KL Rahul-Athiya: ಕೆ ಎಲ್​ ರಾಹುಲ್-ಅಥಿಯಾಗೆ ದುಬಾರಿ ಗಿಫ್ಟ್ ಬಂದಿದ್ದು ನಿಜನಾ? ಕುಟುಂಬಸ್ಥರು ಕೊಟ್ರು ಶಾಕಿಂಗ್ ಸ್ಟೇಟ್​ಮೆಂಟ್!

ಮದುವೆಗೆ ಬಂದ ಸೆಲೆಬ್ರಿಟಿಗಳು ಬೆಲೆಬಾಳುವ ಗಿಫ್ಟ್ ನೀಡಿದ್ದಾರೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿದೆ. ಆದ್ರೆ ದುಬಾರಿ ಗಿಫ್ಟ್​ಗಳ ಬಗ್ಗೆ ಕುಟುಂಬಸ್ಥರು ಹೇಳೋದೇ ಬೇರೆ.

ಅಥಿಯಾ ತಂದೆ ಸುನೀಲ್ ಶೆಟ್ಟಿ ಪರ ವಕ್ತಾರರು ಈ ಬಗ್ಗೆ ಹೇಳಿಕೆ ನೀಡಿದ್ದಾರೆ. ದುಬಾರಿ ಗಿಫ್ಟ್​​ಗಳ ಬಗ್ಗೆ ಕುರಿತ ಎಲ್ಲಾ ವರದಿಗಳು ಆಧಾರರಹಿತವಾಗಿದೆ ಎಂದು ಹೇಳಿದ್ದಾರೆ.

ಅಥಿಯಾ-ಕೆ.ಎಲ್ ರಾಹುಲ್ ಮದುವೆಯಲ್ಲಿ ದುಬಾರಿ ಉಡುಗೊರೆ ಬಗ್ಗೆ ಹರಿದಾಡ್ತಿರುವ ಸುದ್ದಿಗಳು ಸುಳ್ಳು ಎಂದು ಕುಟುಂಬಸ್ಥರೊಬ್ಬರು ತಿಳಿಸಿದ್ದಾರೆ.

ಈ ರೀತಿ ತಪ್ಪು ಮಾಹಿತಿಗಳನ್ನು ಪ್ರಕಟಿಸುವ ಮೊದಲ ಅಥಿಯಾ-ಕೆ.ಎಲ್ ರಾಹುಲ್ ಕುಟುಂಬಸ್ಥರ ಬಳಿ ಮಾಹಿತಿ ಪಡೆಯಿರಿ ಎಂದು ಹೇಳಿದ್ದಾರೆ.

ಮುದ್ದು ಮಗಳನ್ನು ಮದುವೆ ಮಾಡಿಕೊಟ್ಟ ಖುಷಿಯಲ್ಲಿರುವ ತಂದೆ ಸುನೀಲ್ ಶೆಟ್ಟಿ, ಅಥಿಯಾಗೆ ಉಡುಗೊರೆಯಾಗಿ ಮುಂಬೈನಲ್ಲಿ ಅಪಾರ್ಟ್​ಮೆಂಟ್ ನೀಡಿದ್ದಾರೆ. ಈ  ಅಪಾರ್ಟ್​ಮೆಂಟ್ 50 ಕೋಟಿ ಬೆಲೆ ಬಾಳುತ್ತದೆ ಎಂದು ಹೇಳಲಾಗಿತ್ತು.

ಸುನೀಲ್ ಶೆಟ್ಟಿ ಫಾರ್ಮ್ ಹೌಸ್ ನಲ್ಲಿ ನಡೆದ ಮದುವೆಗೆ ಅನೇಕ ಸೆಲೆಬ್ರಿಟಿಗಳು ಆಗಮಿಸಿದ್ರು. ಕೆಎಲ್ ರಾಹುಲ್, ಅಥಿಯಾ ಜೋಡಿಗೆ ಬಾಲಿವುಡ್ ಹಾಗೂ ಕ್ರಿಕೆಟಿಗರು ಕೋಟಿ ಕೋಟಿ ಉಡುಗೊರೆಯನ್ನೇ ನೀಡಿದ್ದಾರೆ ಎಂದು ವರದಿಯಾಗಿತ್ತು.

ಬಾಲಿವುಡ್ ಸ್ಟಾರ್ಸ್ ಮಾತ್ರವಲ್ಲ ಕ್ರಿಕೆಟ್ ಆಟಗಾರರು ಸಹ ರಾಹುಲ್-ಅಥಿಯಾ ಮದುವೆಗೆ ಆಗಮಿಸಿದ್ರು. ವಿರಾಟ್ ಕೊಹ್ಲಿ 2.17 ಕೋಟಿ ಬೆಲೆ ಬಾಳುವ  BMW ಕಾರನ್ನು ತಮ್ಮ ಸ್ನೇಹಿತ ಕೆ.ಎಲ್ ರಾಹುಲ್​ಗೆ ಗಿಫ್ಟ್ ಆಗಿ ನೀಡಿದ್ದಾರೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿತ್ತು.

ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಕೂಡ ನವ ಜೋಡಿಗೆ ಶುಭ ಹಾರೈಸಿದ್ದರು. ಕೆಎಲ್ ರಾಹುಲ್​ಗೆ 80 ಲಕ್ಷದ ಕವಾಸಕಿ ನಿಂಜಾ ಬೈಕ್​ನನ್ನು ಉಡುಗೊರೆಯಾಗಿ ನೀಡಿದ್ದಾರೆ ಎನ್ನಲಾಗಿತ್ತು. ಆದ್ರೆ ಇದೀಗ ದುಬಾರಿ ಗಿಫ್ಟ್ ವರದಿ ಸುಳ್ಳು ಅಂತ ಕುಟುಂಬಸ್ಥರೇ ತಿಳಿಸಿದ್ದಾರೆ.