೇಜ್ಮೆಂಟ್ ಮಾಡಿಕೊಂಡಿದ್ದಾರೆ.

ಅಂಬರೀಶ್ ಅವರ ಆಶೀರ್ವಾದದೊಂದಿಗೆ ಅಭಿಷೇಕ್ ಹಾಗೂ ಅವಿವಾ ಅವರ ಹೊಸ ಪ್ರಯಾಣದ ಮೊದಲ ಹೆಜ್ಜೆ ಸಂದರ್ಭ ನಿಮ್ಮೆಲ್ಲರ ಆಶೀರ್ವಾದ ಕೋರುತ್ತಿದ್ದಾರೆ ಎಂದು ಸುಮಲತಾ ಬರೆದಿದ್ದಾರೆ.

ನಾನು ಹಾಗೂ ಅಂಬರೀಶ್ ಸ್ನೇಹಿತರು, ಕುಟುಂಬ, ಹಾಗೂ ಅಭಿಮಾನಿಗಳಿಂದ ಬಹಳಷ್ಟು ಪ್ರೀತಿ ಪಡೆಯುವ ಆಶೀರ್ವಾದ ಹೊಂದಿದ್ದೆವು. ಆ ಪ್ರೀತಿ ನಮ್ಮ ಸಂಬಂಧ ಗಾಢಗೊಳಿಸಿತ್ತು. ಅಭಿಷೇಕ್ ಹಾಗೂ ಅವಿವಾಗೆ ಅದೇ ಪ್ರೀತಿ ಸಿಗಲಿದೆ ಎಂದು ಭಾವಿಸುತ್ತೇನೆ. ಅದುವೇ ಅವರನ್ನು ಭವಿಷ್ಯದಲ್ಲಿ ಕಾಪಾಡುತ್ತದೆ. ನಮ್ಮ ಕುಟುಂಬಕ್ಕೆ ಮಗಳನ್ನು ಬರಮಾಡಿಕೊಳ್ಳುತ್ತಿರುವ ಈ ಸಂದರ್ಭ ಎಲ್ಲರು ತೋರಿಸುತ್ತಿರುವ ಪ್ರೀತಿಗೆ ಧನ್ಯವಾದಗಳು ಎಂದಿದ್ದಾರೆ.