ಚಂದನವನದ ಹಿರಿಯ ನಟಿ M N Lakshmidevi ಭೇಟಿ ಮಾಡಿ ಸನ್ಮಾನ ಮಾಡಿದ ಶ್ರುತಿ-ಸುಧಾರಾಣಿ..!

ಕನ್ನಡದಲ್ಲಿ ರಂಗಭೂಮಿ, ಸಿನಿಮಾ ಹಾಗೂ ಕಿರುತೆರೆಯಲ್ಲಿ ನಟಿಸುವ ಮೂಲಕ ಸಿನಿಪ್ರಿಯರನ್ನು ರಂಜಿಸುತ್ತಿರುವ ಹಿರಿಯ ಕಲಾವಿದೆ ಎಂ.ಎನ್. ಲಕ್ಷ್ಮಿದೇವಿ. ಸುಮಾರು 600ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ಈ ನಟಿಯನ್ನು ಸ್ಯಾಂಡಲ್​ವುಡ್​ ನಟಿಯರಾದ ಸುಧಾರಾಣಿ, ಮಾಳವಿಕಾ ಹಾಗೂ ಶ್ರುತಿ ಅವರ ಭೇಟಿ ಮಾಡಿದ್ದಾರೆ.

ಈ ವಯಸ್ಸಿನಲ್ಲೂ ಕಿರುತೆರೆಯಲ್ಲಿ ಸಕ್ರಿಯವಾಗಿರುವ ಎಂ. ಎನ್​. ಲಕ್ಷ್ಮಿದೇವಿ ಅವರ ಹೆಸರು ಹೇಳಿದ ಕೂಡಲೇ ನೆನಪಾಗೋದು ಯಾರು ಯಾರು ನೀ ಯಾರು ಅನ್ನೋ ಹಾಡು. ಹೌದು, ಹಾಸ್ಯ ನಟಿಯಾಗಿ ಸಾಕಷ್ಟು ಸಿನಿಮಾಗಳಲ್ಲಿ ಪ್ರೇಕ್ಷಕರನ್ನು ನಗೆಗಡಲಿನಲ್ಲಿ ತೇಲಿಸಿದ್ದಾರೆ. 

ನರಸಿಂಹರಾಜು ಹಾಗೂ ಎಂ.ಎನ್. ಲಕ್ಷ್ಮಿದೇವಿ ಅವರ ಯಾರು ಯಾರು ನೀ ಯಾರು.. ಎಲ್ಲಿಂದ ಬಂದೆ... ಹಾಡಿನಲ್ಲಿ ಇವರನ್ನು ನೋಡಿದವರೂ ಇವರ ಅಭಿನಯವನ್ನು ಮರೆಯಲು ಸಾಧ್ಯವಿಲ್ಲ.

ಇಂತಹ ಹಿರಿಯ ಕಲಾವಿದೆಯ ಮನೆಗೆ ಶ್ರುತಿ ಅವರು ತಮ್ಮ ಅಪ್ಪ-ಅಮ್ಮಂದಿರು ಹಾಗೂ ಗೆಳೆತಿಯರಾದ ಸುಧಾರಾಣಿ ಹಾಗೂ ಮಾಳವಿಕಾ ಜತೆ ಭೇಟಿ ಕೊಟ್ಟು ಕೆಲ ಸಮಯ ಕಳೆದಿದ್ದಾರೆ.

ಲಕ್ಷ್ಮಿದೇವಿ ಅವರ ಜತೆ ನಗುತ್ತಾ ಕಾಲ ಳೆದು, ಟೀ ಕುಡಿದು ಹಳೇ ನೆನಪುಗಳನ್ನು ಮೆಲುಕು ಹಾಕಿದ್ದಾರೆ. ನಂತರ ನಟಿಗೆ ಶಾಲು ಹೊದಿಸಿ, ಸನ್ಮಾನ ಮಾಡಿದ್ದಾರೆ. ಅದರ ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. 

ಇನ್ನು ಲಕ್ಷ್ಮಿದೇವಿ ಅವರ ಜೊತೆ ಶ್ರುತಿ ಅವರ ಪೋಷಕರೂ ಸಹ ನಟಿಸಿದ್ದಾರೆ. ಶ್ರುತಿ ಸಹ ಹಿರಿಯ ನಟಿಯ ಜೊತೆ ನಟಿಸಿರುವ ಅನುಭವದ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.