Jenugudu Serial: 'ಜೇನುಗೂಡು' ಸೇರಿದ ಅಮೃತಾ ಮೂರ್ತಿ, ದಿಯಾ ಪಾತ್ರಕ್ಕೆ ಜೀವ ತುಂಬ್ತಾರಾ?

ಕನ್ನಡ ಕಿರುತೆರೆಯಲ್ಲಿ ಹೊಸತನಕ್ಕೆ ಮೊದಲ ಆದ್ಯತೆ ನೀಡುತ್ತಾ ಬಂದಿರುವ 'ಸ್ಟಾರ್ ಸುವರ್ಣ' ವಾಹಿನಿಯಲ್ಲಿ ಜೇನುಗೂಡ ಧಾರಾವಾಹಿ ಎಲ್ಲರ ಅಚ್ಚುಮೆಚ್ಚಿನ ಧಾರಾವಾಹಿ. ರಾತ್ರಿ 10 ಗಂಟೆಗೆ ಪ್ರಸಾರವಾಗ್ತಿದೆ.

ಜೇನುಗೂಡು ಧಾರಾವಾಹಿಯ ಎಲ್ಲಾ ಪಾತ್ರಗಳು ಜನರಿಗೆ ಇಷ್ಟವಾಗಿವೆ. ಅದರಲ್ಲೂ ದಿಯಾ ಪಾತ್ರ ಅಭಿಮಾನಿಗಳನ್ನು ಸೆಳೆದಿದೆ. ಎಲ್ಲರನ್ನೂ ಶಶಂಕಾ-ದಿಯಾ ಜೋಡಿ ಮೋಡಿ ಮಾಡಿದೆ.ದಿಯಾ ನಟನೆ, ಅವರ ಕ್ಯೂಟ್ ನೆಸ್ ಎಲ್ಲರಿಗೂ ಇಷ್ಟ ಆಗಿತ್ತು. ದಿಯಾ ಪಾತ್ರಕ್ಕೆ ಜೀವ ತುಂಬಿದ್ದರು ನಿತ್ಯಾ ಗೌಡ. ನಟನೆ ಮೂಲಕ ಕನ್ನಡಿಗರ ಮನಸ್ಸು ಗೆದ್ದಿದ್ದರು.

ದಿಯಾ ಪಾತ್ರವನ್ನು ನಿತ್ಯಾ ಗೌಡ ಅವರು ಮಾಡುತ್ತಿದ್ದರು. ಆದ್ರೆ ಇವರು ಧಾರಾವಾಹಿಯಿಂದ ಹೊರ ಬಂದಿದ್ದಾರೆ. ಇದ್ದಕ್ಕಿದ್ದ ಹಾಗೇ ನಿತ್ಯಾ ಅವರು ಯಾಕೆ ಹೊರಬಂದ್ರು ಎಂದು ಗೊತ್ತಿಲ್ಲ.

ದಿಯಾ ಪಾತ್ರಕ್ಕೆ ಕನ್ನಡತಿ ಖ್ಯಾತಿಯ ಸುಚಿ ಅವರು ಬಂದಿದ್ದಾರೆ. ನಟಿ ಅಮೃತಾ ಮೂರ್ತಿ ಬಂದಿದ್ದಾರೆ. ಸೋಮವಾರದಿಂದ ಅಮೃತಾ ಮೂರ್ತಿ ಅವರು ದಿಯಾ ಆಗಿ ನಟಿಸುತ್ತಿದ್ದಾರೆ.

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ ಕನ್ನಡತಿ ಧಾರಾವಾಹಿ ಎಲ್ಲರ ಅಚ್ಚುಮೆಚ್ಚಿನ ಸೀರಿಯಲ್ ಆಗಿತ್ತು. ಧಾರಾವಾಹಿ ಮುಕ್ತಾಯ ಆಗಿದ್ರೂ ಅದರಲ್ಲಿನ ಪಾತ್ರಗಳನ್ನು ಇನ್ನೂ ಜನ ಮರೆತಿಲ್ಲ. ಹರ್ಷನ ತಂಗಿ ಪಾತ್ರ ಮಾಡಿದ್ದ ಸುಚಿ ಸಹ ಜನರಿಗೆ ಇಷ್ಟ ಆಗಿದ್ಲು.

ಕನ್ನಡತಿ ಧಾರಾವಾಹಿಯಲ್ಲಿ ಹೀರೋ ತಂಗಿ ಆಗಿದ್ದ ಸುಚಿ, ಹರ್ಷ ಮತ್ತು ಭುವಿ ಪ್ರೀತಿಯನ್ನು ಸಕ್ಸಸ್ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಳು. ಅದೇ ರೀತಿ ಅಣ್ಣ-ಅತ್ತಿಗೆಗೆ ಬೆಂಬಲ ನೀಡಿದ್ಲು.

ಸುಚಿ ಪಾತ್ರ ನೋಡಿದ ಜನ ನಮಗೂ ಈ ರೀತಿಯ ತಂಗಿ ಇರಬೇಕಿತ್ತು ಎಂದುಕೊಂಡಿದ್ದು ಸುಳ್ಳಲ್ಲ. ಆ ರೀತಿ ಅದ್ಭುತವಾಗಿ ನಟಿಸಿದ್ದರು ಅಮೃತಾ ಮೂರ್ತಿ. ಅಮೃತಾ ಮೂರ್ತಿ ಅವರಿಗೆ ಡ್ಯಾನ್ಸ್ ಎಂದ್ರೆ ತುಂಬಾ ಇಷ್ಟ. ಅವರು ಡ್ಯಾನ್ಸಿಂಗ್ ಚಾಂಪಿಯನ್‍ಶಿಪ್ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿ ವಿಧ ವಿಧವಾದ ಡ್ಯಾನ್ಸ್ ಮಾಡಿದ್ದರು.

ಸದ್ಯ ಜೇನುಗೂಡು ಧಾರಾವಾಹಿ ಚೆನ್ನಾಗಿ ರನ್ ಆಗ್ತಿದೆ. ಟಿಆರ್ ಪಿಯಲ್ಲೂ ಸಹ ಮುಂದಿದೆ. ಅಮೃತಾ ಮೂರ್ತಿ ಅವರನ್ನು ಜನ ದಿಯಾ ಆಗಿ ಸ್ವೀಕಾರ ಮಾಡ್ತಾರಾ ನೋಡಬೇಕು.