Bombat Bhojanaದಲ್ಲಿ ಅಮೃತ ಅಯ್ಯಂಗಾರ್ ಹೇಳಿದ ಅಡುಗೆ ಗುಟ್ಟು

ಸ್ಟಾರ್ ಸುವರ್ಣದ ಬೊಂಬಾಟ್ ಭೋಜನ ಮಹಿಳೆಯರಿಗೆ ಮೋಡಿ ಮಾಡಿದೆ. ಮಧ್ಯಾಹ್ನ 12 ಗಂಟೆಯಾದ್ರೆ ಸಾಕು, ಎಲ್ಲರೂ ತಪ್ಪದೇ ಸ್ಟಾರ್ ಸುವರ್ಣ ನೋಡ್ತಾರೆ.

ನಟರಾಗಿ ಜನರ ಮನಸ್ಸು ಗೆದ್ದಿದ್ದ ಸಿಹಿ ಕಹಿ ಚಂದ್ರು ಅವರು ತಮ್ಮ ರುಚಿಕರ ಅಡುಗೆ ಮೂಲಕವೂ ಅಸಂಖ್ಯಾತ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ದಿನನಿತ್ಯ ಬಳಸುವ, ಕೈಗೆಟುಕುವ ಸಾಮಾಗ್ರಿಗಳಲ್ಲೇ ರುಚಿಕರ ಅಡುಗೆ ಮಾಡುತ್ತಾರೆ. ಆರೋಗ್ಯದ ಕುರಿತು ಮನೆಮದ್ದುಗಳನ್ನು ಡಾ. ಗೌರಿ ಸುಬ್ರಹ್ಮಣ್ಯ ತಿಳಿಸುತ್ತಾರೆ.

ಬೊಂಬಾಟ್ ಭೋಜನ ಕಾರ್ಯಕ್ರಮದಲ್ಲಿ ಯುಗಾದಿ ವಿಶೇಷ ಮಾಡಲಾಗ್ತಿದೆ. ಹಬ್ಬದ ಪ್ರಯುಕ್ತ ಬುಧವಾರ ನಟಿ ಅಮೃತಾ ಅಯ್ಯಂಗಾರ್ ಬಂದಿದ್ದಾರೆ.

ಹಬ್ಬದ ವಿಶೇಷವಾಗಿ ಅನ್ನವರತ ಮಾಡ್ತಾ ಇದ್ದೀನಿ ಎಂದು ಸಿಹಿಕಹಿ ಚಂದ್ರು ಅವರು ಹೇಳಿದ್ದಾರೆ. ಅದಕ್ಕೆ ನಟಿ ಅಮೃತಾ ಅವರು ನನಗೆ ಮನೆಯಲ್ಲಿ ಅಡುಗೆ ಮಾಡಲು ಎಲ್ಲಾ ಇರಬೇಕು ಎಂದು ಹೇಳಿದ್ದಾರೆ.

ಮನೆಯಲ್ಲಿ ಏನ್ ಇರುತ್ತೋ ಅದರಿಂದ ಅಡುಗೆ ಮಾಡ್ತೀನಿ ನಾನು ಎಂದು ಸಿಹಿಕಹಿ ಚಂದ್ರು ಹೇಳಿದ್ದಾರೆ. ಅದಕ್ಕೆ ಅಮೃತಾ ಅವರು ನೀವು ಕರ್ನಾಟಕದ ಪ್ರೀತಿಯ ಅಪ್ಪ ಎಂದು ಹೇಳಿದ್ದಾರೆ.

ಸಿಹಿಕಹಿ ಚಂದ್ರು ಮತ್ತು ನಟಿ ಅಮೃತಾ ಅಯ್ಯಂಗಾರ್ ನಿನ್ನಂತ ಅಪ್ಪ ಇಲ್ಲ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ರುಚಿಯಾದ ಅಡುಗೆ ಜೊತೆ ಮನರಂಜನೆಯೂ ಹೆಚ್ಚಾಗಿದೆ. ಬುಧವಾರ ಮಧ್ಯಾಹ್ನ 12 ಗಂಟೆಗೆ ಕಾರ್ಯಕ್ರಮ ಪ್ರಸಾರವಾಗಲಿದೆ.

ನಟಿ ಅಮೃತಾ ಲವ್ ಮಾಕಟೇಲ್, ಅನುಷ್ಕ, ಪಾಪಕಾರ್ನ ಮಂಕಿ ಟೈಗರ್, ಬಡವ ರಾಸ್ಕಲ್, ಹೊಯ್ಸಳ ಮುಂತಾದ ಚಿತ್ರಗಳಲ್ಲಿ ನಟಿಸಿ ಖ್ಯಾತಿ ಪಡೆದಿದ್ದಾರೆ.

ನಟಿ ಅಮೃತಾ ಅಯ್ಯಂಗಾರ್ ಸದ್ಯ ಸಿನಿಮಾ ಶೂಟಿಂಗ್ ಗಳಲ್ಲಿ ಬ್ಯುಸಿ ಆಗಿದ್ದಾರೆ. ಬಿಡುವ ಮಾಡಿಕೊಂಡು ಬೊಂಬಾಟ್ ಭೋಜನ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ರು.