Star Suvarna: ಗಾನ ಬಜಾನದಲ್ಲಿ ಲೀಲಾ ಮೋಡಿ, ಮತ್ತೆ ಗೆಲ್ಲೋಕೆ ಬಂದ್ರು ಸಪ್ತಮಿ ಗೌಡ!

ಕನ್ನಡದ ಸ್ಟಾರ್ ಸುವರ್ಣ ಚಾನೆಲ್ ಹೊಸ ಪ್ರಯೋಗಗಳನ್ನು ಮಾಡುತ್ತಾ ಜನರಿಗೆ ಮನರಂಜನೆ ನೀಡ್ತಾ ಇದೆ. ಧಾರಾವಾಹಿ, ರಿಯಾಲಿಟಿ ಶೋ ಹೀಗೆ ವಿವಿಧ ಕಾರ್ಯಕ್ರಮಗಳನ್ನ ಮಾಡ್ತಾನೇ ಬಂದಿದೆ. ಅದೇ ರೀತಿ ಮತ್ತೆ ಗಾನ ಬಜಾನ ಸೀಸನ್ 3 ಶುರುವಾಗಿದೆ.

ಸ್ಟಾರ್ ಸುವರ್ಣದಲ್ಲಿ ಪ್ರತಿ ಭಾನುವಾರ ಸಂಜೆ 6 ಗಂಟೆಗೆ ಗಾನ ಬಜಾನ ಕಾರ್ಯಕ್ರಮ ಪ್ರಸಾರವಾಗುತ್ತೆ. ಇದೊಂದು ಮನರಂಜನೆ ಕಾರ್ಯಕ್ರಮವಾಗಿದ್ದು, ಹಾಡುಗಳನ್ನು ಕಂಡು ಹಿಡಿಯುತ್ತಾ, ಹಣ ಗಳಿಸಬಹುದು.

ಗಾನಾ ಬಜಾನ ಕಾರ್ಯಕ್ರಮಕ್ಕೆ ಕಾಂತಾರ ಸಿನಿಮಾ ಕಲಾವಿದರು ಬಂದಿದ್ದಾರೆ. ಈ ಮೊದಲೇ ಒಮ್ಮೆ ಬಂದಿದ್ದ ಲೀಲಾ ಅಂದ್ರೆ ಸಪ್ತಮಿ ಗೌಡ ಸಹ ಕಾರ್ಯಕ್ರಮಕ್ಕೆ ಆಗಮಿಸಿದ್ದಾರೆ.

ಗಾನಬಜಾನ ಸೀಸನ್-3 ಕಾರ್ಯಕ್ರಮವನ್ನು ನಿರೂಪಕ ಅಕುಲ್ ಬಾಲಾಜಿ ಅವರು ನಡೆಸಿ ಕೊಡ್ತಾರೆ. ಸಿನಿಮಾ ತಾರೆಯರು ಭಾಗವಹಿಸೋ ಈ ರಿಯಾಲಿಟಿ ಶೋ ಸಖತ್ ಆಗಿ ಇರುತ್ತದೆ.

ಈ ಸಲ ನಾನು ಗೆಲ್ಲೋಕೆ ಬಂದಿದ್ದೇನೆ. ಯಾವುದೇ ಕಾರಣಕ್ಕೂ ಸೋಲಲ್ಲ ಎಂದು ಸಪ್ತಮಿ ಗೌಡ ಹೇಳಿದ್ದಾರೆ. ಎಲ್ಲಾ ಆಟಗಳನ್ನು ಸೂಪರ್ ಆಗಿ ಆಡ್ತಾ ಇದ್ದಾರೆ.

ಗಾನ ಬಜಾನ ಕಾರ್ಯಕ್ರಮದಲ್ಲಿ ಕಾಂತಾರ ಕಲಾವಿದರು ಸಖತ್ ಆಗಿ ಎಂಜಾಯ್ ಮಾಡಿದ್ದಾರೆ. ಹಾಡು ಹೇಳಿದ್ದಾರೆ. ಡ್ಯಾನ್ಸ್ ಮಾಡಿದ್ದಾರೆ. ಎಲ್ಲವೂ ಚೆನ್ನಾಗಿದೆ.

ಕಾಂತಾರದಲ್ಲಿ ಸಪ್ತಮಿ ಗೌಡ ಲೀಲಾ ಆಗಿ ಅಮೋಘವಾಗಿ ನಟಿಸಿದ್ದಾರೆ. ಕರುನಾಡ ಜನ ಸಪ್ತಮಿ ಅವರನ್ನು ಲೀಲಾ ಎಂದೇ ಗುರುತಿಸುತ್ತಾರೆ. ಅದೇ ರೀತಿ ಕರೆಯುತ್ತಾರೆ.

ಕಾಂತಾರ ಹಿಟ್ ಆಗಿದ್ದೇ ತಡ, ಸಪ್ತಮಿ ಅವರಿಗೆ ಅನೇಕ ಅವಕಾಶಗಳು ಒದಗಿ ಬಂದಿವೆ. ಸ್ಯಾಂಡಲ್‍ವುಡ್, ಬಾಲಿವುಡ್ ನಲ್ಲಿ ಸಪ್ತಮಿ ಬ್ಯುಸಿ ಆಗಲಿದ್ದಾರೆ.