Jenugudu Serial: 'ಜೇನುಗೂಡಿ'ನಿಂದ ಹೊರ ಬಂದ ದಿಯಾ, ಇದ್ದಕ್ಕಿದ್ದ ಹಾಗೇ ನಾಯಕಿ ಬದಲಾವಣೆ ಯಾಕೆ?

ಕನ್ನಡ ಕಿರುತೆರೆಯಲ್ಲಿ ಹೊಸತನಕ್ಕೆ ಮೊದಲ ಆದ್ಯತೆ ನೀಡುತ್ತಾ ಬಂದಿರುವ 'ಸ್ಟಾರ್ ಸುವರ್ಣ' ವಾಹಿನಿಯಲ್ಲಿ ಜೇನುಗೂಡ ಧಾರಾವಾಹಿ ಎಲ್ಲರ ಅಚ್ಚುಮೆಚ್ಚಿನ ಧಾರಾವಾಹಿ. ರಾತ್ರಿ 10 ಗಂಟೆಗೆ ಪ್ರಸಾರವಾಗ್ತಿದೆ.

ಜೇನುಗೂಡು ಧಾರಾವಾಹಿಯ ಎಲ್ಲಾ ಪಾತ್ರಗಳು ಜನರಿಗೆ ಇಷ್ಟವಾಗಿವೆ. ಅದರಲ್ಲೂ ದಿಯಾ ಪಾತ್ರ ಅಭಿಮಾನಿಗಳನ್ನು ಸೆಳೆದಿದೆ. ಎಲ್ಲರನ್ನೂ ಶಶಂಕಾ-ದಿಯಾ ಜೋಡಿ ಮೋಡಿ ಮಾಡಿದೆ.

ದಿಯಾ ಪಾತ್ರವನ್ನು ನಿತ್ಯಾ ಗೌಡ ಅವರು ಮಾಡುತ್ತಿದ್ದಾರೆ. ಆದ್ರೆ ಇವರು ಧಾರಾವಾಹಿಯಿಂದ ಹೊರ ಬಂದಿದ್ದಾರೆ ಎಂದು ಹೇಳಲಾಗ್ತಿದೆ. ಆ ಪಾತ್ರಕ್ಕೆ ಬೇರೆಯವರು ಬರುತ್ತಿದ್ದಾರಂತೆ.

ಮೊದಲೇ ಕಂಡ ಕಂಡಾಗ, ಸಿಕ್ಕಾಗೆಲ್ಲ ಜಗಳವಾಡುವ ದಿಯಾ-ಶಶಾಂಕ್ ಮದುವೆಯಾದ ಮೇಲೆ ಖಂಡಿತ ದೂರಾಗುತ್ತಾರೆ ಎಂಬುದು ಎಲ್ಲರ ಚಿಂತನೆಯಾಗಿತ್ತು. ಆದರೆ ಜಗಳವಾಡುತ್ತಲೇ ಇದ್ದರು.

ಮೊದ ಮೊದಲಿಗೆ ಹಾವು ಮುಂಗುಸಿಯಂತೆ ಆಡುತ್ತಿದ್ದವರು ಇದೀಗ ಕೊಂಚ ಕಡಿಮೆ ಮಾಡಿಕೊಂಡಿದ್ದಾರೆ. ಕೋಳಿ ಜಗಳಕ್ಕೆ ತಿರುಗಿದ್ದಾರೆ. ಹಲವು ತಿರುವುಗಳ ಮೂಲಕ ಧಾರಾವಾಹಿ ಚೆನ್ನಾಗಿ ಓಡ್ತಾ ಇದೆ.

ದಿಯಾ ನಟನೆ, ಅವರ ಕ್ಯೂಟ್ ನೆಸ್ ಎಲ್ಲರಿಗೂ ಇಷ್ಟ ಆಗಿತ್ತು. ದಿಯಾ ಪಾತ್ರಕ್ಕೆ ಜೀವ ತುಂಬಿದ್ದರು ನಿತ್ಯಾ ಗೌಡ. ನಟನೆ ಮೂಲಕ ಕನ್ನಡಿಗರ ಮನಸ್ಸು ಗೆದ್ದಿದ್ದರು.

ಇನ್ನೂ ದಿಯಾ ಪಾತ್ರಕ್ಕೆ ಕನ್ನಡತಿಯ ಸುಚಿ ಬರುತ್ತಾರೆ ಎಂದು ಹೇಳಲಾಗ್ತಿದೆ. ಅಮೃತಾ ಮೂರ್ತಿ ಬರಲಿದ್ದಾರೆ. ಆದ್ರೆ ಅಧಿಕೃತ ಮಾಹಿತಿ ಇಲ್ಲ.

ಸದ್ಯ ಜೇನುಗೂಡು ಧಾರಾವಾಹಿ ಚೆನ್ನಾಗಿ ರನ್ ಆಗ್ತಿದೆ. ಟಿಆರ್ ಪಿಯಲ್ಲೂ ಸಹ ಮುಂದಿದೆ. ನಿತ್ಯಾ ಗೌಡ ಅವರು ಧಾರಾವಾಹಿ ಔಟ್ ಆಗಿರುವುದು ಬೇಸರ ತಂದಿದೆ ಎಂದು ಕೆಲ ಅಭಿಮಾನಿಗಳು ಹೇಳಿದ್ದಾರೆ.