Varisu vs Thunivu: ಸ್ಟಾರ್​​ವಾರ್​ ತಂದ ಸಾವು! ಅಜಿತ್​​​ ಅಭಿಮಾನಿಗೆ ದೊಣ್ಣೆಯಿಂದ ಹೊಡೆದು ಸಾಯಿಸಿದ್ರಾ ವಿಜಯ್​​ ಫ್ಯಾನ್ಸ್​?

ಕಾಲಿವುಡ್​ನಲ್ಲಿ ಸ್ಟಾರ್​ ವಾರ್​ ಅನ್ನೋದು ನಿನ್ನೆ ಮೊನ್ನೆಯದ್ದಲ್ಲ, 4 ದಶಕಗಳಿಂದಲೂ ಈ ಸ್ಟಾರ್​ ವಾರ್​ ನಡೆದುಕೊಂಡು ಬಂದಿದೆ. ಅದರಲ್ಲೂ ದಳಪತಿ ವಿಜಯ್​ ಹಾಗೂ ತಲಾ ಅಜಿತ್​ ನಡುವೆ ಏನೂ ಇಲ್ಲದಿದ್ದರೂ, ಅವರ ಅಭಿಮಾನಿಗಳ ಮಧ್ಯೆಯಂತೂ ಸ್ಟಾರ್ ವಾರ್​ ಜೋರಿದೆ.

ಮೊನ್ನೆಯಷ್ಟೇ ವಿಜಯ್​ ಅಭಿನಯದ ವಾರಿಸು ಹಾಗೂ ಅಜಿತ್​ ಅಭಿನಯದ ತುಣಿವು ಸಿನಿಮಾ ಒಂದೇ ದಿನ ರಿಲೀಸ್ ಆಗಿರುವುದು ಗೊತ್ತೆ ಇದೆ. 12 ನೇ ಬಾರಿ ಇಬ್ಬರು ಸ್ಟಾರ್​ ನಟರು ನಟಿಸಿರುವ ಸಿನಿಮಾ ಮುಖಮುಖಿಯಾಗಿದೆ.

2 ಸಿನಿಮಾ ರಿಲೀಸ್​ ಆದ ದಿನವೇ ನಡೆಯಬಾರದ ಘಟನೆಯೊಂದು ನಡೆದುಹೋಗಿದೆ. ಅಜಿತ್​ ಅಭಿಮಾನಿಯೊಬ್ಬ ಸಿನಿಮಾ ರಿಲೀಸ್ ಆದ ಸಂಭ್ರಮಾಚರಣೆಯಲ್ಲಿ ಮೃತಪಟ್ಟಿದ್ದಾನೆ.

ಕಳೆದ ಎರಡು ದಿನಗಳ ಹಿಂದೆ 19 ವರ್ಷದ ಅಜಿತ್​ ಫ್ಯಾನ್ಸ್​ ಲಾರಿಯಿಂದ ಬಿದ್ದು ತೀವ್ರವಾಗಿ ಗಾಯಗೊಂಡಿದ್ದರು. ಅವರನ್ನು ಕೂಡಲೇ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದರು.

ಇದೀಗ ಈ ಘಟನೆಗೆ ಟ್ವಿಸ್ಟ್​ ಸಿಕ್ಕಿದೆ. ಅದೇನಪ್ಪಾ ಅಂದರೆ ವಿಜಯ್​ ಅಭಿಮಾನಿಗಳು ದೊಣ್ಣೆಯಿಂದ ಅಜಿತ್​ ಫ್ಯಾನ್​​ಗೆ ಹೊಡೆದು ಸಾಯಿಸಿದ್ದಾರೆ ಅಂತ ಸೋಷಿಯಲ್​ ಮಿಡೀಯಾದಲ್ಲಿ ಚರ್ಚೆಯಾಗುತ್ತಿದೆ.

ಎರಡು ಸಿನಿಮಾಗಳ ಫಸ್ಟ್​ ಶೋ ಮುಗಿದ ಬಳಿಕ ಎರಡು ನಟರ ಅಭಿಮಾನಿಗಳ ಹೊರ ಬಂದು ಜೋರಾಗಿ ಕೂಗುತ್ತಿದ್ದರಂತೆ. ಈ ನಡುವೆ ಮೃತಪಟ್ಟಿರುವ ಅಜಿತ್​ ಅಭಿಮಾನಿ ಅಲ್ಲೇ ಹಾಕಿದ್ದ ವಿಜಯ್​ ಸಿನಿಮಾದ ಪೋಸ್ಟರ್​ ಹರಿಯಲು ಮುಂದಾಗಿದ್ದರಂತೆ.

ಈ ವೇಳೆ ವಿಜಯ್​ ಅಭಿಮಾನಿಗಳು ಅಜಿತ್​ ಅಭಿಮಾನಿಗೆ ದೊಣ್ಣೆಯಿಂದ ಹೊಡೆದಿದ್ದಾರಂತೆ. ಈ ವೇಳೆ ಆ ಯುವಕ ಬಿದ್ದು ಸಾವನ್ನಪ್ಪಿದ್ದಾನೆ ಅಂತ ಸೋಷಿಯಲ್​ ಮೀಡಿಯಾದಲ್ಲಿ ಚರ್ಚೆಯಾಗುತ್ತಿದೆ.

ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಬಂದಿಲ್ಲ. ಆದರೂ ಅಜಿತ್​ ಕೆಲ ಅಭಿಮಾನಿಗಳು ವಿಜಯ್​ ಅಭಿಮಾನಿಗಳ ಮೇಲೆ ಆರೋಪ ಮಾಡುತ್ತಿದ್ದಾರೆ.