Kaveri Kannada Medium: ಸ್ಟಾರ್ ಸುವರ್ಣದಲ್ಲಿ ಮತ್ತೊಂದು ಹೊಸ ಧಾರಾವಾಹಿ, ಶೀಘ್ರದಲ್ಲೇ 'ಕಾವೇರಿ ಕನ್ನಡ ಮೀಡಿಯಂ'!

ಕಿರುತೆರೆಯಲ್ಲಿ ಸತತ 15 ವರ್ಷಗಳಿಂದ ಪ್ರೇಕ್ಷಕರಿಗೆ ಮನರಂಜನೆ ನೀಡುತ್ತಾ ಬಂದಿರುವ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಇದೀಗ ಹೊಸದೊಂದು ಕತೆ ಶುರುವಾಗುತ್ತಿದೆ.

ಇತ್ತಿಚೇಗೆ ರಾಣಿ ಧಾರಾವಾಹಿ ಶುರುವಾಗಿದೆ. 'ರಾಣಿ' ಧಾರಾವಾಹಿಯು ಒಂದು ಸುಂದರವಾದ ತಾರಾಬಳಗವನ್ನು ಹೊಂದಿದ್ದು, ನಾಯಕನ ಪಾತ್ರದಲ್ಲಿ ಪ್ರವೀಣ್ ಅಥರ್ವ, ನಾಯಕಿಯಾಗಿ ಚಂದನ ಎಮ್ ರಾವ್ ಹಾಗೂ ಸೌದಾಮಿನಿ ಪಾತ್ರದಲ್ಲಿ ಸ್ವಾತಿ ನಟಿಸುತ್ತಿದ್ದಾರೆ. ಖ್ಯಾತ ನಿರ್ದೇಶಕ/ನಿರ್ಮಾಪಕರಾದ ರಾಮ್ ಜೀ ಅವರ ಸಾರಥ್ಯದಲ್ಲಿ ಈ ಧಾರಾವಾಹಿಯನ್ನು ಬಾನಿಜೆ ಏಷಿಯಾ ಸಂಸ್ಥೆ ನಿರ್ಮಿಸುತ್ತಿದ್ದು, ಸಹನಿರ್ಮಾಣದ ಜವಾಬ್ದಾರಿಯನ್ನು ಗಗನ ಎಂಟರ್ ಪ್ರೈಸಸ್ ಸಂಸ್ಥೆ ಹೊತ್ತಿಕೊಂಡಿದೆ.

ಇನ್ನು ಶೀಘ್ರದಲ್ಲೇ ಕಾವೇರಿ ಕನ್ನಡ ಮೀಡಿಯಂ ಸೀರಿಯಲ್ ಪ್ರಸಾರವಾಗಲಿದೆ. ಕನ್ನಡದ ಬಗ್ಗೆ ಅಪಾರವಾದ ಪ್ರೀತಿ ಹೊಂದಿರುವ ಕಾವೇರಿ ಕತೆ. ಕನ್ನಡದಲ್ಲೇ ಏನಾದ್ರೂ ಸಾಧನೆ ಮಾಡಬೇಕು ಎಂದುಕೊಂಡಿದ್ದಾಳೆ.

ಇವತ್ತು ಕಾಲೇಜಿನಲ್ಲಿ ಫಸ್ಟ್ ಕ್ಲಾಸ್. ನೀವೆಲ್ಲಾ ಕನ್ನಡ ಟೀಚರ್ ಟ್ರೈನಿಂಗ್ ಗೆ ಸೇರಿದ್ದೀರಿ. ಅದೇನ್ ಮಾಡ್ತೀರಾ ಅಂತ ನೋಡಬೇಕು ಎಂದು ಎಂದು ಮೇಷ್ಟ್ರು ಕೇಳ್ತಾ ಇದ್ದಾರೆ.

ಯಾರಪ್ಪಾ ರಮೇಶ್, ಪಿಯುಸಿನಲ್ಲೂ ಜಸ್ಟ್ ಪಾಸ್, ಡಿಗ್ರಿನಲ್ಲೂ ಜಸ್ಟ್ ಪಾಸ್. ನೀನ್ಯಾಕೆ ಮೇಷ್ಟ್ರು ಆಗಬೇಕು ಎಂದುಕೊಂಡಿದ್ದೀಯಾ? ಎಂದು ಕೇಳ್ತಾರೆ. ಅದಕ್ಕೆ ರಮೇಶ್, ಊರಲ್ಲಿ ಟೀ ಶಾಪ್ ಹಾಕಬೇಕು. ಡಬಲ್ ಡಿಗ್ರಿ ಇದ್ರೆ ಲೋನ್ ಸ್ವಲ್ಪ ಜಾಸ್ತಿ ಕೊಡ್ತಾರೆ ಸರ್ ಅದಕ್ಕೆ ಅಂತ ಬಂದೆ ಎಂದು ಹೇಳ್ತಾನೆ.

ಯಾರಮ್ಮಾ ಕಾವೇರಿ, SSLC ಯಲ್ಲಿ 590, ಪಿಯುಸಿಯಲ್ಲಿ 570, ಡಿಗ್ರಿಯಲ್ಲೂ ಡಿಸ್ಟಿಂಕ್ಷನ್. ನೀನ್ ತೆಗೆದುಕೊಂಡಿರು ಮಾಕ್ರ್ಸ್‍ಗೆ ಇಂಜಿನಿಯರ್ ಅಥವಾ ಡಾಕ್ಟರ್ ಆಗಬಹುದಿತ್ತು. ನೀನ್ಯಾಕೆ ಟೀಚರ್ ಟ್ರೈನಿಂಗ್ ಗೆ ಬಂದಿದ್ದಿ ಎಂದು ಕೇಳ್ತಾರೆ.

ಟೀಚರ್ ಆಗಬೇಕು ಎನ್ನುವುದು ನನ್ನ ಕನಸು ಎಂದು ಕಾವೇರಿ ಹೇಳ್ತಾಳೆ. ಅದಕ್ಕೆ ಮೇಷ್ಟ್ರು ನೀನು ಜೀವನದಲ್ಲಿ ತುಂಬಾ ಕಷ್ಟ ಪಡಬೇಕಾಗುತ್ತೆ ಎಂದು ಹೇಳ್ತಾರೆ.

ನಾನು ಓದಿರುವ ಓದು, ನಾನು ನಂಬಿರೋ ಭಾಷೆ, ಯಾವತ್ತೂ ನನ್ನ ಕೈ ಬಿಡಲ್ಲ ಸರ್ ಎಂದು ಕಾವೇರಿ ಹೇಳ್ತಾಳೆ. ಸ್ಟಾರ್ ಸುವರ್ಣ ಹೆಮ್ಮೆಯಿಂದ ಅರ್ಪಿಸುತ್ತಿದೆ ಕಾವೇರಿ ಕನ್ನಡ ಮೀಡಿಯಂ ಧಾರಾವಾಹಿ. ಶೀಘ್ರದಲ್ಲೇ ಸೀರಿಯಲ್ ಸ್ಟಾರ್ಟ್ ಆಗುತ್ತೆ.