ಶುರುವಾಯ್ತು ಮದಗಜದ ಅಬ್ಬರ: ಹಾಡಿನ ಚಿತ್ರೀಕರಣಕ್ಕೆ ಸಿದ್ಧವಾಗಿದೆ ಅದ್ಧೂರಿ ಸೆಟ್​..!

ಮಹೇಶ್​ ನಿರ್ದೇಶನದ ಹಾಗೂ ಉಮಾಪತಿ ನಿರ್ಮಾಣದ ಸಿನಿಮಾ ಮದಗಜ ಚಿತ್ರೀಕರಣ ಇಂದಿನಿಂದ ಆರಂಭವಾಗಿದೆ.

ಸಿನಿಮಾದ ಕೊನೆಯ ಹಂತದ ಚಿತ್ರೀಕರಣ ಆರಂಭವಾಗಿರುವ ಬಗ್ಗೆ ನಿರ್ದೇಶಕ ಮಹೇಶ್ ಅವರೇ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಶ್ರೀಮುರಳಿ ಹಾಗೂ ಆಶಿಕಾ ರಂಗನಾಥ್​ ಅಭಿನಯದ ಮದಗಜ ಸಿನಿಮಾದ ಹಾಡಿನ ಚಿತ್ರೀಕರಣಕ್ಕಾಗಿ ಅದ್ದೂರಿ ಸೆಟ್ ನಿರ್ಮಾಣವಾಗಿದೆ.

ಬೆಂಗಳೂರಿನ ಎಚ್ಎಂಟಿ ಮೈದಾನದಲ್ಲಿ ಬೃಹತ್​ ಸೆಟ್​ ನಿರ್ಮಿಸಿದ್ದು, ಅಲ್ಲಿ ಸಿನಿಮಾದ ಟೈಟಲ್ ಟ್ರ್ಯಾಕ್​ ಶೂಟಿಂಗ್​ ಆಗಲಿದೆ.

ಹಾಡಿನ ಚಿತ್ರೀಕರಣಕ್ಕೆಂದು ವಿಭಿನ್ನವಾದ ಮೂರು ಸೆಟ್​ಗಖನ್ನು ನಿರ್ಮಿಸಲಾಗಿದೆ. ಈ ಹಾಡು ಸಿನಿಮಾದ ಹೆಸರಿನಂತೆಯೇ ಆನೆಗಳ ಥೀಮ್​ ಮೇಲೆ ಮಾಡಲಾಗುತ್ತಿದೆ.

ಈ ಸಿನಿಮಾದಲ್ಲಿ ಟಾಲಿವುಡ್​ ನಟ ಜಗಪತಿ ಬಾಬು ಅವರೂ ನಟಿಸಿದ್ದಾರೆ.

ಈ ಸಿನಿಮಾದಲ್ಲಿ ಶ್ರೀಮುರಳಿ ಸಖತ್ ರಗಡ್​ ಹಾಗೂ ಮಾಸ್​ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಟೈಟಲ್​ ಟ್ರ್ಯಾಕ್​ ಶೂಟಿಂಗ್​ ನಂತರ ಮೈಸೂರಿನ ಸುತ್ತಮುತ್ತ ಮತ್ತೊಂದು ಹಾಡಿನ ಚಿತ್ರೀಕಣರ ನಡೆಯಲಿದೆಯಂತೆ.

ಕಡೆಯದಾಗಿ ಮೇಕೆದಾಟುವಿನಲ್ಲಿ ಕ್ಲೈಮ್ಯಾಕ್ಸ್​ ಶೂಟಿಂಗ್​ ನಡೆಯಲಿದೆ.