Suhana Khan-Agastya: ಬೀಗರಾಗ್ತಾರಾ ಶಾರುಖ್, ಬಚ್ಚನ್!? ಜೋರಾಗಿದೆ SRK ಮಗಳ ಜೊತೆ ಅಮಿತಾಭ್ ಮೊಮ್ಮಗನ ಡೇಟಿಂಗ್!

ನಟರಾದ ಶಾರುಖ್ ಖಾನ್ ಮತ್ತು ಅಮಿತಾಬ್ ಬಚ್ಚನ್ ಕುಟುಂಬ ಬಾಲಿವುಡ್ನ ಬಿಗ್ ಫ್ಯಾಮಿಲಿ ಆಗಿದೆ. ಇಬ್ಬರು ನಟರ ಕುಟುಂಬದಲ್ಲಿರೋ ಯುವ ಪೀಳಿಗೆ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಬಚ್ಚನ್ ಕುಟುಂಬದ 2ನೇ ತಲೆಮಾರಿನ ನಂತರ ಇದೀಗ 3ನೇ ತಲೆಮಾರಿನವರೂ ಸಹ ಚಿತ್ರರಂಗ ಪ್ರವೇಶಿಸಿದ್ದಾರೆ.

ಬಚ್ಚನ್ ಮತ್ತು ಶಾರುಖ್ ಕೂಡ ಬಾಲಿವುಡ್​ನಲ್ಲಿ ಒಟ್ಟಿಗೆ ಹಿಟ್ ಚಿತ್ರ ನೀಡಿದ್ದಾರೆ. ಆದರೆ ಈ ಕುಟುಂಬಗಳು ಸಿನಿಮಾದಲ್ಲಿ ಮಾತ್ರವಲ್ಲದೇ ಜೀವನದಲ್ಲೂ ಸಂಬಂಧಗಳಾಗ್ತಾರೆ ಎನ್ನುವ ಪ್ರಶ್ನೆ ಎದ್ದಿದೆ. ಇಬ್ಬರು ನಟರ ಮಕ್ಕಳು ಇದೀಗ ಪ್ರೀತಿಯಲ್ಲಿ ಬಿದ್ದಿದ್ದಾರಂತೆ.

ಸೀನಿಯರ್ ಬಚ್ಚನ್ ಅವರ ಮಗಳ ಮಗ ಅಗಸ್ತ್ಯ ಮತ್ತು ಶಾರುಖ್ ಖಾನ್ ಅವರ ಪುತ್ರಿ ಸುಹಾನಾ ಖಾನ್ ಲವ್ ಮಾಡ್ತಿದ್ದಾರಂತೆ. ಬಾಲಿವುಡ್ ಪಾಪರಾಜಿ ವೈರಲ್ ಭಯಾನಿ ಇತ್ತೀಚೆಗೆ ರೆಸ್ಟೋರೆಂಟ್ನಲ್ಲಿ ಇಬ್ಬರೂ ಒಟ್ಟಿಗೆ ಡಿನ್ನರ್​ ಮಾಡುತ್ತಿರುವ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ.

ಹಿಂದೂಸ್ತಾನ್ ಟೈಮ್ಸ್ ವರದಿ ಪ್ರಕಾರ, ಸುಹಾನಾ ಮತ್ತು ಅಗಸ್ತ ಪ್ರೀತಿಸುತ್ತಿದ್ದಾರೆ. ಮೊದಲ ಚಿತ್ರ ಆರ್ಚೀಸ್ ನ ಸೆಟ್ ನಲ್ಲೇ ಇಬ್ಬರ ನಡುವೆ ಪ್ರೀತಿಯಾಗಿದೆಯಂತೆ. ಕಪೂರ್ ಕುಟುಂಬ ಆಯೋಜಿಸಿದ್ದ ಕ್ರಿಸ್ಮಸ್ ಪಾರ್ಟಿಯಲ್ಲಿ ಅಗಸ್ತ್ಯ ಹಾಗೂ ಸುಹಾನಾ ಅವರನ್ನು ತನ್ನ ಸಂಗಾತಿ ಎಂದು ಪರಿಚಯಿಸಿದರು ಎಂದು ಸುದ್ದಿ ಕೂಡ ಆಗಿದೆ.

ಇಬ್ಬರು ಸಹ ಚಿತ್ರದ ಸೆಟ್ ಗಳಲ್ಲಿ ಒಟ್ಟಿಗೆ ಸಾಕಷ್ಟು ಸಮಯ ಕಳೆಯುತ್ತಿದ್ದರಂತೆ. ಅವರು ತಮ್ಮ ಓಡಾಟ ಹಾಗೂ ಪ್ರೀತಿ ಬಗ್ಗೆ ಎಲ್ಲೂ ಮಾತಾಡಿಲ್ಲ. ಕಳೆದ ವರ್ಷ ಆಗಸ್ಟ್ ನಿಂದಲೇ ಸೆಟ್ ನಲ್ಲಿ ಇಬ್ಬರ ಪ್ರೀತಿಯ ಬಗ್ಗೆ ಚರ್ಚೆ ನಡೆಯುತ್ತಿದೆ.

ಅಗಸ್ತ್ಯನ ತಾಯಿ ಶ್ವೇತಾ ಬಚ್ಚನ್​ಗೆ ಸುಹಾನಾ ಮೇಲೆ ಅಪಾರ ಪ್ರೀತಿ. ಆದರೆ ಈ ಬಗ್ಗೆ ಅಗಸ್ತ್ಯ ಅಥವಾ ಸುಹಾನಾ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಶ್ವೇತಾ ಬಚ್ಚನ್ ಅವರನ್ನೂ ಸಹ ರೆಸ್ಟೋರೆಂಟ್ ನ ವಿಡಿಯೋದಲ್ಲಿ ಕಾಣಬಹುದಾಗಿದೆ

ಸುಹಾನಾ ಖಾನ್, ಶ್ರೀದೇವಿ ಕಿರಿಯ ಮಗಳು ಖುಷಿ ಕಪೂರ್ ಮತ್ತು ಅಮಿತಾಭ್ ಬಚ್ಚನ್ ಅವರ ಮೊಮ್ಮಗ ಅಗಸ್ತ್ಯ ಅವರು ಜೋಯಾ ಅಖ್ತರ್ ಅವರ ದಿ ಆರ್ಚೀಸ್ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಡ್ತಿದ್ದಾರೆ.